സുൽത്താൻ ബത്തേരിയിൽ നിന്നും ആദ്യ ലോക്ഡൗണിന് മുമ്പ് പുറപ്പെട്ടതാണ്. ഒരു നാടൻ സൈക്കിളിൽ സിംഗപ്പൂരിലേക്ക്... കൃത്യമായി പറഞ്ഞാൽ 1 വർഷവും 4 മാസവും മുമ്പ്. കൊറോണ ലോകത്തെ കീഴടക്കാൻ ശ്രമിക്കുന്നതിന് തൊട്ടു മുമ്പായിരുന്നു അത്. ഇന്ത്യ കണ്ട്, മണാലി വഴി ലഡാക്ക് - കർദൂംഗ് ലാ യും കീഴടക്കി, 11 രാജ്യങ്ങളിലൂടെയാണ് യാത്ര. യാത്രയിൽ തിരിച്ചടികൾ നിരവധിയായിരുന്നു. അതെല്ലാം അതിജീവിച്ച് അദ്ദേഹം ഇപ്പോൾ ലഡാക്ക് റീജിയണിലാണ്. അവസാനം ഞങ്ങൾ ബന്ധപ്പെടുമ്പോൾ കാർഗിലിൽ.
ഒറ്റ നോട്ടത്തിൽ സൈക്കിളിൽ സാധനങ്ങൾ വിൽക്കാൻ നടക്കുന്ന നാടോടിയാണെന്ന് തോന്നും. അതുണ്ടാക്കിയ എടങ്ങേറ് ചില്ലറയല്ലെന്ന് ഫൈസൽ പറയുന്നു. ആദ്യം തിരിച്ചടിയായത് എൻ.ആർ.സി പ്രതിഷേധമായിരുന്നു. പിന്നെ വന്നത് കൊറോണ വൈറസ്. ഗുജറാത്ത് കഴിഞ്ഞതോടെ ആളുകളുടെ മുഖത്ത് മാസ്ക് കയറിപ്പറ്റി. ഡൽഹിയിലെത്തി കുറച്ചു ദിവസം വിശ്രമിച്ചിട്ടാവാം അടുത്ത യാത്രയെന്ന് കരുതി. അവിടെയാണ് ഇടിത്തീ പോലെ ലോക്ഡൗൺ വന്നത്.
നാല് മാസത്തോളം കോവിഡ് ഭീതി പരത്തിയ ഡൽഹിയിൽ ഒറ്റമുറിയിൽ മറ്റൊരാൾക്കൊപ്പം താമസം. അൺലോക്ക് തുടങ്ങിയപ്പോൾ മണാലിയെത്തി. അവിടെ കനത്ത മഞ്ഞു വീഴ്ച, കുടുംബത്തെ നാട്ടിൽ നിന്ന് എത്തിച്ച് അവർക്കൊപ്പം കുറച്ചുകാലം. ബറഛാ ലാ പാസ് വഴി ലഡാക്കിലേക്കുള്ള യാത്ര മഞ്ഞുവീഴ്ച കാരണം മുടങ്ങി. തിരിച്ച് ശ്രീനഗർ വഴി ലഡാക്കിലേക്ക് യാത്ര മാറ്റിയപ്പോൾ സൈക്കിൾ അധികമായി ഓടിക്കേണ്ടി വന്നത് 800 കിലോമീറ്റർ.. ഇപ്പോൾ ലഡാക്കിലാണ്. ഇനി കർദൂംഗ് ലാ കയറണം. പിന്നെ അടുത്ത രാജ്യത്തേക്ക്. ഉലകം ചുറ്റി സിംഗപ്പൂരെത്തുമ്പോൾ മൂന്നു വർഷമെടുക്കും. ഫൈസലിന്റെ യാത്രക്കൊപ്പം...
Click Here to free Subscribe : goo.gl/Deq8SE
*Stay Connected with Us*
Website: www.mathrubhumi.com
Facebook- / mathrubhumidotcom
Twitter- ma...
Instagram- / mathrubhumidotcom
#Mathrubhumi #Bicycle_Trip_ Singapore #Faizal_Outlaw
16 сен 2024