ช่วยงานบนรถแห่ - หนิงๆ คำพะนาง เวอร์ชั่นพิเศษ เต้ยใส่สงกรานต์ ดนตรีโดย สวัสดิ์ สารคาม 

เพลง ช่วยงานบนรถแห่
ศิลปิน : หนิงๆ คำพะนาง
คำร้อง/ทำนอง : พิณ พระโสภา
ดนตรี : สวัสดิ์ สารคาม
( เกริ่น)
ได้ยินข่าวว่ารถแห่ ถืกจ้างมาแห่งานแต่งของอ้าย
เข้าวิวาห์กับหวานใจ ผู้เพิ่นมีพร้อม สมหน้าสมตา
ผู้สาวเก่าคือน้อง บ่ได้ฮอดซองบัตรเชิญดอกหนา
แต่อยากมีส่วน ช่วยงานวิวาห์ จึงแฝงตัวมาเป็นศิลปินรถแห่
คิดพ้อคำสัญญา สองเราเคยว่า สิฮักกันฮอดมื้อแต่ง
แต่อหน้าศาลเจ้าแม่ฮักแพง เเต่ลืมบอกเพิ่นว่าแต่งกับไผ
อธิษฐานบ่ละเอียด เลยบ่ได้เบียดร่วมเตียงเคียงอ้าย
แต่จังใด๋จังใด๋ กะขอให้ได้มาร่วมงานวิวาห์
บ่ได้เป็นเจ้าสาว บ่ได้รับแม้ซองบัตรเชิญ
บ่ได้มีสิทธิ์ไปเดินแห่เจ้าบ่าว ไปเฮือนเจ้าสาวออกหน้า
จึงมาขอขึ้นรถแห่ มาแบบบ่แคร์ค่าจ้างราคา
กราบขออ้อนวอนหัวหน้า งานนี้หนูบ่เอาค่าตัว
(ลำ)
ขอมามั่ว ขอมาอนอัวเป็นนักร้องรถแห่
ขอสิทธิ์แค่จับไมค์โอ่ร้อง เอาเสียงฮ้องส่อยงาน
ถึงใจนั่นมันเจ็บอยู่พอตาย กะขอจับไมค์ส่งพรคนแพ้
บ่ได้ส่อยเหล้า ก็ขอให้ได้ส่อยลำ
บ่ได้มานั่งนำ เป็นเจ้าสาวร่วมเข้าพาขวัญ
ได้มาร่วมงานแต่ง สมฮักสมแพง สมคำอธิษฐาน
สะอื้นอวยพรเลาะบ้าน ในตอนส่งตัวเจ้าบ่าว
ฮื่อ..ฮือ..ฮือ ฮื้อ ฮือ หื่อ ฮือ
ขอให้สุขกับเขา เจ้าสาวผู้เพิ่นโชคดี
(เต้ย )
ขอทำหน้าที่สุดท้าย (ซ้ำ) น้ำตาเผลอไหลสิบอกหมู่ว่าเหงื่อ
ยามอ้ายหันแนม จะฝืนยิ้มให้ทุกเมื่อ
ทุกเมื่อ โอย ทุกเมื่อๆ
บ่เผลอไห้ กะล่ะแม่นอีหลี
บอกนักดนตรีเล่นเพลงนี้แน จากใจรถแห่มอบแซวเจ้าบ่าว
คืนนี้หย่าว หย่าวๆ คักๆ
คักๆ หย่าวๆ อย่ายอมแพ้เจ้าสาว เพิ่นเด้ออ้าย
ติดต่องานแสดงศิลปิน ▼
โทร 06 2632 4939 คุณจุ๋ม
ติดตามเป็นกำลังใจให้เราได้ที่ ▼
Facebook : / %e0%b8%8b%e0%b8%ad%e0%...
IG : / songdemusic_ig
Tiktok : / songdeofficial_tiktok
#ซองเดอ