సారాంశం: కొరింథీయులకు రాసిన 1 పత్రిక Overview: 1 Corinthians 

Merru beptism tiskunaraa sister

1 కొరింథీ 1 వచనాలు దాని సందర్భంలో చదివితే స్పష్టంగా అర్థం అవుతుంది సిస్టర్. ఇక్కడ పౌలు 12వ వచనం నుండి కొరింథీ సంఘంలోని సమస్యను గూర్చి రాస్తున్నాడు. పౌలు వాడను, అపోల్లో వాడను అని భేదాలు సృష్టించుకున్న వారు ఆ సంఘంలో ఉన్నారు. ఇందుకు పౌలు, అసలు పౌలు ఎవరు, అపోలో ఎవరు వీరంతా ఎర్పరచబడిన వారే కదా! అంటూ ఏకమనసు కలిగి ఉండమని చెప్తున్నాడు. ఆ సందర్భంలో, పౌలు నామంలో బాప్తీస్మం పొందారా? లేక యేసు నామంలో బాప్తీస్మం పొందారా? అని ప్రశ్నించాడే గాని అక్కడ "పౌలు నామంలో బాప్తీస్మం" లేనేలేదు. "నా నామమున" అని 14వ వచనంలో ఉన్న మాటను - "నా చేత" అని అర్థం చేసుకోవాలి. ఎందుకంటే, ఆ ముందు వచనంలో పౌలు కాదు యేసు మీ (పాపముల) నిమిత్తం శిలువ వెయ్యబడ్డాడు అని తాను స్వయంగా వ్రాస్తున్నారు. పౌలు, బాప్తీస్మం ఇవ్వడానికి కాదు, సువార్త ప్రకటించుటకు పిలువబడ్డాను అని తన ఉద్దేశ్యాన్ని, పిలుపును తెలియపరుస్తున్నాడు. ఆనాడు బాప్తీస్మం ఇచ్చేవారు బహుశా ఎక్కువ ఉండవచ్చును. అందుకేనేమో సువార్త ప్రకటన్నే తన పిలుపు అంటున్నాడు. (18వ వచనం) బాప్తీస్మం, సంఘంలో ఎవరైనా ఇవ్వవొచ్చును. బైబిల్ అందుకు వ్యతిరేకంగా లేదు. బాప్తీస్మం కేవలం ఒక గుర్తు.. సంఘం యెదుట, మన విశ్వాసాన్ని నోటితో ఒప్పుకునే ఒక నిబంధన. కానీ సువార్త ప్రకటన ఒక ప్రత్యేకమైన పిలుపు. ఈ పిలుపుకు బాప్తీస్మం పోల్చడం సరికాదు. కేవలం బాప్తీస్మం ద్వారా దేవుని రాజ్యానికి మనం వెళ్తాము అని అనుకుంటే పొరపాటే! నీటి బాప్తీస్మం పరిసయ్యులు కూడా పొందారు. కానీ వారు సర్పసంతానం గానే పిలువ బడ్డారు. ఆత్మ మూలంగా జన్మించే పని పరిశుద్ధాత్ముడు జరిగిస్తాడు అయితే, ఆ పనిలో తాను బహుగా వాడబడే పాత్ర అని పౌలుకు తెలుసు. అదే ఉద్దేశ్యాన్ని వ్యక్తపరుస్తున్నారు. సందర్భాన్ని బట్టి బైబిల్ ధ్యానించడం ద్వారా ఇలాంటివి కొంత వరకు స్పష్టత వస్తుంది.