#TravelwithbajaBaby #panama #worldsendlodge #ududiyaluma
ඔන්න මගේ 3නි දවස.. 330km පමන දුරක්..
නුවරඑළියෙ ඉදන් රම්බොඩ හරහා නුවර ගිම්හාන් අයියලගෙ ගෙදරට ආපු මම එදා රාත්‍රීය පහන් කරේ එහේ.. මහ පාන්දර වෙනකම් කයියක් ගහගෙන ඉදලා නිදා ගන්නකොට 1ත් පහු වෙලා.. වෙලාවට පිටත් වෙන්න ඕනෙ නිසා වේලාසනම ලෑස්ති උනෙ මම..🤣 අඩුම කුඩුම ගොඩක් තියෙන නිසා...
ඉතින් Nanju අයියත් එයාගෙ WR එකේ එහෙට කුකුලා අතේ තියන් ආවා. කොහොම හරි පිටත් වෙද්දි හිරු එළියත් වැටී තිබුනා..
අනිත් හැමෝමත් හපුතලේට එන නිසා අපිත් එහෙට ගිහින් සෙට් වෙමු කියලා හකුරුතලේ, රාගල, බොරලන්ද හරහා මාර්ගය තමයි තෝර ගත්තෙ. බොහොම සුන්දර මාර්ගයක්. ගියපු අය දන්නවා ඇති. වියළි කලාපයක ලක්ෂන ඇති ගස් කොළන් තරමක් විඩාබර වූ පරිසර කලාපයක්. රාත්‍රීයට නම් අලි ඇතුන් නම් බහුල ප්‍රදේශයක්. උදේ ආහාර වේල කීර්තිබන්ඩාරපුර හෝටලෙන් පාරාට බිත්තර රොටී කිහිපයක් ගිල දාලා කෝපි කෝප්පයකත් රස විදලා ඉක්මනින් පිටත් උනේ හොදටම පරක්කු උන නිසා. අධික වංගු සහිත ප්‍රදේශයක් උනත් 3නාම එක හුස්මට වංගු ටික නමාගෙන ඉක්මනින් හපුතලේට සේන්දු වෙනකොට Harsha අයියා ඇතුලු පිරිස ජාතිය අමතමින් හිටියේ වෙලාව ඉක්මවා තිබ්බ නිසා.🤣
ආ මගේ Wallet එක බිමට වැටිලා පාර පුරා සියල්ල විසිරී ගිහින් Nanju අයියා සෑහෙන පරිශ්‍රමයක් අරන් එකින් එක එකතු කරන් ආපු එකට නම් බොහොම පිං 😑🙏.
මොණරාගල, සියඹලාන්ඩුව,ලාහුගල හරහා පානම මේ අපේ ගමන් මාර්ගය. එකිනෙකා පසු පස බොහොම සීරුවෙන් පේළියට අපේ ගමන යන අපි මොණරාගල ටවුමට කලින් දහවල් ආහරය ගත්තෙ බොහෝ සෙයින් විඩාවට පත් වූ නිසයි. ඒ දැඩිව බලපෑම් කල අව් රෂ්මියයි.
ලාහු ගල කියන්නෙ තවත් සුන්දර පාරාදීසයකට ඇතුළු උනා වගේ. බොහොම සුන්දර පරිසරයක්. Photo ටිකක් ගන්න කියල නවත්තලා ලස්ස්නට බයිසිකල් ටිකත් හදලා කට්ටිය සැහැල්ලු වෙන්න කැලේ පැත්තට ගියාට මොකද අලියෙක් කියලා කියනව ඇහුනට විහොලුවට වෙන්න් ඇති කියලා හිතුවට මෙන්න කැලේ අස්සෙන් මතු උනා එක පාරටම. හැබැයි කරදරයක් කරන පාටක් නොතිබ්බට "මෙතනින් ඉක්මනට යන්න" වගේ හැසිරීමක් නම් පෙන්නපු නිසා කට්ටිය ලහි ලහියේ හෙමීට ඉස්සරහට ඇදුනා. පොතුවිල් වලින් අපිට අවශ්‍ය බඩු බාහිරාදියත් අරන් අපේ නවාතැන්පලට යනකොට නම් හොදටම හෙම්බත් උනා. හවස 6ට පමන ගිය අපි රාත්‍රී ආහාරයත් ගෙන ඉක්මනින් නින්දට වැටුනේ උදේ පාන්දරම කලපුවට යන්න ඕනෙ නිසාමයි. 3 නි දවස ගෙවුනේ මෙහෙමයි.
ඔන්න මගේ 4 වෙනි දවස...
පානම ගමනේ 2 නි දවස..
