සමනොළ සිරි පා පියුම දොවාගෙන
සීත ගඟුල් රට වට යනවා
සිංහ රාජ වන කුංච නාදයෙන්
මේග වලාකුළු රජ වෙනවා
තුරු ලිය මල් පල විහඟ ගීතයෙන්
ආදම් උයනත් සැඟවෙනවා
රාවන ළංකා ඉසුරු පුරාණය
ගොළු මුහුදින් මුතු මතු වෙනවා
ගංගා හරවා වැව් පෙළ අමුණා
මිහි රස මතු කළ පරම්පරාවේ//
අනුර පොලොන්නරු සීගිරි අවුකන
විස් කම් පෑ ගුරු පරම්පරාවේ
පැතිරේ කිතු රාවේ
සමනොළ සිරි පා...
පිරිසිදු බුදු බණ පොත් කොට රැකැගෙන
ලොවට බෙදා දුන් පරම්පරාවේ//
වැදි යුග ගව යුග ගොවි යුගයෙන් නව
යුගයක් පෑ හිරු පරම්පරාවේ
පැතිරේ කිතු රාවේ
එක අම්මා ගෙන් කිරි බිව් අපි හැම
එක ලේ මස් ඇති සොහොවුරුවෝ
පන්සල් කෝවිල් පල්ලි ගියත් අපි
එක මැ පියා ගේ දූ දරුවෝ
පරිසරයට සුව සුවඳ බෙදා දෙන
සැපතෙහි විපතෙහි සුමිතුරුවෝ
එක දජයේ යට එකට මැ යන අපි
ළංකා මව ගේ දූ දරුවෝ
ළංකා දූ දරුවෝ...///
ගී පද: අරීසෙන් අහුබුදු
ගී තනු: සනත් නන්දසිරි
9 дек 2022
