මම හරිම ආසාවෙන් බලාගෙන හිටපු ලස්සනම දවසක් වෙනුවෙන් අපි ලංකාවට ආව දවසෙ ඉදන් සතියක් මේ ව්දියට තමයි සූදානම් උනේ.. වතුපිටි ගෙවල් දොරවල් පිරිසිදු කරලා තීන්ත ගාලා මේ පින්වත් දවස වෙනුවෙන් අපි සූදානම් උනේ හරිම ආසාවකින්..
ගෙවල් දොරවල් වගේම ගතත් සිතත් පේ වෙලා පිරිසිදු වෙන්න ඕනි සතියක් මුලුල්ලේ ගෙදරට මස්මාලු කිසිවක් ගේන්නැතුව ,ගෙදර අය පිටින්වත් ඒ දේවල් අනුභව නොකර පේ වන්න ඕනි කියලයි මම අහල තියෙන්නෙ. යම් යම් ප්‍රදේශ වල යම් යම් වෙනස්කම් තිබුනත් මේ විදියට ගෙවල් දොරවල් පිරිසිදු කරලා ගතත් සිතත් පිරිසිදු කරගන්න එක අපි කොයි කවුරුත් කරන දෙයක්..
මේ සදහා කිරි අම්මලා සත් දෙනා තෝරගන්න කොට අපි සැලකිලිමත් වෙන්න ඕනි කරුණු කාරණා ටිකක් තියෙනවා. කකුලේ සුව නොවන තුවාල තියෙන අය, වයෝවෘද්ධ කාන්තාවන්, වැන්දඹු කාන්තාවන්, කේලම් කියන අසභ්‍ය වචන කියන අසංවරව හැසිරෙන කාන්තාවන් ආදී වශයෙන් තෝරා බේරා ගෙන ඒ සදහා කිරි අම්මලා තෝරා ගන්න ඕනි. මීට අමතරව මමත් නොදන්න බොහෝ දේවල් ඇති.
මම වීඩියෝ එක තවත් දිග වැඩි වෙන නිසා අඹ කොල ඉත්තෙන් අශිර්වාද කරන දසුන් මම දැම්මේ නැහැ. ඉතින් මේ විදියට කිරි අම්මලා සතුටු වෙන විදියට තමන්ට ඇති හැකි පමණින් දානය දීලා සිත පුරවගන්න පුලුවන් නම් ඔයාලගෙ ගෙදරට කිරි උතුරනවා ඒකාන්තයි .
අවසානයේදී මිදුලේ තියෙන වතුර කලය කිරි අම්මලා හත් දෙනාම විසින් හලලා අන්තිමට එනකෙනා ඒක මුනින් අතට හරවලා ආපස්සට හැරෙන්නැතුව පිටවෙන්න ඕනි . අලුත් කිරි අම්මලා අතින් නොදැනුවත්ව වෙන දෙයක් තමා මේ අත්වැරැද්ද. ඉතින් ඒවට හිත නරක් කරගන්නැතුව වැරැද්දක් උනානම් අපිට පළමුවද දෙවනුවද තෙවනුවද සමාවෙන්න පත්තිනි මෑණියනි කියලා හිතින් හිතාගන්න.
ඔබට මහානුභාව බලසම්පන්න පත්තිනි මෑණියන්ගේ පිහිටයි ආරක්ෂාවයි ! 🌼🌼
11 сен 2024
