Ven Matara Mahinda Thero - Neth FM Dharma Dakshina 2024-06-30
පූජ්යපාද මාතර මහින්ද ස්වාමීන්ද්රයන් වහන්සේ නෙත් FM ධර්ම දක්ෂිණා 2024-06-30
ඉතාම වටිනා දහම් කොටසක් ඇසුරෙන්
අපි හැම වෙලාවකම බණ අහනවා ධර්මය වඩනවා,සමහර අයට සැක සංකා තිබෙනවා බණ ඇහුවට වැඩක් නැද්ද, බණ ඇහුවම අපිට නිවන් දකින්න පුළුවන් ද කියල සමහරුන්ගේ...
ධම්ම පද අට්ට කථාවේ සඳහන් කතාවක් ඇසුරෙන්
බුදුරජාණන් වහන්සේ ගේ කාලයේ බමුණෙක් හිටියා මේ බමුණා පංච අග්ර දායක බමුණා ලෙස හඳුන්වන බමුණෙක් හිටියා, මේ බමුණා විශේෂ දාන 05ක් දෙනවා
කෙත්තග්ග දානය, බලග්ග දානය , බලබංග දානය, කුම්බබග්ග දානය සහ නැලියෙන් පිසපු දානය තමන් අනුභව කරන්න කලින් සංඝ රත්නයට දාන දෙනවා, මෙන්න මේ දාන 05 නිසා පංච අග්ර දායක බමුණා නම් වුණා
දවසක් මහා කරුණා සමපපත්තියට සම වැදුණ බුදුරජාණන් වහන්සේ මේ පංච අග්ර දායක බමුණා, බුදුරජාණන් වහන්සේ පංච අග්ර දායක බමුණාගේ නිවසට දානය පිණිස පිඬු සිඟා වැඩියා මේ පංච අග්ර දායක බමුණාට අනුග්රහ පිණිස
බුදුරජාණන් වහන්සේ වඩින කොට බමුණා ආහාර ගන්න සැරසුණා, බමුණා මිදුල දෙසට පිටුපාලා තමයි මේ අහර අනුභවයට සැරසුනේ. බුදුරජාණන් වහන්සේ වැඩිය බව මුලින් දැක්කේ බමුණාගේ බිරිඳ, පසුව බුදුරජාණන් වහන්සේ වැඩිය බව දැනගත්තොත් මේ ආහාරය උන්වහන්සේට පූජා කරනවා ඊට පස්සේ මට ආයෙත් කෑම උයන්න වෙනවා කියල හිතල බමුණාට ඇහෙන්නේ නැති වෙන්න බුදුරජාණන් වහන්සේට ඔළුවෙන් සංඥා කරලා කිව්වා, දානය නැහැ මෙහෙන් යන්න කියල. බුදුරජාණන් වහන්සේ තමන් වහන්සේගේ හිසෙන් සංඥා කරලා කිව්වා යන්නේ නැහැ කියල.. මෙයට බැමිණියට හිනා ගියා මොකද...
බුදුරජාණන් වහන්සේ පංච අග්ර දායක බමුණාට වදාළ, බමුණ බුදුරජාණන් වහන්සේට ආහාරයේ මුල කොටසත්, මැද කොටසත්, අග කොටසත් කැපයි කියල.
මුල කොටස කියන්නේ අහාර අනුභවයට පෙර අග්ර කොටස, මැද කොටස කිව්වේ තමන් අනුභව කර කර ඉන්න අහාරයෙන් කොටස දානයට පූජා කරන එක, අග කොටස කිව්වේ අනුභව කරලා ඉතුරු වෙච්ච ප්රමාණය දානයට පූජා කිරීම.
සම්මාදම් කරලා කරන පින්කම් හරි පරිස්සමින් කරන්න ඕන, නැත්නම් සිද්ධ වෙන්නේ පවක්.. මේ කරුණ බොහොම හිතල බලල අවබෝධයෙන් කරන්න ඕන.
හිතන්න කුටියක් හදන්න සිමෙන්ති කොට්ටයක් දෙනවා එක පුද්ගලයෙක්. මේ කුටිය හදන්න පමණයි ඒ සිමෙන්ති කොට්ටය භාවිතා කරන්න පුළුවන්, වෙන වැඩකට ඒ සිමෙන්ති කොට්ටය භාවිතා කරොත් එකෙන් පවක් සිද්ධ වෙන්නේ..
පිංකමක් කරනකොට සහභාගී කරගන්න පිරිස ගැන හරි සැලකිළිමත් වෙන්න, ඔවුන් මිථ්යා දෘෂ්ටික අදහස් තිබෙනවා නම්, ශ්රද්ධාව අඩු නම්,..
එකට පින් කරන කට්ටිය සංසාරයේ එකට ඉපදෙනවා කියලා අහල තිබෙනවා නේද පිංවතුනි, මිථ්යා දෘෂ්ටික අයත් එක්ක පිංකම කරාම සංසාරයේ ඒ පිරිස අපිට යලිත් මුණ ගැහෙන්නේ මිථ්යා දෘෂ්ටිය බලවත් වෙලා. සමහර වෙලාවට බිරිඳ පින්කම් කරනවට සැමියා කැමති නැහැ, සැමියා පින්කම් කරනවට බිරිඳ කැමති නැහැ
හොඳම උදාහරණයක් තමයි නන්දිය උපාසක තුමා, නන්දිය උපාසක තුමාගේ බිරිඳ නන්දිය උපාසක තුමා කරපු එකම පින්කමකට සහභාගී වුණේ නැහැ, නන්දිය උපාසකතුමා ට පින්කම් කරනකොට..
