අඹ විදමන | දෙවොල්මඩු ශාන්තිකර්මය 

මේ සියලු කර්මයන්ගෙන් පසු නිවර්දි ප්‍රේක්ෂකය තවදුරටත් ශාන්ති කර්මය කෙරෙහි ඇදබැද තබා ගැනීමට පත්තිනි දෙවියන්ගේ චරිත කථාව නාට්‍යානුසාරයෙන් ඉදිරිපත් කිරීම අඹ විදමන ලෙස හදුන්වයි.
පත්තිනි උපත් අතර අඹෙන් උපන් පත්තිනි අඹ පත්තිනි නොහොත් ඔරුමාල පත්තිනි උපත වඩා ප්‍රකට වූවකි. පඩිපුර පඩි රජුගේ අඹ උයනෙහි එක ගසක අකලට මා දිය කලයක් තරම් විශාලව අඹ ගෙඩියක් හටගෙන ඇත. මෙම අඹය නෙලාගැනීමට කිසිවෙක් සමත් නොවූ අතර අඹය නෙලීමට හැකි අයෙක් ඉදිරිපත් වන ලෙස දැන්වීය. දිනක් එක් මහල්ලෙක් පැමිණ තමා එය නෙලන්නේයැයි පැවසූ විට රජුගේ දුන්න ගන්න යැයි කී කල එය ප්‍රතික්ෂේපකර තමාගේම දුන්නෙන් අඹයට විද්දේය. ඊතලය අඹ නැට්ටේ වැදී අඹ ගෙඩිය ගිලිහෙත්ම අඹ නැට්ටෙන් වැටුනු අඹ කිරි බිංදුවක් උඩ බැලූ රජුගේ නලලත ඇසට වැටී එම ඇස නොපෙනී ගියේය. මෙම ඇස නැතිවීම මහත් විශ්මය ජනක සිද්ධියක් නිසා පඩි රජු එය කෑමට නොගෙන රන් ඔරුවක බහා කාවේරි ග‍ගේ පාකර හැරියාය. අඹයට විදි මහල්ලා නොපෙනී ගිය අතර ඒ මහළු වෙසින් පැමිණ ඇත්තේ සක් දෙවිදුන්ය. මෙසේ පාකර හැරි අඹය සහිත බෝට්ටුව “මානායර” නම් වෙදෙකුට හමු වී එහි තිබූ රන් අඹය නිවසට ගෙන ගොස් රන් බදුනක බහා තැබීය. දින ගනනක් ගතවීමෙන් පසු වෙලෙන්දාගේ ගෙදරට පැමිනි දරුවෙකු අඹය ඉල්ලූවිට සුරැකිව තැබූ අඹය මතක් වී එතැනට ගොස් බැලූ විට ඔහුට පෙනුනේ ඉතා රූමත් බිළිදු කුමරියකි. අඹය ඉල්ලා එහි පැමිනියේද සක් දෙවිදුය. ඔරුවේ පාවී ආ අඹයෙන් උපන් පත්තිනි දේවී අඹ පත්තිනි ඔරුමාල පත්තිනි නමින් හදුන්වයි.
එම පුවත අඹ විදමනෙහි කිවියෙන් ගායනා කරයි. පසුව ආතුර කැලට පත්තිනි දේවියන්ගේ ආශිර්වාදය ලබා දෙයි. ගරා වෙස් පෑම හැර වෙස්මුහුණු පැලද දෙවොල් මඩුවක නටන එකම නැටුම අඹ විදමන පමනකි.
අඹ විදමනෙහි ගයන කවි මෙසේය,
අරින සැරන් පොලු ගල්කැට වෙඩි සැර ආමුන පෙරලා
කරන සටන් බැරිව සෙනග සිට ආයුධ අත හැරලා
විදින වෙහෙස දැක දිවසින් සක් රජ කරුණා කරලා
රැගෙන දුන්න සහ ඔලොගුව මහළු වෙසක් ගෙන දරලා
පුරුක් නවය සන්දි නිසා දුන්න අදියි වර නමන්ට
වරක විදල ඊය මෙසේ කිව් නිරිදුට උඩ බලන්ට
කලක් ලවතිනා අණ සක ගුවනේ කැරකී තිබෙන්ට
උලක් ඇන්න සේ අඹ කිරි වැටුනේ පඩි නෙත වැසෙන්ට
ජලෙනි දලෙනි සුරත් දමෙනි අඹෙහි උපන්නා
ගලෙහි කැලෙහි සඨවෙනි එක් වරක උපන්නා
එවැනි සමෙහි සත්වෙනි රන් අඹෙහි උපන්නා
මෙවැනි පතිනි කෙදිනි මෙලක් දිව බබලන්නා
නුරා සළඹ නද ගොපකර වැඩම කරනවා
නුරා ලමැද පියවොරු රන් දමෙන් වැසෙනවා
ගිරා තුඩුසෙ ගෝමර බදවට දිලිසෙනවා
සරා ලාපු මල් අස්නට වැඩමකරනවා
-------------------------------------------------------------------------------------------------------------------------
මුරුගසන් වරුසා ඇද හැමෙන තුරු, වේරම්භ වාතය යළි හමන තුරු, හෙළයට අරක් ගත් සියලූ දෙවි දේවතාවුන් සේම මහා ලංකේෂ්වරයාණන්ගේ බලපරාක‍්‍රම විහිදමින් සක්වළ කැළඹු විශ්මිත දෑ හෙළිවන ජනශ්රුතිය අගයන මානවයින්ගේ අධීන චෛතසික කුළුගන්වමින් කාල වළාවක නැග, පවන් වගේ සැරිසරණ විචක්‍ෂණශීලී බුද්ධිගෝචර යෞවනෝදයේ දෘෂ්ටි පථයක් සහිත ප‍්‍රමෝදීය ප‍්‍රජාවකට පිදෙන, ඕසෝන් නොනසන අනාගතවාදී ලොවක් නිමවන තේජාන්විත අරමුණු පෙරදැරිව හෙළදිවට ලඝුවන ශාන්තිකර්මීය පුරාවෘත සහසක් ඔබ වෙතම හමිවන පිටුවකට තේමා නොකොට පටුනකට සීමා නොවන අසංඛෙයීය දැනුම් සම්භාරයක මාහා රාවණ පරපුරක අතීතාවලෝකනයේ බිහිදොර තැනෙන හෙළ පුරාණ ඉන්ද්‍රජාලිකකයා.
Like 👍 comment 🖊️Share
Hela Puranaya Subscribe කරලා 🔔 සීනු ලකුන ඔබන්න.
Subscribe කරලා එකතු වුනු හැමෝටම ස්තුතියි
තාමත් අපිව subscribe කරලා නැත්තම් දැන්ම අපිව subscribe කරලා එකතු වෙන්න
#Hela_Puranaya #Ravana #Aba_Widamana