හාවාගල කඳු මුදුනේ රැයක්.. | Hawagala Camping Site 2023 December | Travel Photocall 

දිනය : 2023 දෙසැම්බර් 23 ගමනාන්තය : හාවාගල උස : 8281(Ft) දුර : 3.5 KM මේ ගෙවෙන්නේ 2023 අවුරුද්ද අවසන් වෙන්න ඔන්න මෙන්න තියෙන දවස්..අපි අපේ සුපුරුදු ගමන යන්න ලෑස්ති කරගත්තා මේ අවුරුද්දෙත් ආයෙමත්..මේ ඒ ගැන කතාව... ගමනාන්තය වෙන්නේ හාවාගල..හාවාගල කියන්නේ අපේ රටේ මධ්‍යම කඳුකරයේ තියෙන තවත් හුදකලා වූ මනරම් ශිඛරයක් ලෙස ප්‍රසිද්ධයි..මේ දවස්වල මේ ගමනට තියෙන ලොකුම බාධාව උනේ කෙළවරක් නැතිව ඇඳහැලුන වැස්ස..හැමතිස්සෙම පොදයක්..කතාව අවසානයට කලින් කියලා තියන්නම්, අපි මේ ගමනෙදි වසනාවන්ත උනා..ඉතිං ගමන යන්න අපි හැමෝම පොඩ්ඩ පොඩ්ඩ සූදානම් උනා. දැන් යමු කතාවට... ගමන පිටත් වෙන දවස ඒ කියන්නේ දෙසැම්බර් 22 දා රෑ.. මේ ගමනට අපිට අපේ ප්‍රධාන ගමන් සඟයා වුනේ ලංගමය..ඉතිං අපි තීරණය කලා 22 රෑ කොළඹ කොටුව ප්‍රධාන බස් නැවතුමට යන්න. අපිට යන්න තිබුනේ 99 කොළඹ - බඳුල්ල බස් එකෙන් බලංගොඩට. හරියටම පාන්දර 1 වෙද්දි අපි අපේ ගමන කොළඹ කොටුවෙන් ආරම්භ කලා. ජෙට් එකක් කිව්වට මේක පොඩි බස් එකක්..හැබැයි අපි පැය 3න් බලංගොඩට පරිස්සමට ගෙනත් බැස්සුවා..ලංගමේ හිටපු පළපුරුදු රියදුරු මහත්මයාගේ ඩ්‍රයිවින් නම්,ඒක වෙනම කතාවක්.. ඉතිං දැන් වෙලාව හරියටම හිමිදිරි පාන්දර 4.10යි. බලංගොඩ නගරයම නිහඬයි..ප්‍රධාන පාරත් අතුරු පාරක් තරම් නිස්කලංකයි.. අතකටින් බඩු එල්ලන් හැම ගමනක්ම ගිය අපි මේදා සැරෙන් අඩුවක් නොවෙන්න අතින් කටින් එල්ලන් හෙමින් සැරේ පල්ලම් බැස්සේ බලංගොඩ ප්‍රධාන බස්නැවතුමට.. නගරයෙන් එහාට දැනෙන විශේෂයෙන් පහල ඉඳන් මධ්‍යම කඳුකරයට යන ඕනෑම කෙනෙක්ට දැනෙන පළවෙනි දේශගුණික වෙනස අපිටත් ඒ විදියටම දැනෙන්න වැඩි වෙලාවක් ගියේ නෑ..ඒකත් මරු.. අපේ ඊලඟ ගමනාන්තය වුනේ සුන්දර ලඳුයාය ගම්මානය..ඒක වෙනම ගැමි පරිසරයක්..ඉතිං ඊළඟට අපි ටිකක් එළිය වැටෙනකන් වටමේ සාකච්ඡාවක් දාගෙන හිටියා. ඔය අතරේ අවශ්‍ය අය තම තමන්ගේ යටිතල පහසුකම් ටිකත් සපුරා ගත්තා. යන්තන් එළිය වැටෙද්දි උදේ 6 විතර වෙද්දි අපි ටවුන් එකේම තිබුන සද්දේ වැඩියෙන්ම අහුන තේ කඩයකට ලං උනා..මොකද මේ වෙද්දි නොසැහෙන්න බඩගිනි වෙලා තිබුනේ අපි⁣ට.. ආ අමතක වුනා..මේ වෙද්දි අපේ නඩේ අඩුපාඩුවක් වෙලා හිටිය එක සාමාජිකයෙක්ගේ සම්ප්‍රාප්තිය.. තමිඳු.. මිනිහා කැම්පස් එකේ ඉඳන් තමයි මේ ගමනට සම්බන්ධ වුනේ..