නකල්ස් යන්න කලින් ඒකෙ පාරිසරික වැදගත්ම ගැන නිසි අවබෝධයක් සහිතව යන්න කියල හැමෝගෙන්ම ඉල්ලා සිටිනව... මොකද ගොඩක් අය නකල්ස් ගැන නිසි දැනුමක් අධ්‍යයනයක් නැතිව camping කරන්න විතරක් යන trend එකක් නිර්මාණය වෙනව කියල පසුගිය කාලෙ පුරාම තේරුම් ගියා...
නකල්ස් කියන්නෙ ශ්‍රී ලංකාවේ ජීවයේ වනපෙත. ඕනම වනාන්තරයක් තුලට අපි ඇතුල්වෙලා ඒ තුල හැසිරෙනව නම් අපි තුල ස්වයං විනයක් තියෙන්න ඕනි. වනාන්තරයක් කියන්නෙම හරිම සංවේදි කලාපයක්... එය හුදෙක් විනෝදාස්වාදය ලබා ගන්න යන "ට්‍රිප් එකක්" නොවන බවත් එතනින් වඩාත් ඔබ්බට කරන්නා වූ පාරිසරික ගනුදෙනුවක් බවත් සංචාරකයන් ලෙස අප හොඳින් අවබෝධ කර ගන්න ඕනෙ....
වනාන්තරක් තුල නවාතැන් ගන්නව නම් අපෙන් එයට වෙන බලපෑම අවම වන ලෙස අපි කටයුතු කරන්න ඕනෙ. ප්‍රධාන ලෙසම වනාන්තරය තුලට කිසිදු බාහිර අපද්‍රව්‍යක් එක් නොකිරීමට වගේම අත්‍යවශ්‍යම අවස්ථාවකදී හැර වනාන්තරයේ සම්පත් අවභාවිතා කිරීමෙන් අපි වලකින්න ඕන... උදාහරණයක් ලෙස ගිනිමැල දැල්වීම වගේ ක්‍රියා, කූඩාරම් ඉදිකිරීමට වනාන්තර එලි පෙහෙලි කිරීම් වගේ දේවල් අනවශ්‍ය ලෙස විනෝදාත්මක කටයුත්තක් ලෙස නොකිරීමට අප වඩා වගකීමෙන් කටයුතු කල යුතු වෙනව... එමගින් වනාන්තරයේ සම්පත් අධික ලෙස අවභාවිත වෙනව වගේම නැවත පුනර්ජනනය වීමක් සිදු නොවීමටත් පුළුවන්...
වනාන්තර තුලට බාහිර අපද්‍රව්‍ය එක් කිරිම අනික් ශෝචනීය කාරණාව... එය සංචාරකයෙක් අතින් සිදුවීම මට නම් පුදුමයක්.... ඇතැම් අධි සංවේදී ස්ථාන වල මෙම විනාශය සිදුවීම නිසා එම කලාප වල සංවේදී පරිසර ප්‍රජාව අධික ලෙස තර්ජනයට ලක්වෙනව. (උදා : සිරිපා අඩවිය).. ඉතින් හැකි සෑම විටම හැකි පමණින් එම අපද්‍රව්‍ය ඉවත් කිරීමට දායකත්වයක් ලබා දීමත් ඉතාම වැදගත්....
ඉතින් මේ වෙහෙස යුනෙස්කෝ ලෝක උරුමයක් වන නකල්ස් හෙවත් දුම්බර වන අඩවියේ පාරිසරික වැදගත්කම ඔබ සමඟ බෙදාගැනීම.... මෙහි නීතිමය රාමුව වෙනමම විමසුමට ලක්කල් යුතු කාරණාවක්.. මොකද මෑත කාලීනව ලබාගත් අත්දැකීම් අනුව අනවසර ඇතුල්වීම් වලට එරෙහි නීති රීති දැඩි ලෙස ක්‍රියාත්මක වෙනව... එම නිසා ඒ කරුණ ගැනත් නිසි අවබෝධයක් සහිතව ඔබගේ සංචාරයන් සැලසුම් කරන ලෙසත් මතක් කර සිටිනවා...
ඉතින් සොබාදහමේ හදවත රකිමින් විඳින්න 💚
විශ්වනි
1 окт 2024
