ขับร้อง : อ๊อฟ สุรพล ทองด้วง
ประพันธ์โดย : ธีรวัฒน์ เจียงคำ
วงโปงลาง : มูลมังฝั่งน้ำโขง หนองคายวิทยาคาร
กาลนี้ อันฝูงข้า ฮ้อมเฮียงมา พรั่งพร้อมว่า แล้วยอมา ด้วยหมู่ดวงบุปผา สรวงสักการ บาดนี้ สิน้อม ไหว้
ขอให้ใสอยู่เลิง
ฝูงข้าน้อม ประนตนิ้วนบเถิง
ยั้งกลางเกิ่ง กวมเกล้าเกศา
มโนมัยหมาดใส่หมายว่า
ขอบุญคุญผลาว่าปกยั้งกั้งขะหม่อม
ให้เถิงพร้อม ที่สุขติงยันติ
อีกเถิงที่ พระนิรพานนั่นถ่อนนา
เอาตนแต่งตางดอกดวงมาลา เอาศีลเอ้คีงข้า ค้อมว่าไหว้เถิง
พระใสองค์ เลิง เลิงล้ำค้ำของ
พระใสฮอง เฮืองสองฝั่งโขง
พระใส ยั้ง คุณังสร้างเสริมส่ง
โยงสองฝั่งโขง ให้ซำแผ่นดินเดียว
พระใสซำพระธรรมเหนี่ยว คนเทียวไหว้บ่ว่าง
ฝากโขงสองฝั่ง พระธรรมจั่งยั้ง งาม
(ล่องโขง)
สมซำ ว่าเทพะดา ปฏิฐิตามาปุนแต่ง
เถิงที่พิสุทธิแสง วิสสุติแต่งแปงให้สักการ
ล้ำลื่นคุอันในแดนด้าว
สถิตย์เนา โพธิ์ชยราม คุขงเขตคาม นบน้อมนับถือ
สมนาม พระใสเป็นซื่อ คุณังแสนกือกองเกียรตินัน
ล้ำลื่นสิ่งอันในแดนด้าว
บาดนี้ฮอดคราว สิป่าวสักการ์ พระปฏิมาตางฮูปพระพุทธ สมงาม พระใส วิสสุตฺ เทียมพระวิมุต ผู้ข่วมวัฏฏา ฝูงข้าจั่งว่า ค้อมใส่
#หนองคาย #thailand #สงกรานต์ #อ๊อฟสุรพล
18 апр 2024