കേരള തീരങ്ങളിൽ എല്ലാവർഷവും ജൂൺ - ജൂലൈ മാസങ്ങളിലാണ് ട്രോളിംഗ് നിരോധനം ഏർപ്പെടുത്തുന്നത്. ഈ വർഷം ജൂൺ 9 മുതൽ ജൂലൈ 31 വരെയാണ് ട്രോളിംഗ് നിരോധനം. കടലിൻ്റെ അടിത്തട്ടിൽ ഫിഷിംഗ് നടത്തുന്ന ട്രോൾ ബോട്ടുകൾക്കാണ് നിരോധനം. ഈ കാലയളവിലാണ് കേരളാ തീരത്ത് ചെമ്മീനും മറ്റു മത്സ്യങ്ങളുടേയും പ്രജനനം നടക്കുന്നത് .മത്സ്യങ്ങൾ മുട്ട ഇടുന്നതും മത്സ്യ ഉത്പാദനം നടക്കുന്നതും കടലിൻ്റെ അടിത്തട്ടിലായതു കൊണ്ടാണ് അടിത്തട്ടിൽ ഫിഷിംഗ് നടത്തുന്ന ബോട്ടുകൾക്ക് നിരോധനം. ഉപരിതലത്തിൽ മത്സ്യബന്ധനം നടത്തുന്ന വള്ളങ്ങൾക്ക് നിരോധനം ബാധകമല്ല.
17 сен 2024
