മനീഷ്ന്റെ നിരന്തരമായ പരിശ്രമത്തിന്റെ ഫലം ആണ് നിങ്ങളുടെ ഈ സന്തോഷകരമായ യാത്രകൾ..!! കാണുമ്പോൾ അഭിമാനം തോന്നുന്നു... ഉയരങ്ങളിൽ എത്തട്ടെ.. All Blessings ❤❤❤
ആതിർക്കുട്ടിക്കും മനീഷിനും എല്ലാവിധ യാത്ര മംഗളങ്ങളും നേരുന്നു ഞങ്ങൾ പോയിട്ടുള്ള സ്ഥലങ്ങളാണ് എങ്കിലും നിങ്ങളിലൂടെ ഒന്നുകൂടി കാണാൻ പറ്റുന്നത് സുഖമുള്ള കാര്യമാണ്👍
പ്രപഞ്ചത്തിലെ സകല ജീവജാലങ്ങളും അവയുടെ ധർമ്മം ശരിയായി പാലിച്ചാൽ മാത്രമേ പ്രപഞ്ചത്തിന്റെ താളലയം നിലനിർത്താൻ കഴിയൂ. ഒരു വസ്തുവിനെ അതാക്കി നിലനിർത്തുന്നത് ഏതൊന്നാണോ, അതിനെയാണു ആ വസ്തുവിന്റെ ധർമ്മമെന്നു പറയുന്നത്. വിളക്കിന്റെ ധർമ്മം വെളിച്ചം പകരുക എന്നതാണ്. കണ്ണിന്റെ ധർമ്മം കാണുക, ഹൃദയത്തിന്റേത് എല്ലായിടത്തും രക്തമെത്തിക്കുക...ഇങ്ങനെ ഓരോ അവയവവും അതിന്റെ ധർമ്മം ശരിയായി നിർവഹിച്ചാൽ മാത്രമേ നമുക്ക് ആരോഗ്യപൂർണമായ ജീവിതം നയിക്കുവാൻ കഴിയുകയുള്ളൂ. ഇതുപോലെ പ്രപഞ്ചത്തിലെ സകല ജീവജാലങ്ങളും അവയുടെ ധർമ്മം ശരിയായി പാലിച്ചാൽ മാത്രമേ പ്രപഞ്ചത്തിന്റെ താളലയം നിലനിർത്താൻ കഴിയൂ. പ്രകൃതിയുടെ താളലയത്തിനു കാരണമാകുന്ന ആ തത്ത്വത്തെയാണ് ഭാരത ത്തിലെ ഋഷീശ്വരന്മാർ ധർമ്മമെന്നു വിളിച്ചത്. റോഡിലൂടെ പോകുന്ന വാഹനങ്ങൾ ട്രാഫിക് നിയമങ്ങൾ പാലിച്ചാൽ മാത്രമേ സുരക്ഷിതമായി സഞ്ചരിക്കുവാൻ പറ്റുകയുള്ളൂ. അതുപോലെ സമൂഹത്തിലെ ഓരോ വ്യക്തിയും അവനവന്റെ ധർമ്മം ശരിയായി നിർവഹിച്ചാൽ മാത്രമേ സമൂഹത്തിനു നിലനിൽക്കാനും മുന്നോട്ടു പോകുവാനും കഴിയുകയുള്ളൂ. രാജ്യത്തിലെ ഓരോ പൗരനും ധർമനിഷ്ഠനായി ജീവിച്ചാൽ മാത്രമേ രാജ്യം പുരോഗമിക്കുകയുള്ളൂ. കുടുംബത്തിന്റെ സ്ഥിതിയും അതു തന്നെ. കുടുംബത്തിലെ ഓരോ വ്യക്തിയും ശരിയായി ജീവിക്കുകയും പെരുമാറുകയും ചെയ്താൽ മാത്രമേ കുടുംബത്തിൽ ശാന്തിയും ഐശ്വര്യവും കളിയാടൂ. അധ്യാപകൻ വിദ്യാലയത്തിൽ ചെന്നാൽ അധ്യാപകന്റെ ധർമ്മം നിർവഹിക്കണം. അതേ വ്യക്തി വീട്ടിലെത്തുമ്പോൾ അവിടെ ധർമ്മം വേറെയാണ്. മക്കളുടെ കാര്യത്തിൽ അച്ഛന്റെ ധർമ്മം, സഹോദരങ്ങളോട് സഹോദരന്റെ ധർമ്മം. അങ്ങനെ സ്ഥലവും സാഹചര്യവുമനുസരിച്ച് ധർമ്മം വ്യത്യസ്തമാകുന്നു. ശരിയായ കർമ്മം ശരിയായ സമയത്തു ശരിയായ രീതിയിൽ ചെയ്താൽ ധർമമായി. എന്നാൽ എല്ലാ ധർമ്മങ്ങൾക്കും ഉപരിയായ ഒരു ധർമ്മം നമുക്കുണ്ട്- അതാണ് പരമധർമം. നമ്മിലെ പൂർണതയെ സാക്ഷാത്കരിക്കലാണത്. ഒരു ചിത്രശലഭം ചെടിയുടെ ഇലയിൽ മുട്ടയിട്ടുവെന്നു കരുതുക. മുട്ടയായിരിക്കുമ്പോൾത്തന്നെ നശിച്ചുപോയാൽ അതിന്റെ ജന്മം സഫലമാകുന്നില്ല. പുഴുവായിരിക്കുമ്പോഴോ പ്യുപ്പയായിരിക്കുമ്പോഴോ മരിച്ചാലും അതിന്റെ ജന്മം സഫലമാകുന്നില്ല. ചിത്രശലഭമായി വളർന്ന് അതിൽ അന്തർലീനമായുള്ള സകല കഴിവുകളും സൗന്ദര്യവും പ്രകടമാകുമ്പോഴാണ് അതു ജീവിതത്തിന്റെ പരമലക്ഷ്യത്തെ പ്രാപിക്കുന്നത്. നമ്മളിലോരോരുത്തരിലും ഈശ്വരത്വമുണ്ട്. അതാണ് നമ്മുടെ യഥാർത്ഥ സ്വരൂപം. അതിനെ സാക്ഷാത്കരിക്കുക എന്നതാണ് ഓരോ മനുഷ്യന്റെയും പരമധർമം. പൂർണതയെന്നാൽ സ്വന്തം മുക്തി മാത്രമല്ല. എല്ലാവരെയും തന്നെപ്പോലെ കാണുന്ന സ്ഥിതിയാണ്. എന്നാൽ ഇന്നു ജീവിതമാകുന്ന സമ്പത്തിന്റെ ശരിയായ മൂല്യം മനസ്സിലാക്കാൻ നമുക്കു കഴിയുന്നില്ല. അല്പസുഖങ്ങൾക്കുവേണ്ടി ജീവിതം പാഴാക്കുന്നു. ഈ പ്രവണതയെ അതിജീവിക്കേണ്ടതുണ്ട്. ശരിയായ അറിവുകൾകൊണ്ട് വിവേകപൂർവം ജീവിക്കുക. സർവ ചരാചരങ്ങളിലും തന്നിൽത്തന്നെയും ഈശ്വര ചൈതന്യത്തെ ദർശിച്ച് ജീവിതം ധന്യമാക്കുക. എല്ലാവരേയും ഈശ്വരൻ അനുഗ്രഹിക്കട്ടെ ...