එක එක ජාතියෙ කොච්චර කේක් තිබුනත් චොකලට් කේක් වලට නම් අපි කව්රුත් ගොඩක් කැමති...🙂
ඉතින් ඒ නිසාම chocolate lovers ඔබට තවත් රසම රස රෙසිපි එකක් අරන් ආවා....
චොකලට් ලාවා..
ගොඩක් ගනන් දීලා එලියෙන් අරන් කන ඔයාලට මේක ගොඩක් රසවත්ව ගෙදරදිම පහසුවෙන් සාදාගන්න පුළුවන් ක්‍රමයක් තමයි අරගෙන ආවේ....💙
හදලා පොටො එවන්න ඕනා හොදද...
චොකලට් ලාවා....
🌿 චොකලට් ලාවා සාදාගන්න පුළුවන් ෆොයිල් කප් මිලදී ගන්න පුළුවන්.සුපිරි වෙලදසැලකින් ,කේක් බඩු විකිණීමට තිබෙන කඩවලින් මිලදී ගන්න පුළුවන් (පින්තූර පහතින් දමන්නම් ).එහෙමත් නැත්නම් අවන් දමාගන්න පුළුවන් පොඩ් මග් එකකට,සුදුසු බාජනයකට දමාගන්න පුළුවන්.
🌿 ෆොයිල් කප් පාවිච්චි කලත්,සුදුසු ඉහත මම සදහන් කල ආකාරයේ කුමන කප් එකක් උනත් මිශ්‍රණය දදමාගන්න කලින් බටර් ගා ගන්න...
අවශ්‍ය දේවල්....👇(ලාවා කේක් 10ක් සදහා)
ඔයාලා දමාගන්න ප්‍රමාණය අනුව වෙනස් වෙන්න පුළුවන්..
🌷 ඩාක් කුකින් චොකලට් 250g
🌷 බටර් හෝ ෆැට් ස්ප්‍රෙඩ් 150g
🌷 පාන් පිටි හෝ කේක් පිටි 150g
🌷 අයිසින් සීනි 150g
🌷 සම්පූර්ණ බිත්තර 3 (150g)
🌷 වෙනම බිත්තර කහමද 3ක්
🌷 නෙෆ්කැෆේ තේහැදි 1 (අවශ්‍යම නැහැ )
🌷 වැනිලා තේහැදි 1
සාදාගන්න ආකාරය 👇
🌿 පලමුව කුකින් චොකලට් කුඩා කැබලි වලට කපාගෙන පිරිසිදු වතුර බින්දුවක් නැති බාජනයකට දමාගන්න.හොදට මතක තබාගන්න හැන්දකවත් වතුර තිබෙන්න බැහැ.
🌿 එම බාජනයනටම බටර් ටිකත් දමාගන්න...
🌿 දැන් උතුරන වතුර බාජනයකට මේ චොකලට් බාජනයක බස්සවා ඩබල් බොයිල් ක්‍රමයට දිය කරගන්න..
🌿 බැරි වෙලාම හරි චොකලට් මිශ්‍රණය තද උනොත්,ඔයාලා අතින් වතුර බින්දුවක් හරි මිශ්‍ර වෙලා.එහෙම උනොත් ෆ්‍රෙශ් මිල්ක් ටිකක් හරි පිටි කිරි වලින් සාදාගත් කිරි මේස හැන්දකින් ටික ටික දමා නැවත ඩබල් බොයිල් ක්‍රමයකට දියකරලා ගන්න..(මේ විදියට තද උනාම චොකලට් ටික විසි කරපු අය ඕනා තරම් ඉන්නවා..)මේ රෙසිපි එකේ බටර් ගොඩාක් තිබෙන නිසා ලොකු ප්‍රශ්නයක් වෙන්නත් නැහැ
🌿 ඩබල් බොයිල් ක්‍රමයකට නැත්නම් මයික්‍රොවේව් අවන් දමාගෙන දියකරලා ගන්න පුළුවන්.තත්පර30ක් දමා,නැවත එලියට ගෙන මිශ්‍ර කර නැවත තත්පර 30ක් දමා දියවනතුරු එසෙ කරන්න.
🌿 දැන් මිශ්‍රණය තරමක් නිවුනු පසු ,මිශ්‍රණයට ඇගිල්ලක් දමා බලන්න මද රස්නය පදමට ආපසු මිශ්‍රණය තරමක් ඝන වෙයි.එහෙත් බටර් දමා නිසා චොකලට් සෙට් වන්නෙ නැහැ.
