അന്യം നിന്ന മീൻപിടിത്ത രീതി പുനർസൃഷ്ട്ടിച്ചപ്പോൾ | ANCIENT Kerala Fishing Method (Technique) 

🐟🐟🐟🐟🐟🐟 വാച്ചാൽ വെട്ടി മീൻ പിടിത്തം 🐟🐟🐟🐟🐟🐟
നൂറ്റാണ്ടുകൾക്കു മുൻപ് മുതൽക്കെ കേരളത്തിലെ ചില തോടുകളിൽ നില നിന്നിരുന്ന ഒരു മീൻ പിടിത്ത രീതിയാണ് "വാച്ചാൽ വെട്ടി മീൻ പിടിക്കുക " എന്നത്. പാടങ്ങളും തോടുകളും കുറഞ്ഞു വരികയും വളരെ എളുപ്പമുള്ള മീൻ പിടിത്ത മാർഗങ്ങൾ പുതു തലമുറ കണ്ടുപിടിക്കുകയും ചെയ്തതോടെ , ഈ ശ്രമകരമായ പഴയകാല മീൻപിടിത്തം ചരിത്രത്തിൽ ഇടം പിടിക്കുകയായിരുന്നു. ചെറിയ തോടുകളിൽ തടയണകൾ നിർമ്മിച്ച് അതിനോട് ചേർന്നുള്ള പറമ്പുകളിലാണ് വാച്ചാൽ നിർമ്മിച്ചിരുന്നത്.മിക്കവാറും ഓരോ വാച്ചാലും ഓരോ കുടുംബക്കാരുടേതായിരിക്കും. കൃഷി ആവശ്യത്തിനും മറ്റുമായി ഈ തടയണയിലെ വെള്ളം ഉപയോഗിക്കുകയും ചെയ്തിരുന്നു. അന്യം നിന്നെങ്കിലും ഇന്നും അതിൻറെ അവശേഷിപ്പുകൾ ഈ സ്ഥലങ്ങളിൽ കാണാൻ സാധിക്കും. ഒരിക്കൽ നിർമ്മിച്ചാൽ വെള്ളമുള്ള എല്ലാ കാലങ്ങളിലും ഇടവേളകളുടെ വ്യത്യാസത്തിൽ ഇവിടെ നിന്ന് മീൻ ലഭിക്കും എന്നതാണ് ഇതിന്റെ സവിശേഷത. പണ്ടൊക്കെ,ആഴ്ചകൾക്കു മുന്നേ തുടങ്ങുന്ന ഇതിൻറെ തയ്യാറെടുപ്പുകൾ പലപ്പോഴും കുടുംബക്കാരുടെയും സുഹൃത്തുക്കളുടെയും ഒത്തു ചേരലുകൾ കൂടിയായിരുന്നു . വർഷങ്ങൾക്കു ശേഷം ഈ മീൻ പിടിത്ത രീതി ഞങ്ങൾ ഇവിടെ പുനർസൃഷ്ട്ടിക്കുകയാണ്. പുരാതന രീതിയിൽ തന്നെ, പക്ഷെ അന്നത്തേതിലും എളുപ്പത്തിൽ ലഭ്യമായ വസ്തുക്കൾ കൊണ്ടാണെന്നു മാത്രം.
#KeralaAncientFishingMethod
#KeralaVillageFishing
#KeralaVillageLife