കാത്തിരുന്നൂ ഞാൻ നിനക്കായി കനവുകൾ നിറയും മന്ദസ്മിതത്തിനായി ഓരോ നിമിഷവും ഈ സാമീപ്യത്തിനായി ഓമനിക്കാൻ ഒരുപാടോർമകളിൽ ഒരിക്കൽ നീ നിറഞ്ഞൊരീ തീരത്തിൽ (കാത്തിരുന്നൂ...) ഇനിയൊരു സംഗമത്തിനു വേദിയായി ഇഷ്ടങ്ങൾ വരവേൽക്കാൻ ഒരുക്കമായി കാക്കയും കുയിലും കഥകൾ പറയും കുളിർ കാറ്റിൽ മനസിലെ മാമരങ്ങൾ അകലങ്ങളിലെങ്ങോ മറഞ്ഞു പോകും ആദ്യ പ്രണയം വരുന്നതും കാത്തിരിക്കും (കാത്തിരുന്നൂ...) മനസിൽ മോഹത്തിൻ വിത്തു വീണ കാലം മിഴികളിൽ മിന്നാമിന്നി പോൽ ദാഹങ്ങൾ കാണാൻ അടുത്തിരിക്കാൻ കിനാവിൻ നിഴലുകളിൽ അലിയാൻ വർണിക്കാനാകാത്തൊരാവേശം വർണങ്ങൾ നിറയുമീ സ്വപ്നത്തിനായി (കാത്തിരുന്നൂ...)
പാടി വാ നീ ആടി വാ പാരിജാതം പൂക്കുമീ പൂങ്കാവനത്തിൽ പുഞ്ചിരിച്ചു പുഞ്ചിരിച്ചു നീ പുറകേ വന്നാൽ പൂക്കാലമുണരും പനിനീരുതിരും പൂ വിടരും ( പാടി വാ...) മഞ്ഞിലുറങ്ങിയ മുകുളങ്ങളിൽ മോഹമുണരും കാലമെത്തീ മനസു നിറയും വർണങ്ങളിലാറാടും മോഹിനീ നടനം ആടൂ നീ മിഴിയിൽ സ്വപ്നങ്ങളുമായി മൊഴിയിൽ മധുരവുമായി കൂട്ടു വരൂ (പാടി വാ...) എവിടെ വച്ചു നാം ആദ്യം കണ്ടൂ ഏതോ സ്വപ്നമായി നീ വന്നൂ എല്ലാമെല്ലാം ഞാൻ മറന്നു ഏകാന്തതകളിൽ പൂ വിടർന്നു എന്നെന്നും വിടരുന്ന പ്രണയപൂ ഏറെ കൊതിച്ചൊരു പെൺപൂ (പാടി വാ...)
മോഹത്തിൻ പൂവെറിഞ്ഞു നീ കൂടെ വന്നൂ മനസിൻ വാതിൽപ്പടിയിൽ കാത്തു നിന്നു എന്നും നിനക്കായി സ്വപ്നമുണർന്നൂ ഏഴു നിറമുള്ള പൂ വിരിഞ്ഞൂ (മോഹത്തിൻ...) കടലിലെ തിരകൾ പോൽ ആശകളായി കുതിച്ചുയരുന്നൂ കാമനകൾ നീയില്ലെങ്കിൽ ഏകാന്തം ശൂന്യം നൊമ്പരത്തിൻ ഈണങ്ങൾ (മോഹത്തിൻ...) നിന്നെ കണ്ട കണ്ണുകളിൽ നീ നിറയും സ്വപ്നങ്ങളിൽ മറെറാന്നും തെളിയുകില്ല മാനസം മറെറാന്നിലും അലിയുകില്ല (മോഹത്തിൻ...)