🌿 දැන් ඉක්මනින් නිවාගන්න කියලා ඇල්වතුර බාජනයකට බස්සවාගන්න එහෙම එපා කට්ටිය 🙂
🌿 ඕනාම නම් ෆෑන් එක ටිකක් ලගින් දමා තියන්න.දැන් වෙනම බාජනයක් ගෙන සම්පූර්ණ බිත්තර 3යි,කහමද 3යි දමා අයිසින් සීනි ටික ටික දමමින් බීටරයකින් හෝ විස්ක් එකකින් බීට් කරන්න.(විනාඩි 10ක් )
🌿 සීනි දියවෙන්න අවශ්‍ය නැහැ .දැන් කලින් සාදාගත් චොකලට් මිශ්‍රණය බිත්තර මිශ්‍රණයට දමා විස්ක් එකකින් මිශ්‍ර කරන්න.පත්තක් උනත් කමක් නැහැ.
🌿 දැන් එකවරක් හලාගත් පාන්පිටි මේ මිශ්‍රණයට පත්තක් ආදාරයෙන් හෝ විස්ක් එකකින් මිශ්‍ර කරන්න.
🌿 අවසානයේ නෙස්කැෆෙ සහ වැනිලා මිශ්‍රණයට දමාගන්න.
🌿 දැන් බටර් ගා සකසාගත් මිශ්‍රණය තුන්කාලක් කප් එකට පිරෙන ආකාරයට දමාගන්න.
🌿 දැන් ලන්ච් ශීට් එකකින් කප් වල උඩ වැසෙන සේ දමාගෙන ශීතකරණයේ පැය බාගයක් දමාගන්න.
🌿 පැය බාජනයකට පසු 200c' විනාඩි 15ක් කලින් රත් කරගත් අවන් එකකට දමා විනාඩි 13-15ක් බේක් කරන්න.
සැලකිලිමත් වියයුතු කරුණු 👇
🌷 මේ මිශ්‍රණය අපි ශීතකරණයේ දැන්මෙ කූල් වෙන්න.එතකොට අවන් එකට දමාගත් පසු වටෙ කොටස තමයි ඉක්මනින් බේක් වන්නෙ.මැද අමුවෙන් ගන්නවා..ඒකට තමයි අපි ලාවා කේක් කියන්නේ..ඕනාවට වඩා බේක් උනොත් මැදත් බේක් වෙනවා.
🌷 ලාවා කේක් ටික අවන් එක දමාගන්න අවස්ථාවේ ශීතකරණයෙන් එලියට ගන්න.
🌷 ඔයාලට පුළුවන් බලන්න ලාවා කේක් එකේ වටේ මැද ඉස්සිලා එනවා..මැද ගොඩාක් ඉස්සෙන්නෙ නැහැ.
🌷 ඉක්මනින් එලියට අරගෙන අනිත් පැත්ත හරවාගන්න.වැනිලා අයිස් ක්‍රීම් එක්ක නම් නියමයි..ස්ට්‍රොබෙරි ගෙඩියක් කෑලි කපලා සයිඩ් එකෙන් තියගෙන ඔක්කොම මික්ස් කරලා කාලා බලන්නකෝ...
🌷 මේක කලින් සාදාගෙන ශීතකරණයේ තබාගන්න පුළුවන්..එහෙත් අපේ ගෙදර තිබෙන ශීතකරණයේ කූල් එක වැඩි නිසා..දවසක් දෙකක් ශීතකරණයේ තබාගන්නවානම් කාමර උශ්නත්වයේ විනාඩි 10ක් තබා අවන් කරන්න...
අපැහැදිලි දෙයක් තියෙනවානම් කොමෙන්ට් කරන්න...
මම පින්තූර ටිකක් පහලින් දමන්නම්....ඉක්මනින් වීඩියෝවකින් හමුවෙන්නම් 🙂
අදට එහෙනම් මතුසම්බන්ධයි ❤
ඈන් කාoචනා......💙
🌷🌷වයිට් චොකලට් දමා සාදාගන්නවානම් ඩාක් චොකලට් ප්‍රමානයම ගන්න.
Chocolate ganache recipe
කොකො පවුඩර් වලින් චොකලට් ගනාෂ්.. • කොකො පවුඩර් වලින් චොකල...
m.facebook.com...
29 авг 2024
