(අ)ධර්මයයි ඔබයි ධර්මය යටට එබූ හැටි... 

ධර්මය විකෘති කොට සමාව ගත් ධර්මයයි ඔබේ අධර්මවාදීන් පිලිබඳ නවතම සත්‍ය අනාවරණය..............
⁣පසු ගියදා මල්වතු මහා නා හිමියන් ප්‍රමුඛ කාරක සංඝ සභාව ඉදිරියට ගිය ස්වාමීන්වහන්සේලා කිහිප නමක් තමන් මෙයට පෙර ධර්මය විකෘති කර අධර්මය පැවසූ බවත් ඒවා අන්තර්ජාලය හරහා ප්‍රචාරය කල බවත් එය තමන් අතින් සිදුවූ බරපතළ වරදක් නිසා එම වරද මින්පසු සිදු නොකරන බවට සමාව ගෙන ලිපියකට අත්සන් තබා පොරොන්දු උනා.
ඒ ස්වාමීන්වහන්සේලා අතර හඳපාන්ගොඩ නිවාතාප ස්වාමීන්වහන්සේද සිටියා.
උන් වහන්සේද තමන් අධර්මය පැවසූ බව පිළි ගත්තා.
ඒත් උන් වහන්සේ සරණ ගොස් සිටින ඔහුගේ ගෝල බාලයන්නම් එය පිළි ගන්නට කැමති බවක් පෙනෙන්නට නෑ.
මේ නිවාතාප ස්වාමීන්වහන්සේ තමයි "ධර්මයයි ඔබයි" කියන නමින් රටපුරා තිබෙන රාජ්‍ය ආයතන, සමාගම්, සහ පුද්ගලික ආයතනවල ප්‍රධානීන් රවටා ඒ හරහා එම ස්ථානවල අධර්මය ප්‍රචාරය කරගෙන ගියේ.
උන් වහන්සේ නිවාතාප නමින් නොදන්නා බොහෝ පිරිසක් "ධර්මයයි ඔබයි" ස්වාමීන්වහන්සේ යන නමින් තමයි හඳුන්වන්නේ.
ඒ නමින් උන් වහන්සේ ප්‍රසිද්ධ නිසා වැඩි දෙනෙකු උන් වහන්සේත් අධර්මය ප්‍රකාශ කල බව පිළිගත්තා කියන කරුණ දන්නේ නෑ.
බලන්න හොඳින් පහත සඳහන් කරුණු ගැන දැන ගන්නට ත්‍රිපිටක දැනුම අවශ්‍යයමද කියලා.
අපගේ භාග්‍යවතුන් වහන්සේ සාරාසංඛ්‍ය කල්ප ලක්ෂයක් පුරාවට බෝධි සත්වයන් වහන්සේ නමක් ලෙසින් පෙරුම් දම් පිරූබව අපි දන්නවා.
සත්වයා සසරින් නිදහස් කර වන්නට බොහෝ දුක්පීඩා විඳිබව අප දන්නවා.
⁣එය හෑල්ලුවට ලක් කරන නිවාතාප ස්වාමීන්වහන්සේ කියන්නෙ "ජේසු තුමා" ද බෝධි සත්වයන් වහන්සේ නමක බවයි.
අනෙක් කරුණ ක්‍රිස්තියානි ආගමිකයන් සෑමඉරුදිනකම පල්ලියට ගොස් ජේසු තුමාට වන්දනා කරන නිසා බෞද්ධයන් සහ ඔවුන් එක සමාන බවද මේ නිවාතතාප ස්වාමීන්වහන්සේ පවසනවා.
බොහෝ පාලි වචන වල අර්ථ විකෘති කරමින් , අලුත් නිරුක්ති දෙමින් පිරිසිදු දහම් කරුණු වෙනස් කළ මේ හිමි නම එසේම ධර්මය විකෘති කරමින් බුදු සසුනට මහත් හානියක් සිදු කළ වහරක අභයරතනාලංකාර නම් පවිටු භික්ෂුවගේ ගෝල නමකි.
අප කව්රුත් හොඳින්ම දන්නා අතහැරීම පුරුදු කරවන දානය දීම පවා අවඥාවට ලක් කරන මුන් වහන්සේ, දානය යනු සසරේ ලත් ණය නැවත ගෙවීමක් (දා + ණය = දානය) ලෙස හඳුන්වයි.
එය එසේනම් බැංකුවකින් ලබා ගත් ණය ගෙවන අය දානය තුළින් පින් රැස් කර ගන්නා පිරිස විය යුතුය.
ඒ වාගේම භාග්‍යවතුන් වහන්සේ වදාලේ එළ දෙනකගේ බුරුල්ලෙන් කිරි දොවන තරම් සුළු මොහොතක් පවා මෛත්‍රීය වැඩුවහොත් එය මහත්ඵල මහානිශංස වන බවයි.
මේ සා උතුම් මහානුභාව සම්පන්න බෞද්ධයන් සියල්ලෝම පාහේ දන්නා මෛත්‍රී භාවනාව පවා මෙම හිමි නම විසින් සංස්කරණයට ලක් කළා.
මීට අවුරුදු 2500 කට පෙර බුදුරජාණන් වහන්සේ වදාල මෛත්‍රී භාවනාව ප්‍රතික්ෂේප කරමින් " ආර්ය මෛත්‍රී භාවනාව " නමින් ඔහු විසින්ම විකෘති කළ භාවනාවක් සමාජ ගත කිරීමට මෙම හිමි නම කටයුතු කළා.
