දළදා වහන්සේ වන්දනා කවි | ලුණුගල්ලේ අමිත හිමි
Dalada Wandana Kavi | Lunugalle Amitha Thero
...වදිමු උතුම් මුනි දළදා...
තුන් ලෝ සතගෙ සිත් පිනවූ සහන්සේ
දිවිදුර නසා සරණවු මිනි පහන්සේ
ශ්රීමුඛ විජම් පද දෙසු පිපි ගොයුම්සේ
නමදිම් බැතින් මුනි දළදා වහන්සේ
රාජ හන්සයෙකු සේ වම්හනුව තුල
පුපුදා හික්මවිය ජනතා කුමුදු විල
පුරා සදහු වන් තුන් ලෝ එකලු කල
නමදිමි අතිඋතුම් දළදා නැමැති සිල
සත් වග සිත් නිවා ලොව්තුරු රැස් විහිදා
සෙන්කඩගලට නවෝදයක් දෙන දිනිදා
කරඩු සතක් මැද දිවමන් විය මුනිදා
සාදු සාදු නමදිමි මුනි. ශ්රී දළදා
දුටුවොත් වරක් බුදු හිමියන් දුටුව සමයි
ලොව්තුරු අමා සුව දළදා රුදුනු බිමයි
එහි ඇති මහා තෙද බල නම් නොමැති නිමයි
නමදිමු උතුම් දලදා සෙත එතැන තමයි
කේශ මූලයේ සගවා දළදාවෝ
දන්ත කුමරු හා හේ...ම මාලාවෝ
ජම්බුද්දීවීපයේ සිට මෙහි ගෙන ආවෝ
පෙළහර මවා පාමින් නෙක සිරි පෑවෝ
කන්ද උඩ රටේ දළදා මන් දීරේ
දෙසවන් පිනා යයි තේවා හඩ මීරේ
පෙලහර මවා පෑ අනතුරු ඇති වාරේ
දළදා වදිමු දුක් නැසුමට සංසාරේ
තුන් යම ඇසෙන බුදුබණ ගීයයි මදුර
පින් සිත් නැගේ දුරුවී අකුසල් පදුර
සන් සිදුවන්න අපි අපෙ ජීවන අදුර
යන් යන් වදින්නට ශ්රී දළදා මැදුර
නුවර වැවේ පිපෙනා සුදු නෙලුම් නෙලා
සුදු පිරුවටින් සැරසී ගත නැවුම් වෙලා
බුදු ගුණ ගය ගයා පිවිතුරු කැලුම් හෙලා
යමු කරඩුවේ දිවමන් අපේ බුදුන් බලා
දන්ත කුමරු හේමා ගෙන වැඩි දලදා
කුරහන් ගලක සගවා රැක ගත් දළදා
අහසට පැනනැගී රැස්වීදූව දළදා
නමදිමු සාදු නමදිමු අප මුනි දළදා
සිරිලක පුදසරින් මනනද තරිදු ලෙසින්
සෙන්කඩගලින් රැස් විහිදා මෙරට උසින්
රන්මිණි දිලෙන කරඩුවෙ වැඩ හිදින යසින්
දළදා සමිදු නොදකින කිම පලය ඇසින්
ඝන්ටා හඩද සුමිහිරි තේවා නාදේ
පින්වත් සදෙව් පුරවර දක්වා වීදේ
දෙවියන් වඩිති ඒ හඩ දිග නැත වාදේ
වැදහොත් බැතින් සසරෙම පව්මල සේදේ
දෙවියන් බඹුන් නිතරම උඩු ගුවනෙ සිට
පරසතු මදාරා ගෙන අත් මුදුන් කොට
වදිනා පුදන මෙන් දිවමන් සමින්දට
නමදිමු අපිත් සිරි දළදා වහන්සෙට
කිනිහිරෙ තබා කුලුගෙඩියෙන් පෙලීමට
දුන් කල එදා අන දළදා නැසීමට
දලදාවතුර විය පෙලහර මැවීමට
වදිනෙමු බලැති දළදා දුක් සිදීමට
නිරුපද්ද්රිත්ව අදටත් බැබලෙන ඕජා
සක්වල තලේටම විහිදාලන තේජා
නොයෙකුත් පුදහරින් දෙන උත්තම පූජා
වදිනෙමු නිවන් පතමින් ධාඨා රාජා
පෙර මෙන් විපත් කරදර මෙහි නැගෙන තැනේ
සෙත් සිරි විහිදුවා දොස් දුරු කරනු මැනේ
තුන් ලෝ සතම දෙන පිදුමෙන් තෙදව අනේ
බොදුමිණ රකිනු දළදා හාමුදුරුවනේ.....///
පිටපත- බිංගිරියේ සංජීව..
ලුනුගල්ලේ හිමිට..
#kavibana #lunugalleamithatherokavibana #abathelpahanpuja #sethkavi #bodipujakavi #Trending #kavi #tiktokviral #srilanka #Dalada_perahara #senkadagalapura #dalada_song #kandy
4 окт 2024