ಖೊಲೆ ಕೊವ್ಳುನ್ ಕರ್ಚೆ ಪಾತ್ರಾಡೆ | Taro Colocasia Patra Leaves Pathrode recipe in Konkani
ಮೊಂತಿ ಫೆಸ್ಥ್ ಕುಟ್ಮಾಚೆ ಫೆಸ್ಥ್, ಮ್ಹಾಕಾ ಫೆಸ್ಥಾಂ ಪೈಕಿ ಮೊಂತಿ ಫೆಸ್ಥ್ ಸಡ್ ಮೊಗಾಚೆಂ ಫೆಸ್ತ್! ಭೊವ್ ಸಂಪ್ರದಾಯಿಕ್ ರಿತಿನ್ ಹೆಂ ಫೆಸ್ತ್ ಆಮಿ ಆಚರಣ್ ಕರ್ತಾಂವ್. ನೊವೆನಾಂ ಆನಿ ಭುರ್ಗ್ಯಾಂನಿ ಫುಲಾಂ ಅರ್ಪುನ್ ಮೊರ್ಯೆ ಮಾಯೆಕ್ ನಮಾನ್ ಕರ್ತಾಂವ್. ಫೆಸ್ತಾ ದಿಸಾ ಕಣ್ಶಿ ಬೆಂಜಾರ್ ಕರ್ನ್, ಸಂಬ್ರಮಿಕ್ ಮೀಸ್ , ಕೊಬು ಆನಿ ಕುಟ್ಮಾ ಸಾಂಗಾತಾ ನೊವೆಂ ಜೆವಾಣ್ ಸಂಬ್ರಮ್ ದೊಡ್ತೊ ಕರ್ತಾ.
ಅಸಲೊ ಸಂಬ್ರಮ್ ಕೆವಲ್ ಕರಾವಳಿಂತ್ ಪೊಳುಂಕ್ ಮೆಳ್ತಾ! ಪೂಣ್ ಆಜ್ ಕಲ್ ಪರ್ಗಾವಾಂನಿ ಕರಾವಳಿ ಕೊಂಕ್ಣಿ ಸಮುದಾಯ್ ಇತ್ಯಾದಿ ಪಂಗ್ಡಾ ಹ್ಯಾಚ್ ರಿತಿನ್ ಸಂಬ್ರಮಿಕ್ ರಿತಿನ್ ಆಕ್ಯಾ ಸೊಂಸರಾರ್ ಫೆಸ್ಥ್ ಆಚರಣ್ ಜಾತಾ
ವಿವಿಧ್ ಜಾಗ್ಯಾನಿ ವಿವಿಧ್ ಸಂಪ್ರದಾಯ್ ಆಸಾ. ಮ್ಹುಜೊ ಗಾಂವ್ ಉಡ್ಪಿಂತ್ ಸಂತೆಕಟ್ಟೆ ಆನಿ ಆಮ್ಚೆ ಸಂಪ್ರದಾಯೆ ಪ್ರಕಾರ್ ಆಳುಂ ದೆಂಟೊ, ಬೆಂಡಾ ಅಂಬಡೆ, ಪತ್ರಡೆ , ಮಾಸ್ಲಿ ಕಡಿ, ಚಣೊ, ಕರಂಬ್, ವೋರ್ನ್ ಪ್ರಮುಖ್ ಆನಿ ಹೆರ್ ರಾಂದ್ವಯ್ ರಾಂದ್ಚಿ ಸಂಪ್ರದಾಯ್ ಆಸಾ.
ಪಾತ್ರಾಡೆ ದೋನ್ ರಿತಿನ್ ಕರ್ತಾತ್ ಎಕ್ ಕೊವ್ಳುನ್ ಆನ್ಯೆಕ್ ಲಾತಾಡ್ ವಾ ಪಾತೊಳ್ಯೊ ಕರ್ನ್ ಕಡಿಯೆಂತ್ ಘಾಲ್ಚಿ ರೀತ್.
ಆಜ್ ಕೊವ್ಳುನ್ ಕರ್ಚಿ ರೀತ್ ವಿಡಿಯೊಂತ್ ದಾಕಯ್ಲ್ಯಾ.
ಪಾತ್ರಾಡೆ ಕರುಂಕ್ ಕಂಸೊ ತಾಂದು ಬರೊ?
ಉಕ್ಡೊ ರುಚಿಕ್ ಆನಿ ಮೊವ್. ಮುಟಾಂಬೊಯಿ ಬರೊ ಜಾತಾ , ಸುರೈ ತಾಂದ್ಲಾಂತ್ ಪೊಳಿ ಘಟ್ ಜಾತಾ.
ಖೊಲೆ ಖಂಚೆ ಬೊರೆ?
ತೆರೆಂ ಪಾನ್, ಆಳ್ವಾಚೆ ಪಾನ್ ವಾ ರುಕಾ ಆಳುಂಯ್ ಜಾತಾ.
ಪಾನಾ ಕೊರ್ಜಾತಾತ್ ಕಾರಣ್ ಕಿತೆಂ?
ಹ್ಯಾ ಪಾನಾನಿ "calcium oxolate" ಅಂಶ್ ಸಡ್ತಿಕ್ ಆಸ್ಲ್ಯಾನ್ ಕೊರ್ಜಾತಾ.
ಕೊರ್ಜಾನಾತ್ಲ್ಯಾ ಬರಿ ಥೊಡೆ ಟಿಪ್ಸ್
1. ಖೊಲೆ ಬರೆ ಕರ್ನ್ ಧುಯ್ಜೆ.
2. ಪಾನಾಚ್ಯಾ ಪಾಟ್ಲೆ ಕುಶೆರ್ ಶಿರೊ ಸುರ್ಯೆಂತ್ ಕಾಡ್ಚೆ.
3. ರಾಂದ್ಚೆ ಪೊಯ್ಲೆ ಆಮ್ಸಾಣಿ ಉದ್ಕಾಂತ್ ವಾ ಸೊಡಾ ಘಾಲ್ನ್
15 ಮಿನೂಟಾಂ ದೊವೊರ್ಚೆಂ.
4. ರಾಂದ್ಪಾಂತ್ ನಾರ್ಲ್, ಆಮ್ಸಾಣ್, ಲಿಂಬೊ , ಟೊಮೆಟೊ ಘಾಲ್ಯಾನ್ ಕೊರ್ಜೊಣಿ ಚಲ್ತಾ.
ಪಾನಾಂ ಧುತಾನಾ ವಾ ಆಪುಡ್ತಾನಾ ಕೊರ್ಜಾಲ್ಯಾರ್ ಇಲ್ಲಿಶಿ ಆಮ್ಸಾಣ್ ಚಿಡ್ಡುನ್ ಹಾತಾಕ್ ಸಾರಯಾ.
ಕೊವೊಳ್ಳೆ ಪಾತ್ರಾಡೆ ಹುನ್ ಕರ್ತಾನಾ ಸುಟ್ಟಾತ್ , ಹೆಂ ಸಹಜ್ ಪುಣ್ ರುಚಿಕ್ ಜಾತಾ. ಹಿ ಆದ್ಲಿ ರೆಸಿಪಿ ಟ್ರೈ ಕರ್ನ್ ಪೊಳಿಯಾ!
16 сен 2024