අවාරේ සිරිපා | off season Siripada | කුරුවිට එරත්න මාර්ගය මැදින් සිරිපා මළුවට 

අවාරේ සිරිපා කරුණාව 🙏🍃
උතුම් තිලොගුරු
බුදුන් පා තැබු
සිරිපතුල් දැක
වැදුම් කෙරුමට
අවසරයි සුමන දෙවිහාමුදුරුවනේ..
වාරයේ කටුක නොමැති අත්දැකීම ලබනවා වෙනුවට
කටුකත්වයම විදිමින් ආධ්‍යාත්මය සනස ගැනුමට
ඉතින් සංචාරකයන්ට අවසර
ක්‍රිස්තු වර්ෂ 2021ක් වූ ඉල් මස 3 වනදා මධ්‍යහනයේ සංචාරකයන් නම් වූ අපි අවාරයේ සිරිපා කරුණා කෙරුමට අපහසුම මග ලෙස සැලකෙන කුරුවිට එරත්නෙන් මෙසේ සිරිපා කරුණාව ඇරබූ වගයි.
සුමන සමන් දෙවි වන්දනාවෙන් අනතුරුව නඩය රත්නපුර සිට කුරුවිට නගරයට පැමින එරත්න බස් රථයක නැගී එරත්නෙන් සිරිපා කරුනාව ඇරබුවේ එදින තුලම සිරිපා කරුනා කෙරුමට ඇති අදිශ්ඨානය සමගිනි. නමුත් අතරමග ඇදහැලුනු වර්ෂාවත් අප නඩයේ අයට සිදුවූ විවිධ ආබාධත් නිසා අපට එදින සන්ද්‍යාව 6 වනවිට ගමන් කෙරුමට හැකි වුනේ සීත ගගුල වෙතට පමනි. කෑලි කැපිය හැකි තරමටම අදුර ගලා ආ නිසා අපි සීතගගුලේ ඇති තානායමක එදින රැය ගත කරන්නට තීරනය කලෙමු. ඉදින් අප රාත්‍ර්‍රී ආහාරය ගෙන රාත්‍රිය එහි ගත කලෙමු. උදෑසන අවදි වී සීත ගගුලෙන් නා කියාගත් අපි පෙරවරු 7ට පමණ නැවතත් සිරිපා කරුණාව ඇරබූවෙමු. අධික මීදුමත් වර්ෂාවත් මධ්‍යයේම ගමන් කල අපි විඩාබරව සිටියත් කෙසේ හෝ සුමන සමන් දෙවි පිහිටෙන් පස්වරු 2.30ට සිරිපතුල් පිහිටි උඩුමලුවට ලගාවුනෙමු. අධික මීදුමත් සමග අධික සීතල මධ්‍යයයේ කෙසේ හෝ අරමුනට ලගා වුන අප ශ්‍රද්ධාවෙන් සිරිපතුල් වන්දනා කර නැවතත් හැටන් මාර්ගයෙන් පහලට බැසීම ආරම්භ කලෙමු. අප නල්ලතන්නියට ලගා වන විට ප.ව. 7.00 පමන විය. එම නිසා අප එහි නවාතැන් ගත්තෙමු. එහි ගිමන් මහන්සිය නිවා ගත් අප පසුදා උදෑසන 11.30 ට පමණ නිවෙස් බලා යෑමට ගමන් ඇරබූවෙමු. කෙසේ හෝ අප සියලු දෙනා නිවෙස් වලට යන විට එදින රාත්‍රී 10 පමණ විය.
බාධක කම්කටොලු රැසක් මැද
විශ්වාසය පමණක් හැගුම් කරගත්
ගමනේ අවසානය කොතනදෝ නොදැන
නොදන්නා තැනක තනිව සිටිනා තරුණ කැලක්
අපි නමින් සංචාරකයෝ වන්නෙමු
සිරිලක් මවුගේ සුන්දරත්වය සොයා ඇවිද යන්නෙමු
නිමක් නොදන්නා මේ සසරෙහි
නිමක් දකින තෙක් ඇවිද යන්නෙමු
සිරිලක් මව් සුරකින්නෙමු
ඉදින්
එසේ ඇරබූ තවත් එක් පුංචි ගමනක අවසානය මෙසේ සනිටුහන් කරන්නෙමු
ක්‍රිස්තු වර්ෂ 2021ක් වූ ඉල් මස 3 වනදා ඇරබූ අවාරේ සිරිපා වන්දනාව ක්‍රිස්තු වර්ෂ 2021ක් වූ ඉල් මස 5 වනදා මෙසේ නිමා කරනෙමු. සුමන දේව පිහිටෙන් බාධක මැඩගෙන ගමන් කල අපි අද මෙසේ තාවකාලිකව වෙන්ව යන්නෙමු. මෙය අවසානයක් නොව තවත් එක් ආරම්බයකි. නැවතත් හැකි ඉක්මනින් සංචාරකයෝ අපි ඔබව හමුවෙන්නෙමු.
එසේනම් සබද අදට වෙන්ව යාමට අවසර
සුමන සමන් දේව පිහිටයි ! ආරක්ශාවයි ! රැකවරණයි !
#awaresiripa #sripadaya #offseason