නිර්මල ලූර්දු මාතාවන්ට යාච්ඤාව _ lurdhu mathawanata yachchawa sinhala prayer 

Please note that all the credits of prayer content should go to the Holy Catholic Church and all the rights of the video content with lyrics reserved by the channel ‪@adaraniyajesu‬
Prayer Vocals by Dilini Fernando for ‪@adaraniyajesu‬ channel.
නිර්මල ලූර්දු දේව මාතවන් වෙත කැප කිරීමේ යාච්ඤාව
අති පරිශුද්ධ මරියනි, දෙවියනගේ මෑණියනි, ලෝකයාගේ මලානික වූ විශ්වාසයට අනුබල දෙනු සඳහා ද, ලූර්දු නම් ස්ථානයෙහි දර්ශනය වූ මාතාවෙනි, ඔබ වහන්සේගේ මාතෘ දයාව වඩ වඩා ප්‍රත්‍යක්ෂ කරමින් අප හෘදවලට විශ්වාසය උනන්දු කරන පිණිස ඔබවහන්සේගේ දයා ඓශ්චර්යයන් සියල්ල බැගෑපත් දරුවකුට භාර කළාවූ දයාබරියනි, "ජම්ම දෝෂයෙන් නිර්දෝෂ තැනැත්තිය මමය" යි කියමින් දේව මිත්‍රකමේ ඇපය වන නිර්දෝෂභාවයේ අප්‍රමාණ වටිනාකම උගන්වාවදාළ නිර්මල කන්‍යාවෙනි, දහබට වාරයක් දර්ශනය වෙමින් දේව උදහස නිවීමටද, දේව සාධාරණකමට නිසි වන්දි ගෙවනු සඳහා ද, යාච්ඤා කිරීමට සහ තපස්ක්‍රියා කිරීමට ද, වචනයෙන් හා ක්‍රියාවෙනුත් උගන්වා වදාළ උත්තමියනි, ඔබවහන්සේගේ ආශිචර්‍යමත් ගුහාවට මුළු ලෝකයම ඔබගේ දාසයින් කැඳවා වදාළ ලූර්දු මාතවෙනි, ඔබවහන්සේගේ සර්වබලධාරි වූ මධ්‍යස්ථකමින් ස්වර්ගීය දීමනා ලබන්නාවූ ස්ථීර බලාපොරොත්තුවෙන් යුක්තව ඔබගේ සිරිපා හමුවෙ අප සියලු දෙනාම රැස්ව සිටිම්හ.
ඔබවහන්සේට ඒක චිත්තයෙන් ආදර වෙන්නාවූ අපි මේ ලෝකයේදි උන්වහන්සේට සදාකාලයටම ප්‍රේම වෙන්ට සියලු දේට වඩා ආශා වෙමු. අපගේ ආත්ම සතුරන්ගෙන්ද, අප ස්වකීය දුර්වලකමින්ද, අප ආරක්ෂා කර අප හැමදෙනාටම පාප ක්ෂමාව ද, මින්මතු පාපයෙහි නොවැටීමට ශක්තිය ද ලබා දුන මැනව. ප්‍රධාන කොට සත්‍යාගමේ යුතුකම් අත්හැර දැමූ කතෝලිකයින් පිට අනුකම්පා වෙමින් ඔවුන්ගේ සිත් හැරී ඔබවහන්සේගේ විශ්වාස දාසයන් වීමට වරම් දුන මැනව.
පෙම්බර මෑණියන්වහන්ස , අපගේ ස්වදේශය වූ ශ්‍රී ලඔකාද්වීපයට දී, එය සියලු අන්තරාය වලින් ගළවා ගන්නා හැටියට ඔබ තුමන්ගේන් උදක්ම ඉල්ලමු. ඊට ඔබවහන්සේගේ නිරන්තර පාලනය උවමනාවේ. එහි ඔබවහන්සේව නොහදුනන්නා වූද, බොහෝ දෙනා සිටිති.
ඔබවහන්සේ අප ස්වදේශයට මෑණියෝ ද, විශේෂ ආරක්ෂාකාරියද වන සේක්වා.
අති නිර්මල ලූර්දු මාතාවෙනි, ඉල්ලීම් වලදී ද, අප ශුද්ධෝත්තම පියාණන් ද ඔබගේ දිව්‍ය කුමාරයාණන් විසින් උන්වහන්සේට භාරකරන ලද්දාවු මුළු ලෝකයේහි ශු. සභාවද මතක නැති කරන්නට නුපුළුවන. අප මෙන් උන්වහන්සේද ඔබවහන්සේ කෙරේ මුළු මෙන් බලාපොරොත්තු වන සේක. මධුර වූ මෑණියන්වහන්ස, උන්වහන්සේ ආරක්ෂා කර සකල ආශිර්වාදයෙන් උන්වහන්සේ පූර්ණ කළ මැනව. උන්වහන්සේගේ දුඛයෙහිද, සැනසීමද අමාරැකම් වලදී ආධාරයද වෙමින් දිව්‍ය රාජ්‍යය මුළු ලෝකයේහි පතුරුවා හරින්නට උන්වහන්සේට ආධාර වුව මැනව.
අහෝ දයාබරිත වූ මෑණියනි, මේ ලෝකයේදි ද, පරලෝකයේදි ද ඔබතුමන්ගේ දිව්‍ය පුත්‍රයාණන් වහන්සේ අපට පෙන්වමින් අප සියළුදෙනාටම ආනන්ද සන්තෝෂයේ හේතු වන සේක්වා . ආමෙන් .