ජාතික රූපවාහිනිය විසින් ප්‍රථම වරට නිෂ්පාදනය කරන ලද ටෙලිනාට්‍යය ලා හිරු දහසක් වේ. මෙය පරාක්‍රම නිරිඇල්ල මහතා විසින් අධ්‍යක්ෂණය කරන ලද අතර පිටපත දයා අල්විස් මහතාගෙනි. සංගීතය මර්වින් පෙරේරා මහතාගෙනි.
1984 දී නිර්මාණය කෙරුණු මෙම ටෙලිනාට්‍යය ආරම්භයේදී කොටස් 4 කින් පමණක් සමන්විත වූවත්, එය ලද අසීමිත ප්‍රේක්ෂක ප්‍රතිචාර හේතුවෙන් තවත් කොටස් 9ක් දක්වා දීර්ඝ කරන්න සිදු විය. අවසානයේදි එය කොටස් 13ක ටෙලිනාට්‍යයක් බවට පත්විය.
එනමුත් ප්‍රේක්ෂක ප්‍රතිචාර හේතුවෙන් තවත් වරක් කොටස් 13ක් එකතු කර එහි දෙවන මාලාවක් ද නිර්මාණය කිරීමට සිදුවූ අතර අවසානයේ දී සමස්ත ටෙලිනාට්‍යය කොටස් 26 කින් සමන්විත විය.
ගැමි ජනතාවගේ මානුෂීය ගුණාංග ගැන කියවෙන මෙම ටෙලිනාට්‍යය එකල මැදපෙරදිග රැකියා සඳහා තරුණ පරපුර ඇදී ගිය ආකාරය ගැනත් ඉන් අත්වන ප්‍රතිඵල පිළිබඳවත් කියැවෙන අපූරු කතාවකි.
මෙහි රංගනයෙන් දයා අල්විස්, දෙනවක හාමිනේ, රත්නා සුමනපාල, රෝහිත සමරවීර, ජයරත්න රූපසිංහ, රමණී ෆොන්සේකා, අමිත්ත වීරසිංහ, නඩරාජා ශිවම්, භද්‍රා නන්දනී ගුණරත්න, චන්දිමා ජීවනී, සුසිලා සල්වතුර, රාජා සුමනපාල, ස්ටැන්ලි වර්ණකුල, ජෝන් අප්පුහාමි ආදී ශිල්පීන් රැසක් පළමු කොටසේ සිට දායක වූහ.
දෙවන කොටසේ සිට දිලිප් රෝහණ, සුනිල් හෙට්ටිආරච්ච්, සිරිල් වික්‍රමගේ, කුමාරි නෙත්තසිංහ, වින්ධ්‍යා හේමාලි සොයිසා ආදී රංගන ශිල්පීන් ශිල්පිනියන් සම්බන්ධවූහ.
6 июл 2015