180-200km
පානම, මොණරාගල, කොස්ලන්ද, බෙරගල, කළුපහන
උදේ පාන්දර 05.30 ට ඇහැරුන මම මුලින්ම කරේ නිදාගෙන හිටපු සේරම ටික ඇහැරවපු එක..🤣😂
කොහොමෙන් කොහොම හරි පැයක් එකාමාරක් යද්දි දත කට මද්දවගෙන කලපුව දිහාට ගියා වීඩියෝ ටික දා ගන්න. බීච් එක පැත්තටත් ගිහින් රවුමක් දාලා ඊලගට යන තැන ප්ලෑන් කරගෙන ලහි ලහියේ ලෑස්ති උනේ අව් රශිමියෙන් ලැබෙන්න පුලුවන් තාඩන පීඩන ටික අවම කරගන්නයි. පානමට සමු දුන් අපි නැවත මොණරාගලට පැමිණ වැල්ලවාය කොස්ලන්ද බෙරගල හරහා Worlds End Lodge තමයි අපේ සුන්දර නවතැන්පල උනේ. වැල්ලවාය කොස්පන්ද හරහා යන අතරතුර උඩුදියළුම ලග නැවතී හෝරාවක් ගත කල අපි කොස්ලන්ද හරහා බෙරගල වෙත ගමන් ආරම්භ කලෙමු. පැමිණෙන මාර්ගය නම් සුන්දරත්වය අතින් අතරමං කල හැකි තරම් විය. සියලු සගයන් හට ඉදිරියට යාමට ඉඩ සලස්වා තරමක් පසු පසින් පරිසරයේ සුන්දරත්වය උපරිමයෙන් විදිමින් ඉදිරියට ඇදුනෙමි. බෙරගල හන්දියට සේන්දු උන අපි කලුපහන දෙසට ඇදුනු අතර දහවල් ආහාරය ගැනීමට සුපුරුදු හෝටලයක නැවතුනි. වල්හපුතැන්න පාසල ලගින් ඇති පාරේ කිලෝමීටර් කිහිපයක් යා යුතු අතර පයිනස් කොළ වැටුනු පාරක ගමන් කර Worlds End Lodge වෙත ලගා උනි. ජැකට්ටු හෙල්මට් පහත කාමරයක් තුල තැබූ අපි ගමන්මලු කරපින්නාගෙන පඩිපෙල් කිහිපයක් තරණය කොට අපගේ කාමර වෙත පැමිනියෙමු. සුන්දර වටපිටාවක් ඇති අතර පහලින් යකාගෙ පඩිපෙලටත් යා හැකි මාර්ගය දිස්වේ. පෙර දින තිබූ විඩාව ගමන් මහන්සිය දුරු වූයේ මෙහි ඇති සීතලත් අවට පරිසරයත් නිසාවෙනි. රාත්‍රී 9 වන තෙක් පූල් එකේ නාලා රසම රස කිරි තේ එකකටත් වග කියලා රාත්‍රී ආහරය ගැනීමට භෝජන ශාලාවට ගියෙමු.
රයිස්, චිකන් ඩෙවල්, සැලඩ්, සොසේජස් ඩෙවල්, අතුරුපසට අයිස්ක්‍රීම් සහ ජෙලි තිබූ අතර කෑම ටික නම් 100% පංකාදුයි. බඩ පිරෙන්න කාබී කාමර වෙත ඇදුනු අපි සුන්දර සංවාදයක හෝරා කිහිපයක් යෙදුනු අතර නින්දට වැටෙනවිට රාත්‍රී 12 පසු වී තිබුනි.. අපගේ පානම චාරිකාවෙ දෙවන රාත්‍රීය මෙසේ අවසන් විය...
ඔන්න මගේ 5 වෙනි දවස...
පානම ටුවර් එකේ 3නි දවස..
සුන්දර පරිසරයක ටිකක් හීතලේ උදෙන්ම ඇහැරිලා එලියට ආවම දැනුන හැගීම නම් විස්තර කරන්න බෑ.. කට්ටියවත් හෙමින් හෙමින් ඇහැරවගෙන බැම්මක් උඩට වෙලා කයියක් දානවා කියන්නෙ ඊට වඩා දෙයක් නෑ ඉතින්.. මගේ Phonex Bird ගෙන් ලස්සනම ලස්ස්න වීඩියෝ ටිකකුත් අරගෙන උදේ කෑමට ලෑස්ති වෙලා පහලට ගියපු අපිට පාන්,ඉදිආප්ප, පරිප්පු, කිරි හොදි, මාළු, ජෑම් සහ බටර්, බිත්තර ඔම්ලට්, පොල්සම්බෝල... තවත් මොනවද මීට වඩා.. කට්ටියම බඩ කට පිරෙන්න කාලා හෙමින් සීරුවේ ලෑස්ති වෙලා අපේ නවාතැන්පලට සමු දීලා යකඩ අශ්වයෝ ටික පන ගැන්වුයේ යකාගේ පඩිපෙලේ සුන්දර ස්ථාන දෙකක් ලග නවතින්නයි. වැළි වංගුව කවුරුත් දන්න බොහොම සුන්දර ස්ථානයක්.. දහවල් නිසා අව් රශ්මිය නම් ටිකක් තදයි. ටික වෙලාවක් වැළි වංගුවේ ගත කරපු අපි පීල්ල ලගට ඇවිත් සීතලම සීතල වතුරෙන් නා ගෙන නැවත කලුපහන හන්දියට පැමින ගිම්හාන් අයියටත් සමු දීලා රත්නපුර පැත්තට ඇදෙන ගමන් රසම රස Fruit Salad එකක් කාලා රත්නපුරට ඇදෙනකොට දවල් 2ත් පහු වෙලා.. කට්ටියටම සමු දීලා මායි නන්ජු අයියයි ඉතින් එක
පිම්මට ගෙදර.. දවස් 5ක සුන්දර මතකයන් ගොන්නක් එක්ක ටුවර් එක අවසාන කරනවා.. ඇති තරම් කාලා, විවිධාකාර දේශගුනික පරිසර කලාප කිහිපයක Ride එකක් දාලා ලස්ස්නම ලස්ස්න මතකයන් ගොඩක් එකතු කර ගත්ත සුන්දර චාරිකාවක්..
නැවත හමුවෙමු.. ❤️මම,
Travel With Baja Baby
Song: Sappheiros - Awake
Music provided by Vlog No Copyright Music.
Creative Commons - Attribution 3.0 Unported
Video Link: • Sappheiros - Awake (Vlog No Copyright...
2 окт 2024
