පුජ්‍ය වලස්මුල්ලේ ගුණරතන ස්වාමීන් වහන්සේ (walasmulle Gunarathana Thero) - කෙලෙස් ප්‍රෙහානය කිරීම 

මේ පන්සල්වල සැපට සිටින චීවරධාරීන් විසින් අති නිර්මලවූ බුද්ධ වචනය (බුද්ධාගම කියා දෙයක් නැත) ආරක්‍ෂා කරන්නද මේ හදන්නේ? නැතිනම් ඒ අයගේ පැවැත්ම (බුද්ධ වචනයට පටහැන) ආරක්‍ෂා කරගන්නද මේ කෑගහන්නේ? මට නම් හැගීයන්නේ බුද්ධ වචනයට පටහැනි පැවැත්ම ආරක්‍ෂා කරගන්න කෑ මොර දෙන බවය. මේ අයගෙන් ඇසිය යුතු ප්‍රශ්න රාශියක් තිබෙනවා. පළමුවැන්න වන්නේ ඒ අයගේ දින චරියාවය. මට හොඳටම විශ්වාසයි මොවුන්ගේ දින චරියාව බුද්ධ වචනයට සම්පුර්ණයෙන් පටහැනි බව. කොහොමද එහෙම මම කියන්නේ? පහත සඳහන් කරනු ලබන කරුණු ගැන නොදන්නා ආකාරයට ජීවිත පැවැත්ම ගෙනයාමය. සිදුහත් කුමරුගේ ජීවිතය දෙස බලන්න. එකම පුද්ගලයෙක් අවස්ථා සතරක ජීවත්වුනා. එම අවස්ථා සතර පිළිබඳව ඥාණයෙන් බැලීම වටිනවා. සිදුහත් කුමරා - බලය, ධනය, උගත්කම ආදී නොයෙකුත් දක්‍ෂකම්වලින් පිරිණු මේ කුමරා පවුල් ජීවිතයක් පටන්ගෙන පළමු දරුවා ලැබුන විගස ජීවිතය පිළිබඳව ඇතිවූ එපාවීම නිසා අවංකව (සමහරුන් මෙන් වංක පවුල් ජීවිතයක් ගත නොකර) එයින් මිදී වෙන ස්ත්‍රීන් වෙත නොගොස් සිදුහත් තවුසා - එම කලකිරීම පිළිබඳව අවුරුදු 6 ක ඉතා ගැඹුරු පරියේෂණයක යෙදුණා. එම ගවේෂණයෙන් ලබාගත් වටිනා තොරතුරු මොනවාද? තමා හෝ අනුන් නැසීමට හිත දෙන්නේ කැමැත්ත/අකමැත්ත නිසා තම ක්‍රියාවලිය තුල උපදින දස පාප ක්‍රියා වන කාම තණ්හා රති රාග ලෝභ ද්වේශ මෝහ මච්චරිය ක්‍රෝධ වෛර බවත් එමගින් පංච නීවරණ ඇතිවෙන බවත් එම නිසා දස සංයෝජන ඇතිවී පටිච්ච සමුප්පාදය තුලින් සදාකාලිකව දුකට පත්වෙන බවත්ය. ඉහත සඳහන් 40ක් පමණ වන පාප ධර්ම (තම ක්‍රියාවලියට පීඩාදෙන) වලින් පුර්ණ නිවීම හෙවත් පිරිනිවීම සඳහා කලයුත්තේ සත්තිස් බෝධි පාක්ෂික (තමාට බුද්ධි උදාකරගෙන එම බුද්ධියෙන් මුළු ජීවිතයම ගතකිරීමට ඉවහල්වන) හෙවත් බුද්ධියට පමණක් ආවේනිකවූ ධර්ම 37 (සතර සති පට්ඨානය, සතර ඝෘධි පාද, සතර සම්‍යක් ප්‍රධාන වීය්‍යී, පංච ඉන්ද්‍රිය, පංච බල, සප්ත බෝජ්ජංග ධර්ම සහ ආය්‍යී අෂඨාංගික ධර්ම) දියුණු කරගැනීම බව සොයාගෙන ඒ අනුව ක්‍රියා කර බුද්ධත්‍වයට (බුදුන් බවට) පත්වුනා. ඉන් පසු උන්වහන්සේ මුදල් උපයන ව්‍යාපාර කළාද? සැපසේ ජීවත්වීමට දාන මාන ලබා ගත්තද? පයින්ම ගමන් කළා. කෑම සඳහා පිඬු සිඟා වැඩියා. අනුන් වෙනුවෙන් මුළු ජීවිතයම ගතකළා. අවසානයේ ඇස්දෙක පියා ගැනීමට ප්‍රථම අපට දුන් අවවාද කුමක්ද? "වය ධම්මා සංඛාරා අප්පමාදෙන සම්පාදෙත්වා" තම ශාරීරික ක්‍රියාවලියේ ඇති අංශු තදවීමට, තෙරපීමට, රත්වීම සහ දෙදරීමට බලපාන පාප ධර්ම වලින් මිදීම සදහා ප්‍රමාද නොවී ක්‍රියාකරන්න යන්නය. මෙම කරුණු අනුව බලන විට අපේ රටේ සිවුරු ඇඳගෙන ඉන්න කීදෙනෙක් මේ ආකාරයට ජීවිතය ගත කරනවාද? උත්තරය ඔබට භාරයි.

තෙරුවන් සරණයි ස්වාමීන් වහන්ස.මේ භවයේදීම ඔබ වහන්සේ නිවන් දකිත්වා🙏🙏🙏🙏🙏🙏🙏🙏