การแสดงชุดวิถีชีวิต แห่ต้นดอกไม้บ้านแสงภา วงโปงลางดอกชงโค 

video Credit
ขอบคุณวีดีโอจากทีม OB การแข่งขันวงโปงลางชิงแชมป์ประเทศไทย
แหล่งที่มาข้อมูล และคำร้อง โดย (ครูทิว) สุธิวัฒน์ แจ่มใส
ปรับแต่งคำร้อง ทำนอง ดนตรี เรียบเรียง
Tik Drummer soundThai
เนื้อเพลง แห่ต้นดอกไม้ บ้านแสงภา
ลำไทเลย
ฟังเสียงโปงดังเข้า มาแต่เช้าเป็นสัญญาณ
เตือนพี่น้องทุกคุ้มบ้าน อย่าลืมไล เข้าวัดวา
น้ำอบน้ำหอม นั่นนา พ่อโซ่น แม่โซ่น เพิ่นพาทำ
ใส่โอ พร้อมดอกไม้นำ สรงพระเพชรในมื่อนี้
พากันคาระวะน้อม สรงน้ำหอม ให้เย็นซุม
เช้ามื่ออื่นจั่งมาตุ้ม สร้างต้นดอกไม้ เอ้ให้งาม
ต้องสูงใหญ่งามล้ำ ไทบ้านลงมาซ่อยกัน
ต้นดอกไม้งาม อัศจรรย์ บ้านแสงภานอบ่อนนี้
เฮ็ดมื่อเดียว แล้วนำไป เวียนถวายองค์พุทธา
ปรารถนาบุญยู่ ซ่อยซูค่ำ ให้ฮ่มเย็น...ฮั่นแหน่ว
เดินดงบูชาพระเพชร
ขอยอน้อม เป็นพุทธบูชา เหล่าปวงข้า บ้านแสงภาประชากร
โฮมใจถ้อน สรงพระเพชรด้วยดวงใจ แนวเจ็บไข้ อย่าสุมี ให้อยู่เย็น
เข็ญยากฮ่าย ให้ลาห่างไกลหนี เหมิดทั้งบ้านให้โชคดี ในปีใหม่ของไทยนา
มาลา เคล้าน้ำอบ โปรยมาลี สรงกรานต์ปีนี้ สรงพระเพชรบ้านแสงภา
งานประจำปีเคยมีมา ถวยต้นดอกมาลา เพื่อมหามงคล
ยอกร ลูกหลานพร้อมใจ ขอพรพระเพชร สำเร็จจงบันดาลดล
ทั้งโชคลาภ สุขขี มีทุกคน อย่าได้เจ็บได้จน ให้อยู่ดีมีแฮง
เดินดงช่วงเก็บดอกไม้
พอคราวแล้ว นงคราญสิย่างไป หาดอกไม้ มาประดับให้งามตา
ด้นเดินดั้น ตามพงษ์ไพร ในพนา เก็บเอามา ประดับฮ้อย พวงมาลี
ดอกจำปี จำปา บนยอดสุด สีขาว บริสุทธิ์ สดไสว งามตา
สีชมพู ดอกกระดาษหรือเฟื่องฟ้า สีชมพู ดอกกระดาษหรือเฟื่องฟ้า
โน้มเก็บลงมา แล้วเอาเมือบ้านเฮา
ดอกคูณเหลืองงามเป็นพุ่ม มองเป็นกลุ่ม สูง ต่ำ กะเก็บเอา
นั่นชบา หางนกยูง นั่นทองกวาว อีสานบ้านเฮาเอิ้นเอาว่า ดอกจาน
หลาย…พอได้ กะเอาดอกไม้นั้นเมือเฮือน ซวนหมู่เพื่อน ทั้งนงคราญกะย่างไป
ทางพ่อชาย เพิ่นกะเฮ็ดต้นไม้ไผ่ ถ่าเอาไว้ แล้วเอ้ดอกไม้ ให้สมบูรณ์……
เดินดงช่วงแห่ต้นดอกไม้
ยิน……เสียงฆ้อง
ดัง…เสียงกลอง ล่ะดัง ตุม ตุ้ม ตุ่ม
ตุ่มๆ โม่ง ตุ่มๆ โมง คลอพิณแคน แล่น แต่น กะโตดติต่ง ละครื้นฆ้อง
ฉิ่ง…ฉาบต้อง ผ่าง ผาง ฉิ่งฉับ ยับ…ย่างย้าย ทางต้นดอกไม้ กะแห่มา
เทิงประโคม ขับขานเพลงแมงตับเต่านอแซ่ซร้อง
มาพี่น้อง มาแห่แหนนำกัน ศรีโพธิ์ชัยนั้น วัดเป็นศูนย์รวมใจ
แห่ต้น ดอกไม้ใหญ่ อยู่บ้านแสงภา นาแห้วนี้ …ฮั่นแหน่ว