Ada Derana | ශ්රී ලංකාවේ විශ්වසනීය හා ප්රමුඛතම පුවත් සපයන්නා
#kaduwela #police #kelaniriver #adventure #savedlife
Disclaimer: This video contains visuals taken from external sources solely for news purposes
මාරයාටත් බය නැති කඩුවෙල හොඳ හදවත් මහ රෑ කැලණි ගඟට පැන කළ වික්රමය... සැඩ පහරේ ගසාගෙන ආ කාන්තාවගේ ජීවිතය බේරූ මෙහෙයුමේ සජීවී දර්ශන මෙන්න
කැලණි ගඟට පැන සියදිවි නසාගැනීමට උත්සාහ කළ කාන්තාවක් අසීරු මෙහෙයුමකින් පසුව බේරාගැනීමට කඩුවෙල පොලීසියේ නිලධාරීන් සහ ප්රදේශවාසීන් පිරිසක් සමත්ව තිබේ.
අධික වැසි තත්ත්වයත් සමග කැලණි ගඟේ ජල මට්ටම ඉහළ ගොස් දැඩි සැඩ පහරක් පවතින අවස්ථාවක මෙම මෙහෙයුම ක්රියාත්මක කර තිබුණි.
ඊයේ රාත්රී 8ට පමණ පවතින වැසි සමඟ දෙගොඩ තලා යන කැලණි ගඟේ කාන්තාවක් ගසාගෙන යන බවට 119 හදිසි ඇමතුම් අංකයට දුරකථන ඇමතුමක් ලැබී තිබුණි.
එම අවස්ථාවේ ප්රදේශයේ මුර සංචාරයේ යෙදී සිටි කඩුවෙල පොලිසියේ ස්ථානාධිපති පොලිස් පරීක්ෂක කාන් වීරසිංහ මහතාට පොලිස් නිලධාරීන් එම තොරතුර කඩිනමින් දැනුම්දී තිබුණා.
වහාම ක්රියාත්මක වූ ස්ථානාධිපතිවරයා පොලිස් නිලධාරීන්ට උපදෙස් ලබාදී තිබුණේ ගඟට බැසීමට පුද්ගලයෙකු, කඹයක් සහ විදුලි පන්දම් කිහිපයක්ද සූදානම්කරගන්නා ලෙසටය.
ඒ අනුව මිනිත්තු කිහිපයක් ඇතුළත සූදානම් කෙරුණු ආම්පන්න සහ ගඟට බැසීමට හැකියාව ඇති ප්රදේශවාසියෙක් වන සමන් අසිත නමැත්තාද කැටුව ස්ථානාධිපතිවරයා කඩුවෙල බෝගහවත්ත පාලම අසළට වහාම පිටත්ව ගොස් තිබුණි.
ඒ අනුව කැලණි ගඟ ඉහල සිට සැඩ පහරට ගසාගෙන එන කාන්තාව විදුලි පන්දම් එළියෙන් නිරීක්ෂණය වීමත් සමග අසිත් සමන්ත කඹයේ ආධාරයෙන් ගඟට බැස ඇයව බේරාගැනීමට කටයුතු කර තිබුණේ ජීවිත අවදානමක් මැද දැඩි පරිශ්රමයක් දැරීමෙන් අනතුරුවය.
නිරුපද්රිතව බේරාගැනුණු කාන්තාව වහාම නැගෙනහිර කොළඹ මූලික රෝහල වෙත ඇතුළත් කෙරුණු අතර ඇය තවමත් එහි ප්රතිකාර ලබයි.
එලෙස සියදිවි නසා ගැනීමේ අරමුණෙන් බෝමිරිය ප්රදේශයෙන් කැලණි ගඟට පැනීමෙන් පසුව ඇය බේරාගැනුණේ කිලෝමීටර් 9ක පමණ දුරකිනි.
#News #AdaDerana #SriLankaNews #DeranaNews #TVDerana #Live #RU-vidLive #SriLankaNo1NewsSource #TruthFirst #LKA #NewsBulletin #CurrentAffairs #Technology #TrendingNews #ViralNews
29 май 2024