ප්‍රවීණ වැඩිහිටි කවියකු වන මාකඳුරේ අමරසිංහ කවියාගේ 80 වන ජන්ම දිනය වෙනුවෙන් එතුමාගේ රසික පිරිසක් හා කවි කිවිඳියන් කීප දෙනකු එක් ව සූදානම් කරන ලද චාම් උපන් දින සාදය හා උපහාර පිදීම 2023 ජූලි 07 වනදා මාකඳුරේ කවියාගේ නිවසේ දී පැවැත්විණි. එහි දී පෑලියගොඩ ජයතිලකාරාමාධිපති බස්නාහිර පළාතේ ප්‍රධාන සංඝනායක අතිපූජ්‍ය ගැටබේරිකන්දේ රතනසිරි ස්වාමීන් වහන්සේ කවියාට සෙත්පිරිත් සජ්ඣායනය කළහ. සෙසු පිරිස කවියෙන් කතාවෙන් සුබ පැතුම් එක් කළ අතර මාකඳුරේ කවියාගේ හොඳ ම රසිකයින් වන පිටකෝට්ටේ ශාන්ත කුමාර මහතා, කඩුවෙල ශාන් ආට් අධිපති අරුණ ශාන්ත මහතා ඇතුළු රසික පිරිසක් ද රතුපස්වල ලලිත් ප්‍රේමතිලක, කැකුළි රේණුකා ජයවර්ධන, නෙත්මි යාපා, පවිත්‍ර සංකල්ප වැලිකන්නගේ ඇතුළු කවි කිවිඳියෝ ද මේ සඳහා සහභාගි වූහ.
8 июл 2023
