རྭ་རྒྱ་ཤེས་རིག་ནོར་བུའི་གླིང་བཙན་གྱིས་སྒོ་བརྒྱབ་པར་བོད་མིའི་སྒྲིག་འཛུགས་ནས་ཐུགས་འཚབ་གནང་བཞིན་པ། 

༄༅། །བོད་མིའི་སྒྲིག་འཛུགས་ཀྱི་དཔལ་ལྡན་སྲིད་ཚབ་བདེ་སྲུང་བཀའ་བློན་རྒྱ་རི་སྒྲོལ་མ་མཆོག་གིས་བཞུགས་སྒར་དུ་ཕེབས་པའི་ཊོ་རོན་ཊོ་གངས་ལྗོངས་བོད་ཀྱི་སྐད་དང་རིག་གཞུང་སློབ་གྲྭའི་དཔེ་སྟོན་ལས་རིམ་ཐོག་མཉམ་ཞུགས་གནང་མཁན་སློབ་མ་རྣམས་ལ་ཉེ་ལམ་བོད་ནང་རྒྱ་ནག་གཞུང་གིས་རྭ་རྒྱ་གངས་ལྗོངས་ཤེས་རིག་ནོར་བུའི་གླིང་བཙན་དབང་གིས་སྒོ་བརྒྱབ་པའི་ཡིད་སྐྱོའི་གནས་ཚུལ་སྐོར་འགྲེལ་བརྗོད་གནང་ཞིང་། བོད་མིའི་སྒྲིག་འཛུགས་ནས་བློ་ཕམ་ཡོད་པ་གསུང་ཡོད་པ་རེད། ཕྱི་ལོ་ ༢༠༢༤།༠༧།༡༥ ཉིན།