ತಿನ್ನದವ ಪೂಜಿಸುವ ತಿನ್ನದವನವನು
ತಿನ್ನುವರ ನೈವೇದ್ಯ ತಿನ್ನುವವನವನು
ಕೊಂದವನು ತಿಂದಾಗ ಸತ್ತವನು ಅವನು
ಸತ್ತವರು ಬಿಟ್ಟದ್ದು ತಿನ್ನುವನವನು
ನೋವಿಲ್ಲದವನವ ನೋವ ಕೊಡಲಹುದೇ?
ಸಾವಿಲ್ಲದವನಂತೆ ಅವ ಕೊಲ್ಲಲಾರನು
ಆದಿ ತಿರುಕನವನಂತೆ ಕೊಡುವುದೆಲ್ಲಿಂದ?
ಬೂದಿ ಹಚ್ಚುವನಂತೆ ಕೆಡುವುದೆಲ್ಲಿಂದ?
ಸುಟ್ಟರೂ ಸುಡದವನು ಸುಡುವುದೆಲ್ಲಿಂದ?
ಅಡಿನೆಡದ ಕಿತ್ತಡಿಯ ನಡಿಗೆಯೇ ಚಂದ
ಆರು ಮೂರರ ಮನೆಯ ಆಳುವವನವನು
ಏಳೂರ ದಾಟಿದರೆ ಕಾಣುವವನವನು
ಎಂಟೆದೆಯ ಭಂಟನವ ಗಂಟುಬಿಡಿಸುವನು
ನಾಕೈದು ಸೇರಿಸಿ ನಕ್ಕು ನಗಿಸುವನು..
: ಅಹೋರಾತ್ರ
11 май 2018