හැමෝම කියනවා මේ System එක වෙනස් කරන්න ඔනේ කියලා. මන් නම් හිතන්නේ නැහැ මේ විදිහට ගියොත් අපිට " තවමත් සංවර්ධනය වෙමින් පවතින රටක් " කියන හැදින්වීම ඉවත් කර ගන්න පුලුවන් වෙයි කියලා. අවුරුදු 60 කට කලිනුත් අපේ රට සංවර්ධනය වෙමින් පැවැති දේශයක්, තාමත් එක එහෙමයි. ඉස්සර අපේ රටට ගොඩාක් පිටි පස්සේන් හිටපු රටවල් අද අපිව පහු කරලා ගොඩාක් දුර ගිහිල්ලා. රටක පවතින අධ්‍යාපන ක්‍රමය කියන එක රටක සංවර්ධනය කියන එකට ප්‍රභලව බලපාන කරුණක්. මොකද ඒ අධ්‍යාපන ක්‍රමය තමයි අනාගත පරම්පරාවේ මොළ හදන්නේ. ළමයෙක් ඉපදෙනකොටම එයාගේ ඔලුව හිස්, එයා අරගෙන එන එකම දේ ධාරණ හැකියාව විතරයි. ඒ පුංචි මොළේට හොඳ දෙවල් දාන එක අපේ යුතුකමක්.
අධ්‍යාපන ක්‍රමයක් ලෝකයේ දියුණුවත් සමඟම යාවත්කාලීන වෙන්න අවශ්‍යයයි. නව තාක්ෂණයක් ප්‍රයෝගිකව වැඩදායි ලෙස නැවත භාවිතයට ගන්න පුළුවන් විදිහේ අධ්‍යාපනයක් රටේ ඉදිරි පරම්පරාවට දායද කරන එක රටේ පාලනාධිකරණයේ වගකිමක්. ඒ වගකිම නොසලකා හැරිම නිසා තමයි අපේ රටට වර්තමානයේදි මේ වගේ ඉරණමක් අත් වේලා තියෙන්නේ.
පොඩි කාලේ ඉදලම ළමයින්ව පොත් අස්සේ හිර කරලා ඔවුන්ගේ හිතිමේ හැකියාව නැතිම කරලා, ඔවුන්ගේ නිදහසත් නැති කරලා. පහ වසරේ ශිෂ්‍යයත්වේ ඉදලාම අ.පො.ස. උසස් පෙළ විභාගේ දක්වාම ඔවුන්ට ධාරා ගැනිමට නොහැකි තරමේ පීඩනයක් ඔවුන්ට ලබා දීලා.
පොතෙහි දැනුමින් පමණක් අධ්‍යාපනය ලබා දෙන්න බැහැ. ලෝකේ සංවර්ධනය වුණු එක රටක්වත් මේ පොත් අස්සේ ළමයි හිර කරලා නැහැ. ඒ රටවල් වල පෙර පාසැල් ළමයාගේ ඉදලා විශ්ව විද්‍යාල ශිෂ්‍යයා වෙනකම් ඉගෙනුම් කටයුතු කරන්නේ පුදුම නිදහසකින් පුදුම සැහැල්ලුවකින්.
ගොඩක් අය ලංකාව දලා යන්නේ මේ හින්දා තමයි. දුෂණයෙන් පිරුණු පාලනාධිකරණයක් ඉන්න රටක කාටවත් ඉන්න හිතෙන්නේ නැහැ. අපිට සමාජීය හා අධ්‍යයාත්මික වශයෙන් සංවර්ධනය වෙන්න ඔනේ නම් මේ ඔක්කොම වෙනස් කරන්න අවශ්‍යයි. ළමයින්ට පොඩි කාලේ ඉදලාම අපේ සංස්කෘතියේ තියෙන වැදගත්කමයි රට ජාතිය පිළිබඳ කැක්කුමකුයි ඇති කරන්න අවශ්‍යයි.
කොන්ද කෙළින් තියාගෙන ස්වාධීනව තීරණ ගන්න පුලුවන් මේක සිංහල බෞද්ධ රටක් කියලා ලෝකයාට කියන්න පුලුවන් ළමයෙක් රටට බිහි කරන්න අවශ්‍යයි. තමන්ගේ භාෂාව අඟයන දේශීයත්වයට ගරු කරන නිහතමානී පුර‍වැසියෙක් බිහි කරන්න ඕනේ.
විශය නිර්දේෂයක් ඇතුලත ළමයින්ව සීමා කරලා, පොත් අස්සටයි විභාග අස්සටයි සීමා කරලා, මේ අධ්‍යාපන ක්‍රමයෙන් මනින්නේ ළමයෙක් ගේ මතක තබා ගැනීමේ ශක්තිය, ධාරණ හැකියාව හා විභාගෙට උත්තර ලියන්න පුලුවන් හැකියාව විතරයි. අ.පො.ස. උසස් පෙළ තරඟ විභායට ප්‍රශ්න පත්‍ර හදන ගුරුවරු හා මහාචාර්යය වරු රැස්වීම් වලදී ප්‍රකාශ කරනවා "ළමයි අලුතින් හිතන්නේ නැහැ, එගොල්ලෝ ගනන් එහෙම හදන්නේ කට පාඩමින් සමීකරණ වලට ආදේශ කරලා" මහාචාර්යයවරු ම මෙහෙම ප්‍රකාශ කරලා ළමයෙක් අළුතින් හිතලා මොකක් හරි අහලා තිබ්බ ප්‍රශ්නයකට උත්තරයක් ලිවුවොත් "අහ්, එක syllabus එකේ නැහැ නේ, ඉතින් එකට ලකුණු දෙන්න බැහැ" කියලා ඒ පිළිතුරට වැරදී දානවා.
