ആര് വിശ്വസിച്ചാലും ഇല്ലെങ്കിലും: ഐതിഹ്യമാലയിൽ പറയുന്ന കഥക്കും, ഈ സിനിമയിൽ പറയുന്ന കഥക്കും അപ്പുറം ഒരു കഥയുണ്ട്. ആ കഥ തേവലക്കരയിൽ നിന്നും ആരംഭിച്ചു കടമറ്റത്തു അവസാനിച്ചു. ആ കഥയിലെ കടമറ്റത്തു കത്തനാർ മന്ത്രവാദിയല്ല. ആ കഥയിലെ കടമറ്റത്തു പൗലോസ് കത്തനാർ ആണ് 9 ആം നൂറ്റാണ്ടിലെ യഥാർത്ഥ കടമറ്റത്തു കത്തനാർ. ആ കടമറ്റത്തു കത്തനാർക്ക് മാർ ആബോ എന്ന ഒരു ഗുരു ഉണ്ടായിരുന്നു. അദ്ദേഹവും മന്ത്രവാദി ഒന്നും അല്ല. കുട്ടിക്കാലത്തേ മാതാപിതാക്കൾ നഷ്ടപ്പെട്ട കടമറ്റത്തു പൗലോസ് കത്തനാരെ മകനായി വളർത്തുകയും ശേഷം കടമറ്റത്തു കത്തനാർ ആക്കുകയും ചെയ്ത മാർ ആബോ AD. 825 ൽ പേർഷ്യയിൽ നിന്ന് എത്തിയ ഇരട്ട മെത്രാന്മാരായ മാർ സാവർ (സാബോർ എന്നും പറയും), മാർ അഫ്രത് എന്നിവരുടെ ശിഷ്യനായിരുന്നു എന്ന് കടമറ്റം പള്ളിയുടെ ചരിത്ര പുസ്തകത്തിൽ ഉണ്ട്.