༄༅། །ཕྱི་ལོ་ ༢༠༠༦ ཟླ་ ༦ ཚེས་ ༢༤ ནས་ ༣༠ བར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཐེ་ཝན་དད་ལྡན་ཆོས་ཞུ་བ་ཁག་ཅིག་ནས་ཇི་ལྟར་གསོལ་འདེབས་ཞུས་པ་བཞིན། རྒྱལ་སྲས་ཞི་བ་ལྷས་མཛད་པའི་སྤྱོད་འཇུག་ཆེན་མོའི་བཤད་ལུང་དང་། ཉིན་དྲུག་པའི་ཕྱི་དྲོར་སྤྱོད་འཇུག་ལེའུ་གཉིས་པ་དང་གསུམ་པའི་ཤོལོ་ཀ་ ༢༣ པའི་ཐམས་ཅད་མྱ་ངན་འདས་བར་དུ། བདག་ནི་ཉེར་འཚོའི་རྒྱུར་ཡང་ཤོག བར་དུ་ཡན་ལག་བདུན་པའི་ཆོ་ག་འདོན་རྗེས་སྨོན་པ་སེམས་བསྐྱེད་དང་བྱང་སྡོམ་འབོག་ཆོག་བཅས་བཀའ་དྲིན་སྩལ།
19 июн 2023