මේ අධ්‍යාපන ක්‍රමය කියන එක ගැඹුරින් කතා කරන්න අවශ්‍යය මාතෘකාවක්. මොකද මේ රට දියුණු වෙන්න නම් මේ ක්‍රමය වෙනස් කරලා මුල ඉදලාම ළමයින්ගේ ආකල්ප සංවර්ධනයේ සිට දැවැන්ත නව නිර්මාණ දක්වා නව තාක්ෂණයක් යටතේ ප්‍රයෝගික අධ්‍යාපනයක් ලබා දෙන්න ඕනේ.
ළමයින්ගේ ළමා කාලය සම්පුර්ණයෙන්ම වගේ නැති වෙලා ඉවරයි.
අධ්‍යාපනයට තියෙන තරඟකාරී භාවය වැඩි වෙලා. ලංකාවේ විශ්ව විද්‍යාල අතලොස්සයි තියෙන්නේ. ලක්ෂ ගානක් ළමයි අ.පො.ස. උසස් පෙළට ලියද්දී සුළු ප්‍රමාණයක් තමයි මේ විශ්ව විද්‍යාල වලට ඇතුලත් කර ගන්නේ. එක නිසා දැඩි තරඟකාරීත්වයක් ඇති වෙලා. ලංකාවේ පාලනාධිකරණයේ ගොඩක් ඉන්නේ කාර්මික යුගයේ ඉපදුනු අය, එගොල්ලෝ මේ ළමයින්ගේ සිතුවිලි, හැඟීම් තෙරුම් අරන් නැහැ. ලෝකේ අනිත් රටවල් දියුණු තාක්ෂණයක් අධ්‍යාපනය වශයෙන් ලබා දෙද්දී මේගොල්ලෝ පොත් අස්සේම හිර වෙලා ඉන්නවා. මේ අධ්‍යාපන ක්‍රමය මේ විදිහට දිගටම ගියොත් 2019 දී මෙච්චර පීඩනයක් ළමයින්ට ලබා දෙනවා නම් 2025,2030 වගේ වෙද්දී මේක කොච්චර පීඩාකාරී වෙයිද ? පොඩ්ඩක් හිතන්න මේ ගැන ලෝකේ මොන රටක ළමයෙකුටවත් මේ වගේ පීඩනයක් ලබා දීලා නැහැ. අපි මේ ළමයින්ට කොච්චර පීඩනයක් ලබා දිලද ?
-- හදවතින් අහලා බලන්න, මොළයෙන් හිතලා බලන්න, විෂය නිර්දේශයකටයි පොත් ටිකකටයි පුලුවන්ද රට දියුණු කරන්න පුලුවන් අනාගත පරපුරක් බිහි කරන්න ? මේ විදිහට ගියොත් අපිට හැකි වෙයිද විදේශාධාර නැතුව මොකක් හරි හදන්න ?, ලංකාවේ මුහුදු තීරයේ සැගවිලා තියෙන තෙල් ආකර වලින් තෙල් ලබා ගන්න ? නොකඩවා විදුලිය ලබා ගන්න පුලුවන් න්‍යශ්ටික බලාගාර හදන්න ? --
මේ දේශපාලනට සම්බන්ධ අය විනාශ කරලා තියෙන්නේ රටේ අනාගතය. මේ ගෙවන හැම මොහොතකම අපි අපේ රටේ සංවර්ධනය පස්සට දානවා. ලෝකේ තිබ්බ දියුණුතම වාරිමාර්ග තාක්ෂණයක් තිබ්බ රටක් මේක, බටහිර වෛද්‍ය විද්‍යාවෙන් සුව කරන්න නොහැකි වුනු ලෙඩ හොද කරන්න පුලුවන් තරම් දියුණු ආයුර්වේද වෛද්‍ය විද්‍යාවක් තිබ්බ රටක් මේක, රැවන්වැලිසෑය වගේ මනස්කාන්ත දැවැන්ත නිර්මාණ කරපු හෙළයන් ඉදපු රටක් මේක, පෙරදිග ධාන්‍යාගාරය වෙච්ච රටක් මේක, ලෝකේ හොදම තේ තිබ්බ රටක් මේක. ලොකේ දියුණු වුනු රටවල් අනුගමනය කරලා තියෙන මේ පියවර අනුව ගිහිල්ලා මේ අධ්‍යාපන ක්‍රමය වෙනස් කලොත් අපිට අපේ ලක් මෑණිගේ දෑසට සතුටු කදුලු ගෙන්නන්න පුලුවන් වෙයි.......
ඔයත් රටට ආදරේ රට දියුණු වෙනවා දකින්න ආස එක්කෙනෙක් නම් මේ විඩියෝ එක හැමෝටම Share කරන්න.
20 сен 2024
