བདུད་བྷེ། ཐོལ་བྱུང་།
ཁྱེད་ནི་ཁྲུང་ཁྲུང་དཀར་མོ།
རྒྱ་གར་ཕྱོགས་ལ་འཕུར་ཐལ།
ང་ནི་བྱེའུ་ཆུང་འཇོལ་མོ།
རྒྱ་རྫོང་ནགས་ནས་ལུས་ཐལ། ༢
སྐྱི་བསེར་རླུང་ལ་འགྲོགས་ནས།
བྱེའུ་ཆུང་འཇོལ་མོའི་འཕུར་རྩལ།
ཐག་རིང་རྒྱང་ལ་བསྐུར་ཡོད།
ཐག་རིང་གྲོགས་ལ་བསྐུར་ཡོད།༢
ཁྱེད་སྐུ་གསེར་གྱི་ཉི་མ།
གློ་བུར་བར་ཆད་མེད་པར།
ཉི་མ་ཟླ་བས་སྐྱོང་ན།
ཕ་ཡུལ་གཅིག་པའི་ཚོ་བ།
ནང་མི་སྤུན་ཟླ་ཡོངས་ཀྱི།
སེམས་ཀྱི་རེ་འདོད་དེ་ཡིན།༢
ཉེ་འབྲེལ་ཤ་ཆགས་ཚང་མ།
ཚོ་དང་སྡེ་བ་ཚང་མ།
སྐྱིད་པོ་བདེ་མོ་ཡིན་པས།
འཚོ་བ་སྔར་ལས་རྒྱས་ཡོད།
དེ་རིང་ཉིན་བཟང་སྐལ་བཟང་འདི་ལ།
སྙིང་ནས་འཕྲིན་འདི་སྐུར་བའི།
སྐལ་བ་བཟང་པོ་ཞིག་ལྡན་བྱུང་།༢
ཁྱེད་ཀྱིས་་་གསེར་གྱི་ཉི་མ།
མྱུར་དུ་མཇལ་བའི་སྨོན་ལམ།༢
འཕྲིན་པ་སྤྲིན་ལ་བསྐུར་ཡོད།
རླུང་གིས་བར་ཆད་མེད་པར།
འཕྲིན་འདི་མྱུར་དུ་ཐོན་པར།
སྙིང་ནས་སྐྱབས་འཇུག་ཞུས་ཡོད།
བར་ཆད་མེད་པའི་སྨོན་ལམ།
མྱུར་དུ་འབྱོར་བའི་སྨོན་ལམ།
12 сен 2024
