ජාතී ආගම් භේදයකින් තොරව ලෝකයේ ජීවත්වෙන සෑම කෙනෙකුම ලොකු මහත් වෙද්දී ජිවිත කාලය තුළදි නොයෙකුත් අවස්ථාවන් වලදී කිසිදා අමතක නොවන සිහිවටනයන් ජිවිතයට එකතු වෙනවා. එවැනි අවස්ථා හරිම සුන්දරයි.
විවාහ උත්සවය සැමරීම සදහා ලංකාවට පැමිණ සිටින විදේශ තරුණ යුවලක් නාකන්ද ආදර්ශ ප්රාථමික විද්යාලයේ අඩුපාඩු සොයා බැලීමට එක් වුණා..
යුරෝපා රටක් වන ලිතුවේනියාවේ විල්නියස් නගරයේ පදිංචි ලායිමා ග්රිස්කෙවිසිඑන් ( Laima Griskeviciene ) තරුණිය දන්ත වෛද්යවරියක් ලෙස කටයුතු කරන අතර අ(ර්)නෙස්ටස් ග්රිස්කෙවිසියස් (Ernestas Griskevicius) තරුණයා ප්රවාහන කළමනාකරුවෙකු ලෙසද කටයුතු කරයි.
තරුණ යුවලක් ලෙස ඔවුන්ගේ ජිවිතයේ වාසනාවන්තම සන්ධිස්ථානයක් වන තම විවාහ උත්සවය පසුගියදා එරටදි සිදුව තිබෙනවා. මෙම තරුණ යුවල මදුසමය ගත කරන්නට තෝරා ගන්නේ අපේ මේ ලස්සන ශ්රී ලංකාව..
ඔවුන් පොලොන්නරුව , ඇල්ල , මිරිස්ස , සීගිරිය , නුවර ආදී ප්රදේශ වල සංචාරය කර තිබෙනවා.
මෙහිදී ඔවුන්ට අවශ්ය වෙනව අඩු පහසුකම් සහිත පාසලක් තෝරා ගෙන තම මංගල සවාරිය සඳහා අර්ථවත් යමක් එකතු කර ගන්නට..
එ සදහා අවශ්ය මඟ පෙන්විම සිදු කරන්නේ ඔවුන්ගේ සංචාරක මගපෙන්වන්නා ලෙස කටයුතු උදය වළවගේ තරුණ මහතා විසින්.
ඔහු එම යුවළ රැගෙන එන්නේ වැලිගම මිදිගම නාකන්ද ගම්මානයේ දුෂ්කර පාසලක් වන නාකන්ද ආදර්ශ ප්රාථමික විද්යාලයටයි..
එම යුවළ විසින් එරටින් ගෙන එන ලද ටොෆි, චොක්ලටි , බිස්කට් පාසලේ සියලුම දරුවන් වෙත ලබාදිමටත් එසේම රුපියල් 30000 ට වඩා වැඩි වටිනාකමකින් යුත් සිවිලින් ෆෑන් දෙකක් සහ මුදලින් රුපියල් 10000 ක් විද්යාලයට පරිත්යාග කිරිමට කටයුතු කරනවා.. ගිනි රස්නයට පායන දහවල් කාලයේ මේ අහිංසක දරුවො ඉගෙන ගන්නෙ දහදිය වගුරවමින් අසීරුවෙන්. ගුරු භවතුන් පවා ලොකු කැපකිරීමක් කරනව... මේක පුංචි දෙයක් උනත් මෙවැනි පාසලකට ලොකු දෙයක්..
ගොඩාක් අඩුපාඩුකම් මැද තමයි විදුහල්පතිතුමා ඇතුළු ගුරු මංඩලය මේ පාසල පවත්වාගෙන යන්නෙ..
විදේශීය තරුණ යුවළ පාසලේ රැදී සිටිමින් ගතකල කාලය තුළදී දරුවන් සමඟ විනෝද විමටත් , පාසල් වත්තේ දෙමුහුන් පොල් පැළයක් සිටුවීමටත් සම්බන්ධ උනේ ලොකු උද්යෝගයකින්..
මෙම අවස්ථාව ලබාදීම පිළිබඳ බෙහෙවින් සතුට පත් මෙම තරුණ යුවල පවසා සිටියේ මෙම පාසල වගේම ලංකාවේ තවත් පාසල් වැඩි දියුණුව සදහා හිතවතුන්ගෙ ආධාර උපකාර ලබාදීමට ඉදිරියේදී කටයුතු කරන බවයි..
සැබැවින්ම අහිංසක පුංචි දරුවො එක්ක ගෙවපු කාලය ඔවුන්ට ලොකු සතුටක් ගෙන එන්න ඇති. විස්වාසයි ඔවුන් මේ සංචාරයේ වඩාත්ම තෘප්තියක් ලබපු අවශ්ථාව මෙය වෙන්න ඇති..
නිහතමානීව තේ පැං සංග්රහය බුක්ති විඳපු මේ සොඳුරු යුවළ ආදර්ශමත් විදිහට පෙන්වූ පරාර්තකාමී , ත්යාගශීලී ගුණය සහ සුහදශීලීත්වය අගය කළ යුතුමයි.
අනතුරුව ඉතාමත් සතුටින් තවත් ප්රදේශයක සංචාරය සඳහා උදය වළවගේ සංචාරක මගපෙන්වන්නා සමග ඔවුන් පාසලෙන් නික්ම යනවා.. එම තරුණිය දරුවන් තමන්ව පිළිගත් අවස්තාවේ ඔවුන්ට දුන් බුලත් හුරුල්ල පවා රැගෙන ගියේ ලොකු ආසාවකින්..
සතුට තියෙන්නේ මේ වගේ පුංචි පුංචි දේවල් වල.. කෙනෙකුට සිනාවක් දීලා ලබන සැනසීම මොනතරම් වටිනවද කියල මේ අය දන්නව..
සටහන : තරංග ගුණරත්න
පසුබිම් කථනය : රන්දිමා ජයසිංහ
#visitsrilanka #touristplace #srilankanstudent
14 окт 2024