ඉටු දෙවි විමන
තේමාව:
මිනිසුන් හරිමග දකින්නේ නම්, ඒ මග යන්නේ නම්, කිසිඳු ගැලවුම් කරුවෙක් වුවමනා නොවන්නේය. එක් අන්ධ වූ බාලයකුගේ අවිචාර ක්රියාවක් නිසා බොහෝ දෙනෙකුට බොහෝ විපත් ඇතිකරමින් තෙමේ ද විනාශයට පත්වන්නේය.
පරිසරය:
විස්මිත මිනිස් බැම්මක් වූ පවුල හා විවාහය බොහෝවිට සිඳී බිඳී යන්නේ අනවබෝධය, අනෝන්ය වගකීම් නොසලකා හැරීම, සිත් රිදීම, ආදිය මතය. එහෙත් විප්රයෝගය මනුෂ්ය ගතිය නොවේ. මිනිසා ජීවත් කරවීමට ආහාර, ජලය, වාතය මෙන් සම්ප්රයෝගයද, සෙනෙහසද අවශ්ය වේ.
කතා සාරාංශය:
නාගරික මධ්යම පන්තික ඉංජිනේරුවෙකු වන අරවින්ද සම්ප්රදායික සිතුම් පැතුම් ඇති නිවුන පුද්ගලයෙකි. ඔහුගේ බිරිඳ වේගවත් සමාජය සමඟ හඹායන මෝස්තර කාරියෙකි. මේ දෙදෙනාගේ අදහස් නොගැලපීම මත සිය දෙහැවිරිදි දියණිය ද අතරමං කොට පවුල විසිරේ, දියණිය අනූෂා පියා යටතේ හැදී වැඩේ. මෙම වෘතාන්තයට පාදක වන අනෙක් පවුල් සංස්ථාව වන්නේ නාගරික කාර්යාල සේවක යුවලකි. ගණකාධිකාරී රෙජිනෝල්ඩ් සහ විධායක නිලධාරිනියක වන රාධිකාගේ පවුලේ සමඟිය දෙදරා යන්නේ රෙජිනෝල්ඩ් ගේ බීමත්කම, සූදුවට ඇබ්බැහි වීම නිසා පමණක් නොව, අදෘශ්යමානව සිට ඔවුන්ගේ පවුලට බලපෑම් කරන ගිල්මන් නම් වූ ව්යාපාරිකයාගේ ක්රියා කලාපය නිසා වේ. මේ තුල ද අතරමංවන ඔවුන්ගේ එකම පුතු දොළොස් හැවිරිදි චන්න හැදී වැඩෙන්නේ විදුහලක නේවාසිකව වේ.
මෙම දෙදරා යන පවුල් ද්වය වටා ටෙලි වෘතාන්තය ගොඩ නැගෙන්නේ රාධිකා සහ අරවින්ද මාර්ගස්ථ පොලිස් මුරපොලකදී අහඹු ලෙස හමුවිමකිනි. කතා වින්යාසය ජීවන අත්දැකීම් සමඟ ගැටෙමින් විකාශය වී ගොස් සුඛාන්තයක් ලෙස නිමාවන්නේ අරවින්ද සහ රාධිකා අතර ඇතිවන අවබෝධය තුල දරුවන්ට දෙමාපිය සෙවනක් ලැබීමෙනි.
තවත් මෙවැනිම Video නරබන්න, චැනල් එක Subscribe කරලා Bell icon එක Click කරන්න.
Subscribe කරන්න ලින්ක් එක:
ru-vid.com...
#ItuDeviVimana #Teledrama #WimalarathnaAdikari #NethmeeAdikari
6 сен 2024