అప్పట్లో నటులు ఎక్కువ చదువుకోలేదు కావున సంగీతం మీద దృష్టి పెట్టారే కానీ వేషం మీద దృష్టి పెట్టలేదు. బహుశా ఇప్పటి నటులకు కూడా చాలా మందికి తెలియదు. శాలువా ఎప్పుడు కావాలంటే అప్పుడు కుడివైపుకు, ఎడమవైపుకు వాళ్ళ ఇష్టమొచ్చినట్టు వేసుకుంటున్నారు. భార్య వున్నవాళ్లు ఎడమవైపుకు, భార్య లేనివాళ్లు (లేక ఎడబాటు వున్నవాళ్లు)కుడివైపుకు వేసుకోవాలి.
కొంతకాలం పాటు ఒక వెలుగు వెలిగిన గొప్ప నటులు మొలకారెడ్డి గారు. మేరునగధీరులైన నటుల వారసత్వాన్ని పుణికి పుచ్చుకొని ముందుకు సాగిన మహానటునిగా రెడ్డి గారిని కీర్తించవచ్చు. వేషం, భాష, గానం, నటన అద్భుతంగా చూపించగల, పలికించగల నటులలో రెడ్డి గారిది ఓ ప్రత్యేక శైలి. ఈ సందర్భంగా ఆయనను గుర్తుచేసిన ఛానల్ నిర్వాహకులకు ధన్యవాదాలు