මේ උදා වෙමින් පවතින්නේ සත්‍යය සොයා යන්නන්ගේ ස්වර්ණමය යුගයයී. අනෝතප්ත විල හා ජම්බුද්දිවීපය පිළිබඳ සවිස්තරාත්මක විස්තරයක් රාජාවලිය, වන්නි රාජාවලිය, දර්ම ප්රදීපිකාව, මිලින්ද ප්රශ්නය ආදි පුරාණ මූලාශ්‍ර වල සඳහන් වේ. රාජාවලිය අනුව අනවතප්ත විල ජම්බුද්දිවීපය මධ්යයේ හිමවත හෙවත් හිමාලය මස්තකයේ පිහිටා ඇති ප්‍රධාන ගංගා සතරකට උපත ලබා දෙන මහ විලක් ලෙසටයි සැලකෙන්නේ. එමෙන් ම අනවතප්ත විල ආසන්නයේ මහා නෙරු පර්වතය පිහිටි බවත්, මහා නෙරු පර්වතය වටකර සක්කුලු පවුව පිහිටා ඇති බවත් සඳහන් වේ. බුද්ධ විෂයට සම්බන්ද අනෙකුත් සෑම ස්ථානයක් මෙන් ම අනවතප්ත විල ද ඉන්දියාවේ හිමාල කදු වැටිය තුළ ඇතයි සැලැකුවත් ඉන්දියාවේ හෝ වෙනත කිසිඳු ප්‍රදේශයක ගංගාවන් සතරක් සහිත අනවතප්ත විල මෙතෙක් නිශ්චිතව හඳුනා ගෙන නොමැත.
2 окт 2024
