පාර්ලිමේන්තුව අසළ උද්ඝෝෂණයේ නිරතව සිටි මියන්මාරයේ ත්රස්ත ග්රහණයට ලක්වූවන්ගේ පවුල්වල ගැටලු විපක්ෂ නායකවරයා පාර්ලිමේන්තුවට ඉදිරිපත් කරයි
රැකියා ලබා දෙන බවට රවටා මියන්මාරයට ගිය පසු එහි ත්රස්ත ග්රහණයට ලක්ව සිටින ශ්රී ලාංකික තරුණ තරුණියන්ගේ දෙමාපියන් පිරිසක් අද පාර්ලිමේන්තුව අසළ පොල්දූව මංසන්ධියේ දී උද්ඝෝෂණයක නිරත වූ අතර ඒ අවස්ථාව සඳහා විපක්ෂ නායක සජිත් ප්රේමදාස මහතා ද පැමිණ ඔවුන්ගේ ගැටලු කෙරෙහි සාවදානව සවන් දෙන ලදී.
එහි දී විපක්ෂ නායක සජිත් ප්රේමදාස මහතා උද්ඝෝෂණයේ නිරත පිරිස හමුවේ කියා සිටියේ මියන්මාරයේ සිරවී සිටින තරුණයන් සම්බන්ධයෙන් සොයා බැලීමට සමගි ජන බලවේගය දැනටමත් මැදිහත් වී වෙනම ම මන්ත්රී ධුර කණ්ඩායමක් මේ සඳහා යොමු කළ බවත් විපක්ෂයක් ලෙස මේ සම්බන්ධයෙන් කළ හැකි වැඩකටයුතු සීමා සහිත වුවත් එම සීමාමායිම් නොබලා මේ ගැටලු දේශපාලනීකරණය නොකර දරුවන්ගේ ජීවිත ගැන සිතා කටයුතු කළ බවත් ය.
එසේ ම මේ සම්බන්ධයෙන් අද දින පාර්ලිමේන්තුව දැනුවත් කරන බවට පොරොන්දු වූ විපක්ෂ නායක සජිත් ප්රේමදාස මහතා අද පෙරවරුවේ පාර්ලිමේන්තුව රැස් වූ අවස්ථාවේ දී පොරොන්දු වූ පරිදි රජය දැනුවත් කිරීමට කටයුතු කරන ලදී.
එහි දී විපක්ෂ නායක සජිත් ප්රේමදාස මහතා කියා සිටියේ මියන්මාරයේ අප රටේ දරුවන් 49ක් සහ රුසියාවේ තවත් පිරිසක් සිරවී සිටින බවත් රුසියාවේ සිටින ඇතැමුන් මියගොස් ඇති බවත් කෙසේ හෝ මේ පිරිස නැවතත් ලංකාවට ගෙන ඒමට කටයුතු කරන ලෙස රජයෙන් ඉල්ලා සිටින බවත් පැවසීය.
එමෙන් ම ත්රස්ත කඳවුරු දෙකක අප රටේ සහ ඉතියෝපියාවේ අය පමණක් අය නතර කර ඇති බවත් දැනට දින 252ක් ගෙවී ගොස් ඇති බවත් මේ වන විට ඉන්දියාව නේපාලය උගන්ඩාව මොරොක්කෝ යන රටවල් රාජ්ය තාන්ත්රික සම්බන්ධතා හරහා ඔවුන්ගේ රටේ තරුණයන් බේරා ගෙන ඇති බවත් එම නිසා මේ සම්බන්ධයෙන් සොයා බලා කටයුතු කරන ලෙසත් විපක්ෂ නායකවරයා අවධාරණය කළේය.
තව ද ඩුබායි හරහා ක්රියාත්මක ඔන්ලයින් වීසා හොර රැකියා ජාවාරමක් හරහා මේ පිරිස රැකියා සඳහා ගොස් ඇති බවත් එම නිසා මේ සම්බන්ධයෙන් රජයේ විධිමත් මැදිහත්වීමක් අවශ්ය බවත් විපක්ෂ නායකවරයා මෙහි දී පැවසීය.
9 июл 2024