එසේම මේ ධර්මය යි ඔබයි හිමි නම ( නිවාතාප ස්වාමීන්වහන්සේ ) පාලිද නොවන සංස්කෘතද නොවන සිංහලද නොවන , fm නාලිකාවල භාවිතා කරන ආකාරයේ කලවම් වචන සහිත පාඨයන් , තම අනුගාමිකයන් අතර ව්‍යාප්ත කරමින් පරම පිවිතුරු ශ්‍රී සද්ධර්මය හා උතුම් පාලි භාෂාවත් හාස්‍යයට ලක් කළා.
" නිබ්බාන පරම සුඛයෙන් සුඛිත තර වෙත්වා"
මෙහි " නිබ්බාන , සුඛ හා සුඛිත " යනු පාලි වචන වන අතර , " තර වෙත්වා" යන්න මහත් වීම නම් අර්ථය සහිත සිංහල වචනයකි.
තෙරුවන් සරණයි ..!
සියලු සත්වයෝ සුවපත් වෙත්වා..! ,
නිවන් සුව ලබත්වා..!
වැනි සාම්ප්‍රදායික වූත් , ධාර්මික වූත් , අර්ථවත් වූත් සිංහල බෞද්ධයන් අතර ප්‍රචලිතව පැවති වාක්‍යය වෙනස් කරමින් මෙවන් හාස්‍යජනක විකෘති පද හා යෙදුම් සමාජගත කරමින් ජනප්‍රිය වීමට උත්සාහ ගත් මෙවන් හිමිවරුන් බුදු සසුනට මහත් අනතුරකි.
මීට අමතරව නිවාතාප හිමි , අන්තර්ජාලය ඔස්සේ සියුම් ධර්ම කාරණා බොහොමයක් වැරදි ලෙස අර්ථ දක්වමින් ද උතුම් පාලි භාෂාව නිර්දය ලෙස විකෘති කරමින් ද සසුනට විශාල විනාශයක් සිදු කළේ තථාගත ශ්‍රී සද්ධර්මය ගැන අල්පමාත්‍ර වූ හෝ දැනුමක් නොමැති රජයේ හා පෞද්ගලික ආයතන වල විවිධ ක්ෂේත්‍ර වල රැකියාවල නියුතු නිලධාරීන් මුලාවට පත් කරවමිනි.
කෙසේ හෝ ඉහතින් දක්වන පරිදි ඒ සා මහත් ශාසන විනාශයක් සිදු කළ " ධර්මය යි ඔබයි " හාමුදුරුවෝ නමින් පෙනී සිටි නිවාතාප හිමි පසුගිය දා තමා විසින් සිදුකළ සියලු වැරදි පිළිගනිමින් මල්වතු මහා නා හිමියන් අභිමුව වැඳවැටී සමාව ඉල්ලුවා..
එය අවංකව සිදුකළ සමාව ගැනීමක් ද නැතහොත්
උන්වහන්සේ ගේ තවත් ප්‍රයෝගයක් දැයි අපි නොදනිමු...
ඒ කෙසේ වෙතත් ඔබ හසුවූ "ධර්මයයි ඔබයි" යන වැඩ සටහනද එය ආරම්භ කල නිවාතාප ස්වාමීන්වහන්සේද "ධර්මයයි ඔබයි" යනු අධර්මය කියාදුන් වැඩ සටහනක් බවත් සහ මින්පසු එසේ නොකරන බවට සහ අධර්මය ප්‍රචාරය නොකරන බවටත් එසේ කලහොත් ශාසනයෙන් ඉවත් කරන්නට හැකි බවටත් පවසා මහා නායක ස්වාමීන්වහන්සේ ප්‍රධාන සංඝ සභාව ඉදිරියේ පොරොන්දු වී අත්සන් කර පිළිගෙන ඇත.
ඔබත් මේ අධර්මවාදීන් ගේ රැවටීමට හසූවී බොහෝ පව් රැස්කර ගෙන ඇත්නම් ජීවමාන බුදුරජාණන් වහන්සේ බඳු මහා සෑ රජුන් ළඟට ගොස් වන්දනා කොට සමාව ගන්න. තෙරුවන් කමා කරගන්න.
තෙරුවන් සරණයි....!!!
විශේෂ ස්තුතිය:
නෙත් FM බැලුම්ගල වැඩසටහන ඔස්සේ සම්බුද්ධ ශාසනය වනසන අධර්මවාදීන් හෙළි දරව් කිරීම ගැන එම කාර්ය මණ්ඩලයට සහ එම ආයතනයට ශ්‍රාවක අපගේ විශේෂ ස්තුතිය සහ පුණ්‍යානුමෝදනාව.
උපුටා ගැනීම : නෙත් FM බැලුම්ගල යූ.ටියුබ් චැනලයෙන්.
අධර්මය මැඩලීම පිනිස ශ්‍රී සද්ධර්මය ඉස්මතු කිරීම පිනිස ඒ මහඟු කර්තව්‍යයට අප හා එක්වන්න. (Y) මෙය හැකිතාක් පිරිස් අතර බෙදාහරින්න.
:::::: ශ්‍රාවක :::::::
වෙබ් අඩවිය : www.shrawaka.com
[[This post is regarding criticism and we are using the photo for that purpose. Therefore, 17 U.S.C. § 106 and 17 U.S.C. § 106A, the fair use of a copyrighted work, including such use by reproduction in copies, for purposes such as criticism, comment, news reporting is not an infringement of copyright.]]