කතරගම වාසනා ........ දැන් එහෙම කිව්වට වාසනා දැන් ලංකාවේම මැණිකක් වෙලා ඉවරයි. නැදුන්ගමුවේ රාජාගේ ඇවෑමෙන් පසුව එම අඩුව පුරවන්න මහනුවර ඇත් ගාලේ රජු ඉන්දි රාජා සමග එම වාසනාව ලැබුණු හස්තිරාජයා ලෙස වාසනා හඳුන්වා දෙන්න පුළුවන්.
අනුරාධපුර දිස්ත්‍රික්කයේ කැළෑ බද ප්‍රදේශයක අතරමං ව සිට සොයාගත් මේ ඇත් පැටවා පින්නවල අලි අනාථාගාරයට රැගෙන ඒමෙන් පසු 1978 වසරේ දී හිටපු අමාත්‍යවරියක වූ විමලා කන්නන්ගර මහත්මිය විසින් , රුහුණු මහා කතරගම දේවාලයට පූජා කර තිබෙනවා. මේ වෙද්දී සද්ධන්ත හස්තිරාජයෙක් ලෙස ලංකාවේ ප්‍රධාන පෙරහැර සියල්ලන්ගේම පාහේ මුලසුන රැගෙන වැඩ අරඹන්නේ වාසනා තමයි.
මංගල කුලයට අයත් ඇතකු ලෙස සැලකෙන වාසනා නම් කරන්න පුළුවන් වගේම , අලිඇතුන්ගේ බුද්ධිමත් බව යන ලක්ෂණයට මේ හස්තියා කදි ම උදාහරණයක්. සාමාන්‍යය සත්ත්වයකුට වඩා පැසුණු බුද්ධියකින් යුතු වාසනා ඇතා පුද්ගලයන් හා පරිසරයේ සිදුවන යම් යම් සිදුවීම් වටහා ගැනීමේ දක්ෂතාවයක් තිබෙන කෙනෙක්.
වාසනාගේ දඟකාරකම තාමත් දකින්නට තිබෙන හොඳ උදාහරණයක් තමයි දළ යුගලේ තුවාල. වෙන ඇතුන්ගේ නැති රන් කොපුවක් දළ යුගල ආරක්ෂා කිරීමට සවිඅ කර තිබෙන්නේද මේ නිසාවෙන්. නමුත් මේ වනවිට එම රන් කොපුවත් මේ වාසනාගේ දඟකාර කම් නිසාම හානිවී තිබෙනවා.
1989 JVP කලබල කාලය තුල කැරලිකරුවන්ගේ තර්ජන හමුවේ පැවැත්වූ පෙරහැරේදී නොසිතූ අයුරින් කැරලිකරුවන් බෝම්බ ප්‍රහාරයක් එල්ල කර අතර 9 දෙනෙකු ජීවිතක්ෂයට පත්වූ අතර වාසනාට ද තුවාල සිදුවුනා. නමුත් වාසනා දේවාභරණ තැන්පත් තැන්පත් කරන තෙක් අපහසුවෙන් ගමන් කලේ තමන්ගේ වගකීම ඒ අයුරින්ම ඉටු කරමින්.
කතරගම දේවල පෙරහරේ මංගල්‍යයේ සිදු කෙරෙන අතු පන්දලම බැඳීම චාරිත්‍රය සඳහා කොළ අතු මිටි රැගෙන ඒමේ මූලිකත්වය ගන්නේ ද වාසනා ඇත් රජුයි.
පෙරහැර රාජකාරිය ආරම්භයට පෙර බුදුන්ට මල්මිටක් පූජා කිරීමටත් වාසනා පුරුදුව සිටින්නේ බැතිමතුන් ලක්ෂ සංඛ්‍යාත බැතිමතුන්ගේ සාදු කාර මදැයි.
ඉතින් එහෙනම් වාසනාගේ වාසනාවන්ත කතාව Pet Talk මත දිගහරින්න අපට අවසරයි.
9 июл 2024