හැම වෙලාවකම පින්කම් වලට සම්බන්ධ කරගන්නකොට ඒ පිරිස පිළිබඳව විමසන්න.. හොඳට හිතල බලල ඒ පිංකම කරගන්න
අපි මේ පින්කම් කරන්නේ කාවවත් සතුටු කරන්න නෙමෙයි අපේ සසර දුකින් මුදවන්න, සංසාරයේ අපි දුක් විඳින කොට කිසි කෙනෙකුට අපිව බේරගන්න බැහැ. ඒ නිසා පින්කම් වලට සම්බන්ධ කරගන්නකොට දායක කරගන්නකොට ඒ පිරිස පිළිබඳව හොඳට හිතන්න කියල..
සමහරු පින්කම් වලට සම්මාදම් කරගන්න ගිහින් දායකයන් හරියට වෙහෙස කරල දායක ගන්නවා නම්, ඒවා සංසාරයේ ඵල දෙනකොට භයානකයි.
පින්කම් කරපු නිසා සංසාරයේ ධනය ලැබෙනවා, නමුත් ඒ ධනය ලැබුණට ඒ ධනය සොර සතුරෝ ගන්නවා නැති නාස්ති වෙලාව යනවා ඒ මොකද ඒ දායකයන් වෙහෙසවලා පින්කම් කරන්න දායක කරගත්ත නිසා..
පිංකමක් කරනකොට අපිට බලෙන් පාරේ පස්සෙන් ගිහින් කියන්න ඕන නැහැ. පින්කමේ වටිනාකම දන්නා කෙනා ආරංචිය විතරක් ලැබුණ ගමන් ඒ පිනට සම්බන්ධ වෙනවා.
ආධාර කරන පිංවතුන් ආධාර කරනකොට එකක් වෙනුවෙන් පමණක් අරමුණු කරලා ඒ දායකත්වය ලබා දෙන්න එපා. මේ පින්කමේ කරන සියළුම පින්කම් ටික අරමුණු කරලා මම මෙය පූජා කරනවා කියල තමන්ගේ දායකත්වය ලබාදෙන්න.
එතකොට පින්කමේ සෑම අංගයක් දිහාම බලල දැකල අපිට ඒ සෑම දෙයක්ම අනුමෝදන් වෙන්න පුළුවන්.
යමෙක් අනුභව කරන්න කලින් දානය දෙනවා නම් එයට කියන්නේ අග්ර දානය කියල, එය දානපති ගණයට වැටෙනවා
අනුභව කර කර ඉන්න ගමන් දෙන දානයට කියනවා දාන සමාන කියන දානය
අනුභව කරලා අවසන් ටික දානය දෙනවා නම් එයට කියනවා දාන දාස දානය කියල
මෙයින් ඵල විපාක ලැබෙන කොට වැඩිම ප්රතිලාභය ලැබෙන්නේ මේ අග්ර දානය පූජා කරපු කෙනාට..
දාන දාස ක්රමයට දානය දුන්නම ලැබෙන්නේ තමන් මහන්සි වෙන ප්රමාණයට වඩා අඩු ප්රමාණයක් ලැබෙන්නේ
රස බලල දානය දෙන එක ඉතාමත් යෝග්ය කාරණාවක්, අනුභව කරලා දානය දුන්නම පව් සිදු වෙන්නේ නැත්නම් රස බලල දානය දෙන එකේ කොහොමද පවක් සිද්ධ වෙන්නේ..
රස බලල දානය දුන්නම පවක් සිද්ධ වෙන්නේ නැහැ, රස බලල දානය දෙන එක ඥාණ සම්ප්රයුක්ත දෙයක්
රස බලල දානය දුන්නම වෙන්නේ තමන්ගේ පින වැඩි වෙන එක
ධර්ම දේශණාව ශ්රවණය කරන්න..
පංච අග්ර දායක බමුණාගේ දානය පිළිගත් බුදුරජාණන් වහන්සේ පංච අග්ර දායක බමුණාට සහ බැමිණියට සුදුසු ධර්ම දේශණාවක් සිදු කළ සේක. මොන සම්බන්ධ දේශණාවක් බුදුරජාණන් වහන්සේ මේ බමුණා සහ බැමිණියට දේශණා කළ වදාළේ ?
මේ බමුණා සහ බැමිණිය කාශ්යප භාග්යවතුන් වහන්සේගේ කාලයේ නාම රූප සම්බන්ධයෙන් ධර්ම දේශණාවක් අහල එය වඩල තිබුණා. බුදුරජාණන් වහන්සේ තමන් වහන්සේගේ අසීමිත ඥාණයෙන් එය දැනගෙන නාම රූප සම්බන්ධයෙන්ම
ශණාවක් සිදු කළ සේක
පසුව මේ බණ අහල පංච අග්ර දායක බමුණා සහ බැමිණිය යන දෙපලම උතුම් වූ අනාගාමී ඵලයට පත් වුණා
ධර්ම දේශණාව ශ්රවණය කරන්න
#mataramahindathero #matara_mahinda_hamudurwo #dharma_dakshina #nethfmdharmadakshina #bana #budu_bana #bana_deshana #venmatara mahindathero #banadeshana #dharmadeshana #dharma_deshana #bana_deshana #mataramahindahimi #dharmadeshanasinhala #darmadeshanasinhala #ranmallasantha
9 сен 2024