For Enquiries Jayadev: 9633605205
*** Follow us on ***
Instagram: / travel_gunia
Facebook: / travelguniaamindfultra...
WhatsApp: wa.me/message/...
വിശ്വാസം വലിയൊരു പ്രതീക്ഷയോടെ മനുഷ്യൻ കൊണ്ടുനടക്കുന്ന മനോഭാവമാണ്. അത് കുട്ടിക്കാലം മുതൽ മനസ്സിലേക്ക് വന്നു നിറഞ്ഞു കൊണ്ടേയിരിക്കും. ഇത്തരത്തിൽ പുതുതായി പരിചയപ്പെടുന്ന അറിവുകളും അനുഭവങ്ങളും മുൻപ് അതുവരെ കൊണ്ടുനടന്നിരുന്ന പല വിശ്വാസങ്ങളെയും തകർത്തു തരിപ്പണമാക്കിയേക്കാം. യാത്രകളിൽ നമ്മൾ പുതിയതായി കണ്ടുമുട്ടുന്ന ഇത്തരം അനുഭവങ്ങൾ നമ്മെ പുതിയ മനുഷ്യരാക്കി പുതുക്കിപ്പണിതുകൊണ്ടിരിക്കും. P പഴയ പല വിശ്വാസങ്ങളും മാറിമറിഞ്ഞ അനുഭവങ്ങൾ യാത്രകളുടെ ഇടയിൽ ഉണ്ടാകുന്നു. ടിപ്പു സുൽത്താനെ കുറിച്ച് നമ്മുടെ നാട്ടിൽ പലതരം കഥകൾ പ്രചാരത്തിലുണ്ട്. ഇതിൽ ഏതൊക്കെയാണ് സത്യം എന്നോ കള്ളം എന്നോ പറയാൻ വലിയ ഗവേഷണങ്ങൾ തന്നെ വേണ്ടി വന്നേക്കാം. സത്യം ആയാലും കളവ് ആയാലും ജനങ്ങളുടെ മനസ്സിൽ ആഴത്തിൽ പതിഞ്ഞു കിടക്കുന്ന ചില വിശ്വാസങ്ങൾ തനിയെ മാറില്ല. എല്ലാ മനുഷ്യരുടെയും കാര്യത്തിൽ ഇങ്ങനെയൊക്കെ തന്നെ ആയിരിക്കാം. ടിപ്പുസുൽത്താന്റെ ജീവിതത്തിലും അദ്ദേഹത്തിന്റെ വിശ്വാസങ്ങളെ തന്നെ മാറ്റിമറിച്ച അനുഭവങ്ങൾ ചിലത് കേട്ടറിഞ്ഞു. അത് അദ്ദേഹത്തിന്റെ ജാതകം എഴുതിക്കുന്നതിനു വരെ കാരണമായി. വ്യത്യസ്തമായ മതങ്ങളിലെ വിഭിന്നങ്ങളായ വിശ്വാസങ്ങളെ കൂട്ടിച്ചേർക്കാനുള്ള മനുഷ്യന്റെ ശ്രമങ്ങൾക്ക് രാജകീയമായ ഒരു ഉദാഹരണം ടിപ്പുസുൽത്താൻ ധാരാളം സൃഷ്ടിച്ചിട്ടുണ്ട്. ഇങ്ങനെ ചരിത്രവും വിശ്വാസവും കൂടിക്കലർന്ന കോട്ടകൊത്തളങ്ങൾ നമ്മുടെ മുന്നിൽ വിസ്മയങ്ങൾ തീർക്കുന്നു. ഇതൊക്കെ അഭിമാനത്തോടെ നമ്മുടെ മുൻ തലമുറയെ ഓർത്തെടുക്കാൻ ഉള്ള അവസരങ്ങൾ തരുന്നു. സ്വന്തമായി അത്യാധുനിക ആയുധങ്ങളും പലതരത്തിലുള്ള യുദ്ധമുറകൾ പരിശീലിക്കാൻ പഠനങ്ങളും ഗവേഷണങ്ങളും ടിപ്പുസുൽത്താന്റെ കാലത്ത് ഉണ്ടായിരുന്നത്രേ. ഈ ചരിത്രങ്ങൾ ഒക്കെ പുസ്തകങ്ങളിൽനിന്നും വായിച്ച് അറിയുന്നതിലും ലളിതമായി തിരിച്ചറിയാൻ ആ പടയോട്ട പാതയിലൂടെ ഒരു യാത്ര മതിയാകും.
#PalakkadFort #TipuSultanFort #TravelGunia
5 окт 2024