බඳුල්ලේ ඉඳන් බලංගොඩට එන්න උනා ගමනට. ඉතිං ඊට පස්සේ කෑම බීම වලින් සප්පායන් වෙලා සම්පූර්ණ වුන නඩේම එක්ක අපි උදේ 7.30ට පිටත් වෙන බලංගොඩ - ලඳුයාය ග්‍රාමීය ලංගම සඟයා එක්ක ගමන පටන් ගත්තා.. මේ යන්නේ කන්දක් නඟින්නනේ...ලඳුයාය කියන්නෙත් බලංගොඩ නගරයට ඉහලින් පිහිටිය සුන්දර පොඩි ගමක්.. කඳු හෙල් දියඇලි මැද්දෙන් වැටුන පටු පාරක් දිගේ පැය එකහමාරක් වගේ දිග ගමනකට පස්සේ අපි ඔන්න ඒ ලස්සන ගම්මානයට සෙන්දු වුනා. ගමන් මහන්සියට පොඩි කතාවකට සෙට් වුන අපේ උන් ටික එක්ක අපි හාගල රක්ෂිතය හරහා අපේ ගමන ආරම්භ කලා. ගමනට වගේම අනිත් ⁣ඉවුම් පිහුම් වලටත් අවශ්‍ය කරන වතුරත් පුරවගෙන ගමන දැන් ඉදිරියටම.. උසින් අඩි 8281 පමණ වෙන මේ හාවාගල කඳු තරණය වර්ෂා කාලයට සක්‍රීය වන දියඇළි බොහොමයකින් සපිරි උතුම් සිරිපා මුදුනට දෙවෙනි හරිත පරාදීසයක්. ගමන එන්න එන්නම අසීරු වෙද්දි අපි කඳු මුදුනට ගොඩක් ලංවෙලා තිබුනා..මේ දවල් 12,1 අතර කාලයක් විදියට මතකයි. සතියක් තිස්සේ තිබුන අනෝරා වැහි අපිට එදා අස්වැසිල්ලක් වෙලා තිබුනා..නිල් පාට අහසත් හොදින් මුදුන් වෙලා තිබුන ඉරත් අපි මුහුණ දෙන්න බලාපොරොත්තු වුන ඇතැම් අසීරු අවස්ථා පෙරතියාම මඟහැර තිබුනා. ඉතිං ඒකත් මේ ස්වභාව දහමෙන් අපි ලඳ එක්තරා අාශිර්වාදයක් වුනා. මෙන්න කතාවේ රසවත්ම කොටස... මේ වෙද්දි ඉතිං ඇගේ පතේ තෙහෙට්ටුව වගේම අව්වේ සැරට හෙම්බත් වෙලා හිටිය නිසාම පුංචි අපේ 10 දෙනෙකුගෙන් යුත් නඩේ කොටස් තුනකට වෙන් වෙලා තුන් තැනක හිටියා. ඒ මිනිත්තු 15,20ක වගේ පරතර වලින්..කොහොමින් කොහොම හරි පැයක් යද්දි අපි හැමෝම හාගල මිටියාවතේ කඳු මුදුනට ලඟා වුනා. මේක දුලභ දසුනක්..ඇත්තටම සංචාරකයෙක්ගේ ඇහැකට විතරක් සජීවීව දකින්න පුළුවන් වෙන මනස්කාන්ත දසුනක්.. අපි මේ රටේ දෛනික ජීවිත වල දකින මිනිස්සුන්ගෙන්, කන්පිරෙන වාහන සද්දවලින්, වෙහෙසකර ජීවන රටාවෙන් මො⁣හොකට පිටමං වුන ඇස් නිවන, අපේ චින්තනයට සාපේක්ෂ දිව්‍ය ලෝකයක් වගේම මේ අපේ රටේම තවත් එක් අන්තයක් නේද කියන හැඟීමක්..ඒ වගේම මැරෙන්න කලින් හැකිනම් විඳිය යුතුම මොහොතවල් අතලොස්සෙන් එකක්. ඉතිං අපිටත් ඕන වුනේ අතපයේ එල්ලන් ආව හැම දෙයක්ම ලෙහලා බිම දාලා එක එල්ලේ දුර ඈත බලාගෙන ඒ දර්ශනය මොහොතක් විඳින්න.. මේක තමයි අපි මේ සංචාරික ජීවිතේ ආස කරන හොඳම මොහොත කියලා අපි හැමෝම දැනගෙන හිටියා..ඉතිං ඒ රස කොටසට තාවකාලික තිත...🌱🙂‍↕ ඉතිරි කොටස පහලින් තව comment එකකින්....👇

