ಈ ವಾರದ ರಂಗಸ್ಥಳದ ಅತಿಥಿ ಮಹಾಬಲೇಶ್ವರ ಭಟ್ ಕ್ಯಾದಗಿ !
ಮಹಾಬಲೇಶ್ವರ ಭಟ್ಟ ಕ್ಯಾದಗಿ ಮೂಲತಃ ಉತ್ತರ ಕನ್ನಡ ಜಿಲ್ಲೆಯ ಶಿರಸಿಯವರು, ಇವರಿಗೆ ಕಲೆ ಹಾಗೂ ಕಲಾವಿದನಾಗಿ ಮಿಂಚುವುದೆಂದರೆ ಅದೇನೋ ಒಂದು ರೀತಿಯ ಸಂತಸ, ಕರಾವಳಿಯ ಬಡಗುತಿಟ್ಟಿನ ರಂಗಸ್ಥಳದಲ್ಲಿ ನಗೆಯ ಕಚಗುಳಿಯನ್ನು ಇಟ್ಟು ಪ್ರೇಕ್ಷಕರನ್ನು ತನ್ನತ್ತ ಸೆಳೆಯುತ್ತಿರುವ ಒಬ್ಬ ಅದ್ಭುತ ಹಾಸ್ಯ ಕಲಾವಿದ, ಯಕ್ಷಗಾನ ವಲ್ಲದೆ ತನ್ನ ವೃತ್ತಿಜೀವನಕ್ಕಾಗಿ ನಾಟಕ ಸಿನಿಮಾಗಳಲ್ಲಿ ಗುರುತಿಸಿಕೊಂಡಿದ್ದಾರೆ. ಕನ್ನಡ ಸಿನಿಮಾಗಳಲ್ಲಿ ಹಾಸ್ಯ ಕಲಾವಿದನಾಗಿ ಮಿಂಚಿದ ಇವರು ರಂಗಸ್ಥಳದಲ್ಲಿ ಕೇವಲ ಹಾಸ್ಯ ಕಲಾವಿದನಲ್ಲದೆ ಸ್ತ್ರೀವೇಷ ಪುಂಡುವೇಷ ಹಾಗೂ ಪ್ರಧಾನ ವೇಷಗಳನ್ನು ಕೂಡ ಮಾಡಿ ತಮ್ಮ ಅಮೋಘ ಅಭಿನಯದ ಮೂಲಕ ಪ್ರೇಕ್ಷಕರನ್ನು ಸೆಳೆದಿದ್ದಾರೆ. ರಂಗಸ್ಥಳದಲ್ಲಿ ಇವರು ಮಾಡಿದ ಸ್ತ್ರೀವೇಷಗಳನ್ನು ನೆನಪಿಸಿಕೊಳ್ಳುವುದಾದರೆ, ಮೋಹಿನಿ ರಂಬೆ ಹಾಗೂ ಇನ್ನೂ ಅನೇಕ ಪೌರಾಣಿಕ ಸ್ತ್ರೀವೇಷಗಳಲ್ಲಿ ಸೈ ಎನಿಸಿಕೊಂಡಿದ್ದಾರೆ. ಹಾಗೆ ಪ್ರಧಾನ ವೇಷವಾದ ಕೀಚಕ, ಕೌರವ ರಾಮ, ಹನುಮಂತ ಹೀಗೆ ಅನೇಕ ವೇಷಗಳಲ್ಲಿ ಮಿಂಚಿದ ಇವರು ರಂಗಸ್ಥಳದಲ್ಲಿ ಒಬ್ಬ ಹಾಸ್ಯ ಕಲಾವಿದನಾದರು ಕೂಡ ಪ್ರೇಕ್ಷಕರನ್ನು ಮೂಕವಿಸ್ಮಿತರಂತೆ ಮಾಡಿದ್ದು ಸುಳ್ಳಲ್ಲ. ಇದೀಗ ರಂಗಸ್ಥಳದಲ್ಲಿ ಅಭಿನಯಿಸುತ್ತಾ ತಮ್ಮ ಜೀವನ ಕಂಡುಕೊಂಡ ಅದ್ಭುತ ಕಲಾವಿದ ತನ್ನ ಮಡದಿ ಪ್ರಭಾ ಹಾಗೂ ಮಕ್ಕಳಾದ ಆದಿತ್ಯ ಅಚಿಂತ್ಯ ಜೊತೆಗೆ ಸುಂದರ ಜೀವನ ನಡೆಸುತ್ತಿದ್ದಾರೆ. ಈ ಕಲಾವಿದನ ಇನ್ನಷ್ಟು ವಿಚಾರಗಳನ್ನು ಡೆಮೊಕ್ರೆಟಿಕ್ ಟಿವಿಯ ರಂಗಸ್ಥಳದಲ್ಲಿ ನೋಡೋಣ ಬನ್ನಿ......
22 авг 2020
