എത്ര കേട്ടാലും മതിവരാത്ത യേശു ഗാനം! ലോകം മുഴുവൻ നെഞ്ചിലേറ്റിയ മനോഹരമായ ഈ ക്രിസ്തീയ ഗാനം രചിച്ചത് ജന്മം കൊണ്ട് കോട്ടപ്പുറം രൂപതാംഗവും, അവിഭക്ത വരാപ്പുഴ അതിരൂപതയിലെ പോണേൽ സെൻ്റ് ഫ്രാൻസിസ് സേവ്യർ ഇടവക വികാരിയുമായിരുന്ന, ക്രിസ്തീയ ഗാനകോകിലം എന്ന് അറിയപ്പെട്ടിരുന്ന, അഭിവന്ദ്യ ഫ്രാൻസിസ് കല്ലറയ്ക്കൽ മെത്രാപ്പോലീത്തയുടെ മാതുലൻ *റവ.ഫാ.ജേക്കബ്ബ് കല്ലറയ്ക്കൽ* ആണെന്നത് ക്രൈസ്തവലോകത്തിന് എന്നും അഭിമാനം!! ധ്യാനാത്മകമായ, അർത്ഥപൂർണ്ണമായ വരികളിലൂടെ ദൈവാരാധനയ്ക്ക്, പ്രത്യേകിച്ച്, രണ്ടാം വത്തിക്കാൻ കൗൺസിലിനു ശേഷം തിരുക്കർമ്മങ്ങൾ മലയാളത്തിൽ ആക്കിയപ്പോൾ അന്ന് ദിവ്യബലിയിൽ ഉപയോഗിക്കാൻ അദ്ദേഹം എഴുതിയ അനേകം ഗാനങ്ങൾ വിശ്വാസികളുടെ ഹൃദയങ്ങളിൽ ഭക്ത ജപമാല തീർത്തപ്പോൾ, അനുഗ്രഹീത ഗായകൻ കൂടിയായിരുന്ന അദ്ദേഹത്തിനു നൽകപ്പെട്ട പേരാണ് *ക്രൈസ്തവ ഗാനകോകിലം* എന്നത്. പൂജയണച്ചീടുവാൻ, രക്ഷതൻ കാസ കൈകളിലേന്തി, ഓശാന ഈശനു സതതം, വരമേകണേ യേശുമഹേശാ...അങ്ങിനെ നൂറുകണക്കിനു ഗാനങ്ങളാണ് കല്ലറക്കലച്ചൻ്റെ വിരൽത്തുമ്പിൽ രൂപം കൊണ്ടിട്ടുള്ളത്. കോട്ടപ്പുറം രൂപതയുടെ പുതിയ മെത്രാൻ അംബ്രോസ് പിതാവിന്റെ മെത്രാഭിഷേക ദിവ്യബലിയിൽ ജെറി അമൽദേവ് സാറിന്റെ നേതൃത്വത്തിൽ ആലപിച്ച ഈ ഗാനം അതിന്റെ തനിമയിൽ ഒരിക്കൽക്കൂടി നേരിട്ട് കേൾക്കാൻ കഴിഞ്ഞതിൽ പോണേൽ ഇടവകാംഗം എന്ന നിലയിൽ എനിക്കും അഭിമാന നിമിഷങ്ങൾ ആയിരുന്നു. മരിക്കുന്നതിന്റെ തലേന്ന്, അതായത്, 1965 ഡിസംബർ 28ന് "ഉണ്ണി യേശുവേ വിണ്ണോർനാഥനെ, കണ്ണിൽ തേൻ കനിയേ, മണ്ണിൽ പൊന്നൊളിയേ" എന്നു തുടങ്ങുന്ന ഗാനം സത്യദീപത്തിന് അയച്ചുകൊടുത്ത അദ്ദേഹത്തിൻ്റെ ഗാനത്തിലെ രണ്ടു വരികൾ ഇപ്രകാരമായിരുന്നു "പൊന്നില്ല വെള്ളിയുമില്ലല്ലോ കാഴ്ചയായ്, എന്തു ഞാൻ തന്നിടുവേൻ, ഹൃദയം ഒന്നു ഞാൻ തന്നിടുവേൻ". ഹൃദയം യേശുവിനർപ്പിച്ച് എഴുതിയ ആ ഗാനം അച്ചൻ്റെ അന്ത്യ ഗാനം എന്ന പേരിൽ സത്യദീപം പ്രസിദ്ധീകരിച്ചു. റവ.ഫാ.ജേക്കബ്ബ് കല്ലറയ്ക്കലച്ചൻ്റെ ധന്യ സ്മരണയ്ക്കു മുന്നിൽ പ്രണാമം!!!
എനിക്ക് 62 വയസ്സ് ആയി എനിക്ക് എന്റെ ആദ്യമായി പഠിപ്പിച്ച് തന്ന പാട്ട് അഥവാ മുന്ന് L നാല് വയസ്സു മുതൽ മനസ്സിൽ എന്ന് ഉണ്ടായിരുന്ന ഒരു പാട്ട് ഇപ്പോഴും കുടുംബപ്രാർത്ഥികളിൽ ഏറ്റവും ഇഷ്ടപ്പെടുന്ന പാട്ട് ഈശോ യെസ്വസ്തി