കവിത മനുഷ്യൻ ഉള്ളകാലമത്രയും ഉണ്ടാകും. അതിന്റെ രൂപവും ഭാവവും മാറിവരുമെന്ന് മാത്രം. ആശാനെപ്പോലെ ഒരാൾ എന്നതിൽതന്നെ ഒരു കൗതുകമുണ്ട്. ആശാൻ ജീവിച്ചിരുന്ന കാലത്ത് ഇന്നുള്ളത്രയും പേരോ പരിഗണനയോ കിട്ടിയിരുന്നില്ല. അന്ന് കൊണ്ടാടപ്പെട്ടവർ വള്ളത്തോളും ഉള്ളൂരുമൊക്കെയാണ്. ഇന്ന് എല്ലാവരേയും ഓർക്കുന്നുണ്ടെങ്കിലും ആശാനെപ്പോലെ വരില്ലെന്ന് നമുക്കറിയാം. കവിത കാലം കടന്നാണ് കവിയുക.