རྗེ་བཙུན་མི་ལ་རས་པ་དང་ཕ་དམ་པ་སངས་རྒྱས། Two Great Yogi Of all Time. 

བློ་བདེ་ཐག་ཆོད་དྲུག་གི་མགུར་བཞུགས་སོ།།
མཁའ་འགྲོ་ཤུགས་ཀྱིས་འདུ་བའི་དབེན་གནས་སུ། གང་བདེ་གཅིག་པུར་ཆོས་ལ་བསམ་མནོ་བཏང་། དཔའ་བོ་བདག་རྩད་ཆོད་ལ་ཕྱག་འཚལ་ལོ། སེམས་སྐྱེ་་མེད་ཀྱི་ངང་ལ་འཆི་མེད་འཕྱོ། སྐྱེ་འཆིའི་མཚན་མ་རང་སར་གྲོལ། ལྟ་བའི་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད། སྒོམ་སྒོམ་མེད་ཀྱི་ངང་ནས་ཡེངས་མེད་འཕྱོ། མཉམ་རྗེས་ཀྱི་མཚན་མ་རང་སར་གྲོལ། སྒོམ་པའི་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད། སྤྱོད་པ་ཤུགས་འབྱུང་གི་ངང་ནས་འགག་མེད་འཕྱོ། ཚུལ་འཆོས་ཀྱི་མཚན་མ་རང་སར་གྲོལ། སྤྱོད་པའི་་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད། དབང་བསྐུར་མེད་ཀྱི་ངང་ནས་ཐོབ་མེད་འཕྱོ། ལྷ་སྐུ་ཡི་མཚན་མ་རང་སར་གྲོལ། དབང་བསྐུར་གྱི་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད། དམ་ཚིག་སྲུང་མེད་ཀྱི་ངང་ནས་ནམས་མེད་འཕྱོ། སྲུང་སྡོམ་གྱི་མཚན་མ་རང་སར་གྲོལ། དམ་ཚིག་གི་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད། འབྲས་བུ་རེ་མེད་ཀྱི་ངང་ནས་དོགས་མེད་འཕྱོ། རེ་དོགས་ཀྱི་མཚན་མ་རང་སར་གྲོལ། འབྲས་བུའི་ཐག་ཆོད་བློ་རེ་བདེ། བདེ་བདེ་འདྲ་ན་དམ་པ་རང་ཡང་མཛོད།
ཕ་དམ་པས་གསུང་པའི་ཞི་བྱེད་ནི།
དམ་ཆོས་སྡུག་བསྔལ་ཞི་བྱེད་འདི། གདོན་གནོད་སྦྱིན་ཕོ་མོ་འདུལ་ཙ་ན། བརྟུལ་ཞུགས་འཕྲུལ་འཁོར་འཆའ་བ་ཡིན། ལུས་ལ་ན་ཚ་བྱུང་ཙ་ན། དབྱིངས་རིག་གཅིག་ཏུ་བསྲེ་བ་ཡིན། རྣམ་རྟོག་ཕྲ་མོ་སྐྱེས་ཙ་ན། ཉོན་མོངས་ལ་འབུར་འཇོམས་གཏོང་བ་ཡིན། གཅིག་པུར་ལྐོག་ཏུ་ཉལ་ཙ་ན། རིག་པ་རྗེན་པར་འཇོག་པ་ཡིན། མང་པོའི་གསེབ་ཏུ་སྡོད་ཙ་ན། གང་ཤར་ངོ་ལ་བལྟ་བ་ཡིན། བྱིང་ན་ཕཊ་ཀྱིས་སེང་བ་ཡིན། འཕྲོ་ན་རྩ་བ་གཅོད་པ་ཡིན། རྒོད་ན་དབྱིངས་སུ་འཇོག་པ་ཡིན། ཤེས་པ་ཡུལ་ཕྱིར་འབྲང་ཙ་ན། འདི་ཉིད་དོན་ལ་བལྟ་བ་ཡིན། དམ་ཆོས་སྡུག་བསྔལ་ཞི་བྱེད་འདི། དུས་གསུམ་རྒྱལ་བའི་དགོངས་པ་ལགས། རྡོ་རྗེ་འཆང་གི་གསང་ཚིག་ཡིན། མཁའ་འགྲོ་སྡེ་བཞིའི་སྲོག་སྙིང་ཡིན། རྒྱུད་སྡེ་བཞི་ཡི་གདམས་ངག་ཡིན། སྙན་རྒྱུད་གནད་ཀྱི་མན་ངག་ཡིན། མན་ངག་ཐབས་ཀྱི་སྡེ་མིག་ཡིན། དམ་ཆོས་སྡུག་བསྔལ་ཞི་བྱེད་ལགས།
ཕ་དམ་པ་སངས་རྒྱས་ཀྱི་རྣམ་ཐར། • ཕ་དམ་པ་སངས་རྒྱས་ཀྱི་རྣ...
#Milarepa #BuddhistYogi #Drupthop #Naljorpa #Buddha #BuddhistHistory #gururinpoche