സിരകളിൽ തീ പടർത്തുന്ന കവിത | ക്രിസ്‌തു വിപ്ലവം  

ക്രിസ്തു വിപ്ലവം I വിപ്ലവ ഗാനം | malayalam kavitha | #malayalamkavitha #malayalamkavithakal #മലയാളംകവിത I മലയാളം കവിത | Viplava Ganam I choppu I ചോപ്പ് | കവിത മലയാളം | Malayalam kavithakal |
Poem Name : Christhu Viplavam | ക്രിസ്തു വിപ്ലവം
Lyrics: Fr. Peruvelil Mullenkolly, VC
Singer: Amachal Pavithran
Music: Amachal Pavithran
Flute: Shaji Surya
Programming: Jose Ooruttambalam
Studio & Mixing: Jose, Jose Bethel Audios, Ooruttambalam
Email: pjkurians@gmail.com
Videos from: pixabay.com & pexels.com
അണയാത്ത അഗ്നിയായ് അണികളിൽ പടരുന്ന
വിപ്ലവ തീജ്വാല ക്രിസ്തു
ഇടനെഞ്ചിൽ ഒരുസ്നേഹപ്പന്തമായെരിയുന്ന
വിശ്വ വിപ്ലവ തീജ്വാല ക്രിസ്തു
അണയാത്ത അഗ്നിയായ് അണികളിൽ പടരുന്ന
വിപ്ലവ തീജ്വാല ക്രിസ്തു
മൂര്ച്ചയുള്ളായുധം ക്രിസ്തു
പ്രാണത്യാഗമെന്നായുധം ക്രിസ്തു
യാഗമൃഗമായ് പിറന്നൊരു ചാവേറ് ക്രിസ്തു.
യാഗമായ് ചിതറുന്ന ജീവേറ് ക്രിസ്തു.
പ്രാണത്യാഗമായ് ചിതറുന്ന ജീവേറ് ക്രിസ്തു.
കോപം അളമുട്ടി നിൽക്കുന്ന ശത്രുവിൽ
സ്നേഹം അണപൊട്ടി രക്ഷയായ് ചിതറി തെറിക്കും
നിരായുധ വിപ്ലവകാരിയായ് ക്രിസ്തു
ചിതറി തെറിച്ച നിൻ തിരു ചങ്കും ചുടുചോരയും
പരിത്രാണ തീര്ത്ഥവും അമൃതുമാണ്.
സ്നേഹ ചിരാതിനെ തീചൂളയാക്കുന്ന
സ്നേഹാഗ്നിയും സ്നേഹ തൈലവും ക്രിസ്തു
കടലിൽ നടന്നവൻ കരളിൽ കടന്നവൻ
കരകാണാകടലുപോൽ അനുഗമിക്കാ-
അണിയുള്ള കരയിൽ കരുത്തുള്ള
കറയില്ലാത്തൊരെയൊരു ഗുരുവാണ് ക്രിസ്തു
ഇരുളിൽ മിന്നുന്ന കൊള്ളിയാനല്ല
മിന്നുന്ന ആയിരം താരകമല്ല
പാരിലെ കവികൾക്ക് പാടാനറിയാത്ത
സ്നേഹവിപ്ലവഗാനമെൻ ക്രിസ്തു
ചങ്കിൽ തറയ്ക്കുന്ന വാക്കാണ് ക്രിസ്തു
അന്പിന്റെ ആദ്യവും അർത്ഥവും ക്രിസ്തു
തൻ ചുടുചോരയാൽ സ്നേഹ കാവ്യം കുറിക്കും
മരിക്കാത്ത മഹാകവി ക്രിസ്തു
വെറുക്കുന്ന പാപിയെ ചങ്കോടടുപിച്ചു
ദോഷമിറക്കും വിഷക്കല്ല് ക്രിസ്തു.
അലിവിന്റെ നെല്ലി പലകയും താണ്ടി
അതിര്‍ത്തിയില്ലാത്താര്‍ദ്ര സാഗരം ക്രിസ്തു
നീതിശാസ്‌ത്രത്തിൻ നീരുകടഞ്ഞ
ദിവ്യനീതിയും ധർമ്മപ്രമാണവും ക്രിസ്തു.
ആചാരനുഷ്‌ഠാന അകക്കാമ്പു കാട്ടിയ
ഗുരുനാഥനും സത്യദൈവവും ക്രിസ്തു.
സത്യ സ്നേഹ സമർപ്പണ സനാതന
സമത്വ സുകൃത സമുദ്രം ക്രിസ്തു
അഹിംസതൻ ഉറവിടം, നെറിവിന്റെ ഉറവ,
ശാശ്വത ശാന്തിയും മോക്ഷവും ക്രിസ്തു.
കുരുടന് കണ്ണിനു നറു വെളിച്ചം
മുടന്തന് കുതിക്കാൻ പുതു കരുത്ത്
ബധിരന്റെ കർണ്ണം തുറക്കുന്ന വാക്ക്
രോഗിക്ക് അഗതവും ആശയും ക്രിസ്തു.
കുഞ്ഞിന് ക്രിസ്തു കളിത്തോഴനും
കൊടും ക്രൂരനു ക്രിസ്തു സ്നാനക്കടൽ
യുവതിക്ക് തണലും വിധവയ്ക്ക് താങ്ങും
പശിക്കുന്ന ഉദരത്തിനപ്പവും ക്രിസ്തു.
പശിക്കുന്ന ഉദരത്തിൻ അപ്പവും ക്രിസ്തു.
അപ്പനെന്നപ്പനു പേരിട്ട പുത്രൻ,
കൂടപ്പിറപ്പായി ഇണക്കുന്ന കണ്ണി,
പരാജയം അന്തിമ ജയമാക്കി പാരിതിൽ
പാറുന്ന വിജയക്കൊടിയാണ് ക്രിസ്തു
പാറുന്ന ശാന്തി പതാകയും ക്രിസ്തു
ആത്മശാന്തി പാതയും ക്രിസ്തു