ದೇವ್ರಾಣೆ ನಿನ್ನಂಥ ಮಡದಿ ಸಿಗೋದಿಲ್ಲ
ಸಿಕ್ಕಾಗ ನಿನ್ಬೆಲೆ ಗೊತ್ತೇ ಇರಲಿಲ್ಲ/
ನನ್ನಾಣೆ ನನ್ಬೆಲೆ ನಾಲ್ಕಾಣೆ ಇಲ್ಲ
ನಿನ್ನಾಣೆ ನನ್ಮಾತು ನಂಬು ಸುಳ್ಳಲ್ಲ//
ಕಲಿಕೆಯ ವಯಸಲಿ ಕುಲಗಳ ತೊರೆದೆ
ಹಿರಿಯರನ್ನೆದುರಿಸಿ ನನ್ನಲಿ ಬೆರೆತೆ/
ಬಂಗಾರವಿಲ್ಲದ ಬಡತನದಲ್ಲಿ
ಬಂಗಾರವಾಗಿ ನೀ ನನ್ನನ್ನು ಸೇರಿದೆ//
ಹುಟ್ಟೂರು ಕಲೆತೂರು ಬೆಳೆದೂರು ತೊರೆದೆ
ಹೊರನಾಡಲೀ ಬಂದು ನನ್ನೊಡನೆ ನಿಂದೆ/
ಆಶಾಶೂನ್ಯದ ನಿನ್ನೊಡಗೂಡಿ
ಭವಭಾರದಲೂ ನಾನು ನಾಕವನು ಕಂಡೆ//
ಅರಿಯದ ವಯಸಿಗೆ ಅರಿಗಳ ಕಂಡೆ
ಅರಿಗಳ ಮುರಿಯಲು ನೀ ಬಂದು ನಿಂದೆ/
ಗಿರಿಗಳ ಹತ್ತಿ ಗುರಿಗಳ ಮುಟ್ಟಲು
ಹರಿಹರರ ಸೇವೆಗೆ ಹೆಗಲಾಗಿ ನಿಂದೆ//
ಅಹೋರಾತ್ರ
೨೦:೧೦.
೧/೫/೬.
ಮುಂಬೈ.
14 июл 2018