😍🍃

❤️❤️

💯

❤

❤❤

❤❤

😍😍

❤❤

❤🔥

💚😍

🥰😇

🍃♥

❤🍃🍂

කාලයට ඉඩ දීලා නිවේහැනහිල්ලේ හිටපු අපි කෝපි කෝප්පයක් රස බැලුවේ අව්වේ සැ⁣ර හිටපු ගමන් අඩුවෙලා ගිය වෙලාවක..දැන් වලාකුළු පිරුණු අහසක් යට අපි ලොකු කතාබහක..ඒ අතර අපේ අඩුමකුඩුම පිලිවලක් කරගෙන පිලිවලට හැ⁣මදේටම සූදානම් වෙන ගමන්.. ඊලඟ සැලැස්ම රාස්සියගේ අව් රැල්ල වියැකෙන්න කලින් ගිණිමැලයට තැනක් වගේම ලිප් බැඳගන්නත් තැනක් වෙන්කරගන්න එක.. ඉතිං ඔය අතරේ කිහිපදෙනෙක් දර හොයන්නත් පිටත් වුනා. ලොකු ලොකු වැඩ අවසන දැන් වෙලාව හවස 5ට 6ට වගේ වෙලා තිබ්බා.. රෑ කෑමට මේ වෙද්දි හැම දෙයක්ම වගේ සූදානම් වෙලා. ඉර හැංගෙන්න ඔන්න මෙන්න ඉතිං ඔය කියන අහස අපේ කැමරා කාච වලට හසුනොවී තිබුනා කියන්නේ බොරුවක්.. photo genic ඇතැම් උදවිය ඒ පහසත් වින්දා..ඉතිං මේ ගෙවෙන්නේ ආසම තත්පර..ආසම මිනිත්තු..ගෙවිලා යන අපේ ජීවිතේ.. මේ වෙනසට තමයි ආසම.. රෑ බෝ වෙලා අඳුර රජ කෙරුවට පස්සේ හැම තිස්සෙම ඇහුනේ කෑම හදන හැඳි ගෑරුප්පු භාජන වල සද්ද..ඒ අතරින් අපේ උන්ගේ බයිලා..රස කතා නැතුවමත් නෙවේ..දන්නවනේ.. කොල්ලොනේ..👉👈 ආහ් තව එක විශේෂයක් අපිට තිබ්බා.. අපි අමද්‍යපයි.. බීලා ආතල් ගන්න ඕන කියන බහුතරය අතරේ අපි හිටියේ අපිටම හදාගත්ත ප්‍රකෘතිමත් ආතල් එකක..ඒකේ මතකය දිගයි..😉 ඉතිං මේක හිතන තරම් ලේසි නෑ..හැබැයි විනෝදයි..😄 අද අපේ රාත්‍රී ආහාරය නූඩ්ල්ස් (සුපුරුදු kottume). රස මතක අවදි කරන ගමන් අපි හීනියට සිංදුවක් කියලා හඳ එළිය යට ගල් තලාවක අපේ රාත්‍රී භෝජනය රසවින්ඳා..ඒක ඇත්තටම තරු පිරුණ ලස්සන රාත්‍රියක්..අපි⁣ට ඉදිරියෙන් ඈතින් පිහිටපු කන්දෙන් පහලට වැටෙන ගලගම දියඇල්ලේ හඬ වගේම ඈතින් ඇහෙන හුළගේ හඬ විතරක් ඒ රැයේ අපේ පාළුව මැකුවා..ඒ වගේම වලාකුළු නැතිවුණ සමහර නිමේෂයක ඈතින් බදුල්ල වැල්ලවාය මාර්ගයත් හපුතලේ කන්ද තරණය කරන වාහානත් ගිණිපෙට්ටි වගේ දකින්න අපිට පුළුවන් වුනා..ඒකෙ තිබුණේ වෙනම ලස්සනක්..