ලොවක් වසඟ කළ දන්නෝ බුදුන්ගේ ගීතයේ ඉතිහාසය ගැන ඔබ දැන සි⁣ටියා ද? 

මූලාශ්‍රය - ශ්‍රී ධම්මානන්ද දහම් පාසල RU-vid නාළිකාව
නවක ගායනය -
රාජ සිංහ මහත්මයා
ප්‍රේමා වනසිංහ මහත්මිය
අත්වැල් ගායනය -
ශ්‍රී ධම්මනන්ද දහම් පාසලේ
ශලෝනි දූතිකා ජයවර්දන
තීක්ශනා සත්සරනි කුමාරි
උත්තරා අශිනි
දන්නෝ බුදුන්ගේ ගීතය නිර්මාණය වී තිබෙන්නේ 1905 වර්ෂයේදී සිරිසඟ බෝ නාට්‍යය සඳහාය. ප්‍රකට කීර්තිමත් නූර්ති නිර්මාණකරුවෙකු වන නීතිඥ ජෝන්ද සිල්වා විසින් එම ගීතය රචනා කර තිබේ. දන්නෝ බුදුන්ගේ ගීතයේ තනුව සහ සංගීතය නිර්මාණය කර ඇත්තේ ප්‍රකට ඉන්දියානු සංගීතවේදියකු වන විශ්වනාත් ලෞජිය. අතීත තොරතුරුවල සඳහන් වන පරිදි එම ගීතය නිර්මාණය කරන්නට විශ්වනාත් ලෞජි විසින් ඔපෙරා නිර්මාණයක්‌ පාදක කරගෙන තිබේ. ඒ 19 වැනි ශත වර්ෂයේ ලෝ ප්‍රකට සංගීතවේදියකු වූ රිචඩ් වැග්නර්ගේ ඔපෙරා නිර්මාණයක්‌ය. 📽️ මෙරට දේවස්‌ථානයන්හිද එම තනුව ආභාස කොටගත් ගීතිකා ගායනා කෙරේ.
1920 වර්ෂයේදී හියුබට්‌ රාජපක්‍ෂ නම් ටවර්හෝල් ගායකයා විසින් ගායනා කළ එම ගීතය මුලින් ලියෑවී තිබූ ආකාරය පසුව වෙනස්‌ කර තිබේ. එය මූලිකවම රචනා කර තිබුණේ "ධර්ම බුදුන්ගේ ශ්‍රී ධර්මස්‌කන්ධා" යනුවෙනි. එය ධර්ම - ධර්මස්‌කන්ධා ලෙස පුනරුක්‌ත දෝෂ සහිතවීමෙන් ශබ්ද රසයට න හානිය ගැන නිර්මාණකරුවන් බොහෝ සෙයින් සිතා තිබේ. ගීතය පසුව දන්නෝ බුදුන්ගේ ලෙස සංස්‌කරණය වී ඇත්තේ ඉන් පසුවය. වසර 110 පමණ පැරණි මෙම ගීතය පසුකලෙක ආචාර්ය පණ්‌ඩිත් අමරදේවයන් විසින්ද විශාරද නන්දා මාලනී විසින් ද ගායනා කර තිබේ.
// සිරිසඟබෝ නාට්‍යයේ මුල් ගායනය:
-- W.A. පෙරේරා
-- W.A.අප්පුසිංඤො
-- W.D.S. ජේමිස්
// සංගීතය: විශ්වනාත් ලව්ජී
// පද රචනය:ජෝන්ද සිල්වා ශූරීන්