උඩරට මැණිකේ මනහර කඳුරට තිලකේ
කඳුරට තිලකේ මනහර උඩරට මැණිකේ
ඔසරි මාල වළලු කූරු හවඩි ඔබට හරි හැඩයි //…. //
සුනිල් ජලේ රණ හංසිය වාගේ
ලළිත ගමන සිත නලවයි මගේ //
සුභ ගමන් යන්න සැන්දෑවට නුවර වැව වටේ
මිණි පහන ඔබයි කන්ද උඩරටේ //
උඩරට මැණිකේ මනහර කඳුරට තිලකේ…
තෙල් මල් ගෙන දළදා මන්දීරේ
වඳින්න යයි පියගැටපෙල පාරේ //
හිනැහිලා බලන එක බැල්මට වැවේ මල් පිපේ
මනමාලි ඔබයි කඳුකරේ අපේ //
උඩරට මැණිකේ මනහර කඳුරට තිලකේ…
නුවර ඇසළ පෙරහැර ඇති කාලේ
මුලු රටම දකී ඔබෙ කෝමල තාලේ //
මට මලක් වෙන්න හිතයි ප්රියේ ඔබේ පෙම් විලේ
රූ රැජින තමයි මැණික සිංහලේ //
උඩරට මැණිකේ මනහර කඳුරට තිලකේ…
පද රචනය: කරැණාරත්න අබේසේකර යොමුව : 70 ලoකාරේ වැඩසටහන - චරණ රූපවාහිනී
තනුව: පැට්රික් දෙණිපිටිය (1958 දී පැට්රික් මුල් වරට නිර්මාණය කළ ගීත ත්රිත්වයෙන් එකකි)
ගායනය: සී. ඩි. ෆොන්සේකා, ආර්. එස්. මෙන්ඩිස්, රසිනා යකීම් සහ ඇනජලීන් ගුණතිලක
21 окт 2024