🌿 මේ ගෙවෙන්නේ අපේ හතරවන සංචාරයේ අවසන් පරිච්ඡේදය.. කෑවා බීවා සිංදු කිව්වා ගොඩක් දේවල් කතා කලා..ඊලඟ ගමනට නොයෙක් යෝජනා ද ඉදිරිපත් වුනා..😂 මධ්‍යම රාත්‍රිය පහුවෙනකම් අපි අපේ ලෝකවල දොඩමළු වෙලා ඉන්න ලැබුනා..ඉතිං කාපු බීපු අපි අවසානෙට එක එකාගේ කූඩාරම් වලට වැදිලා, දවසේ මහන්සිය ඒ විදියට නිමා කලා.. පහුවදා උදේම ඉර සේවය බලන්න ඇහැරුනේ ඒක මිස් කරගත්තොත් මේ ෆැන්ටසිය අසම්පූර්ණ වෙන නිසාමයි.. වචන අනවශ්‍යයයි..ටික වෙලාවකට හැමෝම නිහඬයි..මේක පිස්සුවක්..සමහර අපි දැකපු digital wallpapers ඇස් ඉදිරිපිට මෙන්න අපි සජිවීව දකිනවා..අපි ජීවත් වෙන්නේ ඇත්තටම මාර රටක..ඒකට මීට එහා ගිය නිදසුන් අනවශ්‍ය බව නොඅනුමානයි. කිරි තේ එකකින් සීතල කප්පාදු කරපු අපි උදේ කෑමට ලක ලෑස්ති වුනා. Chef ලා ටික දඩබඩගලා උදේ කෑමත් හදලා ඉතිං මුණකට හොඳන් කෑමත් අරන් ආපසු ගමනට පිටත් වුනා. මේ ගමනෙදි අපි සැලසුම් කරපු දේවල් වගේම බලාපොරොත්තු වුන දේවල් ඒ විදියටම සිද්ධ වුනා කිව්වොත් නිවැරදි..ඒක කලාතුරකින් සිද්ධ වෙන දෙයක්.. කොහොමින් කොහොමහරි අපි නැග්ගටත් වඩා ඉක්මනින් මේ hike එක අවසන් කලා..ඒක hike කරන ඕනෙම කෙනෙක් දන්න පොදු දෙයක්. ඒත් ඒ වාසියත් අපිට වැදගත් වුනා. කන්ද බැහැල අපි බදුල්ල කොළඹ මාර්ගයට ආවා. දැන් දවල් කෑමටත් වෙලාව හරි. ඇස් ඉස්සරහින් ගලාගෙන යන්නේ මේ හැමෝම දන්න බෙලිහුල් ඔය.. විටෙක රළු වෙස් ගන්න බෙලිහුල් ඔය ගැන දන්න දෙවල් ටිකත් අපි ඔළුවේ තියාගෙන දවල් කෑමට කලින් පරිස්සමට ඇඟපත තෙමාගෙන අපේ හාවාගල චාරිකවට නිල වශයෙන් නිමාව සනිටුහන් කලා.. ඉතිං අවසරයි හාගල කඳුකරයට ආදරයෙන් සමුදෙන්න..මෙවන් අත්දැකීමකින් ආයෙත් දවසක තවත් නොදුටු ඉසව්වකින් මුණගැහෙමු.. මේ සුන්දර පරිසරයට ආදරය කරන්න.. එය රැකගෙන විඳින්න..🌿💚 Keshan S Perera ✍️

❤

Pissuwak thamai ithin

"Wow, this video is absolutely stunning! The visuals are breathtaking, and the content is so well put together. Truly a masterpiece!"❤❤💘