අම්බුලුවාව #ambuluwawa #helabimatv
කොළඹ ඉදලා දවසෙන් ගිහින් එන්න තැන් හොයන අයයි.. ලංකාවෙ සුපිරිම වීව් එකක් තියන තැන් ලේසියෙන්ම බලාගන්න ආස අයයි ඉන්නවා නම් ඔන්න අද වීඩියෝ එක ඔයාලට. අපි මේ යන්න ලෑස්ති වෙන්නෙ මහනුවර දිස්ත්රික්කෙට. එහෙනම් හෙලබිම ටීවී අපි එක්ක යමු අම්බුලුවාව බලන්න ..
අපි අද අම්බුලුවාවට යන්නෙ බයික් එකේ. පොදු ප්රවාහන සේවා වල උනත් කිසිම අමාරුවක් නැතුව අම්බුලුවාවට යන්න පුළුවන් . එහෙම එනව නම් ලේසිම විදිය තමයි කෝච්චියේ ඇවිල්ල ගම්පොල ස්ටේශන් එකෙන් බැහැල එතන ඉදලා ගම්පොල හෙම්මාතගම බස් එකේ අම්බුලුවාවට එන එක . බස් එකේ එන්න තියන්නෙ කිලෝමීටර් හතරක් පහක් වගේ පොඩි දුරක්. ඔන්න ඔයාට ටිකට් කවුන්ටර් එක ගාවම බස් එකෙන් බැහැ ගන්න පුළුවන් .
අපි ඉතින් බයික් එකේ ආව නිසා ටිකට් අරං කන්ද උඩටම බයික් එකේ යනව .ඒ කියන්නෙ ඔයාගෙ පුද්ගලික වාහන වලින් උඩටම යන්න පුළුවන් . ඔයා බස් එකේ ආවොත් මේ ටික පයින් එන්න පුළුවන් .එහෙම නැත්තම් එතන ඉදලා ටුක් එකක කන්ද උඩට යන්න පුළුවන් .හැබැයි ඉතින් පයින් යනව නම් ලංකාවෙ තියන ලස්සනම වීව් එකක් දකින්න ඔයාට වාසනාව ලැබෙනව ..
මේ අම්බුලුවාව කන්ද කියන්නේ හතරවෙනි බුවනෙකබාහු රජතුමාගේ රාජධානි මධ්යස්තානය. අම්බුලුවාව කන්ද මුදුනේ තියන බහු ආගමික මධ්යස්තානෙ තියන චෛත්යට තමයි අපි මේ යන්නේ. මේ කන්ද අක්කර 457 ක රක්ශිතයක්. ශාක පවුල් 80 කට අයිති ශාක වර්ග දෙසීයකට වඩා මේ රක්ශිතේ තියනව . මේක සදාහරිත වනාන්තරයක්.
අපි යන්නේ අම්බුලුවාව කන්ද මුදුනේ තියන මේ කුලුනට නගින්න විතරක් උනත් කුලුනට අමතරව තව තැන් ගොඩාක් මෙතන තියනව . ඔයාලා දන්නවද අහස නිරීක්ෂණය කරන්න පහසුකම් තියන තාරකා මන්දිරයක්, කෞතුකාගාර කීපයක් , ශ්රීමහ බෝධි ශාකාවක්, කදු පන්ති නිරීක්ෂණ මැදිරියක්, වගේම සර්වාගමික ස්ථාන මෙතන තියනව ..
එතකොට මොකක්ද මේ කුලුන. මේ කුලුනේ හැඩේත් ගොඩක් අමුතුයි. මේක කුලුනක් කිව්වට ඇත්තෙන්ම චෛත්යක්. චෛත්යයේ මුලින්ම තියන්නෙ වී බිස්සක්. ඒ වී බිස්සෙන් සංකේතවත් වෙන්නෙ වී ගොවියෝ. ඊලගට තියන්නෙ වට්ටක්කා ගෙඩියක් ඒකෙන් සංකේතවත් වෙන්නෙ එලවලු ගොවියෝ. ඊලගට තියන කොකෝවා ගෙඩියෙ හැඩේ පලතුරු ගොවියන්ව සංකේතවත් කරනවා. මුදුනෙම තියන්නෙ සර්වඥ ධාතුන් වහන්සේලා . ඉතින් අපිට ඒ දක්වාම මුදුනට නගින්න පුළුවන් .ඔයාල දැන් හිතෙයි එච්චර උඩට නගින එක අමාරුද කියල . ඇත්තෙන්ම නෑ .විනාඩි 15 කින් විතර මුදුනටම නගින්න පුළුවන් . මේ කුලුන උස මීටර් 45 ක් වගේ තමයි වෙන්නෙ. කුලුනේ සර්පිලාකාර පඩිපෙල දිගේ වටපිට බල බල සීතල හුලං වැදි වැදී අපිට උඩට නගින්න පුළුවන් ..
උඩට නැග්ගම පේන දර්ශනේ කොච්චර සුපිරිද කිව්වොත් මේකට නගින්න එන බහුතරයක් අය විදේශික සංචාරකයෝ.ගොඩාක් රට රටවලින් එන සමාජ මාධ්ය හරහා ප්රසිද්ධ ට්රැවලස්ලා අතරේ මේ කුලුන හරිම ජනප්රියයි. මොකද මේ කුලුනේ ඉදලා ගන්න ෆොටෝස් වීඩියෝ ඒ තරම් ලස්සනයි . අපි අද අපේ ඩ්රෝන් එකෙනුත් ඔයාට සාමාන්යයෙන් දකින්න බැරි තරම් ලස්සන කෝණ වලින් අම්බුලුවාවෙ ලස්සන පෙන්නන්න හිතුවා.
හොඳ පැහැබර දවසක ඔයා මේකට නැග්ගොත් ඉන්දියන් සාගරේට වෙනකම්ම හරිම ලස්සන දර්ශනයක් ඔයාට දකින්න පුළුවන් . ඔයාට මෙතනට නකල්ස් කදු වැටිය, පිදුරුතලාගල , බතලේගල ,සමනල කන්ද, හන්තාන කදුත් හරි ලස්සනට පේනවා. ඒවගේම තමයි මේක මුදුනෙදි වලාකුළු ඔයාගෙ ඇගේ හැප්පිලා ඔයාව වහගන්න ෆීලින්ග් එක අත් විදින්නත් පුළුවන් . උදේ අටහමාර විතර වෙද්දි ටිකට් කවුන්ටර් ඕපන් කරලා ගේට්ටු අරින නිසා උදේම ඇවිල්ල ඒ සුන්දරත්වය විදින්න ආරාධනා කරනවා.
ඉතින් ලංකාව වටේම තියන සුන්දර සහ ලස්සනම තැන් වලට ගියා වගේ ලස්සන වීඩියෝස් ගෙදර ඉදලම බලන්න ආසයි නම් රැදෙන්න හෙලබිම ටීවී අපි එක්කම. මේවගේ ලස්සන වීඩියෝ දාපු සැනින් බලන්න අපිව සබ්ස්ක්රයිබ් කරන්නත් අමතක කරන්න එ(මෙම වැඩසටහන අවසරයකින් තොරව Facebook Page හෝ වෙනත් RU-vid Channel වෙත, සම්පූර්ණයෙන් හෝ කොටස් වශයෙන් upload කිරීම තහනම්.
Uploading this program in whole or in part to Facebook Pages or other RU-vid Channels is strictly prohibited.)
© Helabima TV
4 мар 2024