ആഹാ എന്തൊരു മഹത്തായ പൈതൃകം, പൗരാണിക സംസ്ക്കാര ഭാരം!! ജസ്റ്റീസ് ഹേമ കമ്മീഷൻ റിപ്പോർട്ട് കേട്ട് കാണുമല്ലോ? ഇതാണ് ശരിക്കും നമ്മുടെ പൈതൃകം, സംസ്ക്കാരം. കൺമുന്നിൽക്കാണുന്ന സകല സ്ത്രീകളും തങ്ങൾക്ക് വഴങ്ങേണ്ട, ദേവദാസികൾ പോലുള്ളവർ ആണെന്ന സാംസ്ക്കാരിക പൈതൃകം തകർത്താടുകയാണ് മലയാള സിനിമ മേഖലയിൽ. പേരുകൾ പുറത്ത് വന്നാൽ പല ബിംബങ്ങളും ഉടഞ്ഞു തകർന്നടിയും. പക്ഷേ ആരാധക വൃന്ദം ദൈവതുല്യരായി കരുതുന്നവരുടെ ഒരു രോമം പോലും കൊഴിയില്ലെന്ന് ഉറപ്പാണ്. കാരണം ഇത് ഇന്ത്യയാണ് ഇവിടെ സ്ത്രീക്ക് പുല്ലിന്റെ വില പോലുമില്ല. ദേവദാസികളെ യഥേഷ്ടം ഭോഗിച്ചും, കാണുന്നിടത്തൊക്കെ ചെറ്റപൊക്കി സംബന്ധം എന്ന പേരിൽ വ്യഭിചരിച്ചും നടന്ന കാലത്തു നിന്ന് ഒരടി പോലും മുന്നോട്ടു വച്ചിട്ടില്ലെന്നാണ് ഹേമ കമ്മീഷൻ റിപ്പോർട്ട് തെളിയിക്കുന്നത്. സമൂഹത്തിലെ ഉന്നതരെന്ന് ജനം വിശ്വസിക്കുന്നവരുടെ സംസ്കാരവും പൈതൃകവും ഇതാണെങ്കിൽ സാധാരണക്കാരന്റെത് ഊഹിക്കാമല്ലോ? പൈതൃകം, സാംസ്കാരിക പാരമ്പര്യം എന്നതൊക്കെ വെറും പുല്ലാണെന്ന് ഞാൻ പറഞ്ഞതിനെ തെളിയിക്കാൻ ഇതിൽ കൂടുതൽ എന്താണ് ഉദാഹരണം വേണ്ടത്?
