2023/01/27 ཉིན་གྱི་བརྙན།
ལྷ་རྒྱ་རིའི་སྲས་མོར་གྲགས་པའི་རྣམ་རྒྱལ་སྒྲོལ་དཀར་ལ་བལ་ཡུལ་དབུས་གཙང་མི་མང་གི་སྤྲིངས་པ།
ད་ལམ་སྐབས་བཅུ་བདུན་པའི་སྤྱི་འཐུས་དམ་འབུལ་སྐབས་ཁྱེད་ནས་བོད་མི་རིགས་ལ་བཅངས་པའི་ལར་ཞེན་དོར་ནས། རང་ཚུགས་མེད་པའི་གཞན་ཟེར་རྗེས་འབྲངས་ཀྱི་ལོག་ལམ་ལ་ཆས་ནས། དབུས་གཙང་མི་མང་གི་ངོ་གདོང་ཆུ་ལ་གཡུགས་པར་ཤིན་ཏུ་བློ་ཕམ་དང་བཅས། ཆེས་མཐའ་མའི་ཁ་ཏ་བསླབ་བྱ་དྲི་བ་བདུན་དང་རེ་བསྐུལ་ཅིག་ཞུ་འདོད་བྱུང་།
༡༽ ཁྱེད་ནི་མི་མང་གི་འོས་འཕེན་པའི་སྤྱི་མི་ཞིག་ཡིན་པས་དུད་འགྲོ་གཡམ་ཟན་བཞིན་སྐྱག་པ་གར་ཡོད་སར་མྱུལ་དོན་ཅི།
༢༽ ཁྱེད་ནི་ལྷག་པར་དབུས་གཙང་གི་སྤྱི་འཐུས་ཞིག་ཡིན་པས་རང་ཚུགས་མེད་པའི་ཁྱི་འཐུས་བྱེད་དོན་ཅི།
༣༽ བོད་མིའི་འདི་ཕྱིའི་སྐྱབས་གནས་༧གོང་ས་༧སྐྱབས་མགོན་ཆེན་པོའི་ཐུགས་རྗེའི་བཀའ་དྲིན་ཉག་གཅིག་ལས་བྱུང་བའི་བོད་མི་སྒྲིག་འཛུགས་མང་གཙོ་ཀ་བ་གསུམ་ལྡན་གྱི་བཅའ་ཁྲིམས་རིན་པོ་ཆེའི་དགོངས་དོན་རྐང་འོག་ཏུ་བརྫིས་ཏེ། བཅའ་ཁྲིམས་ཀྱི་དེབ་གཟུགས་ལ་དམ་འབུལ་བྱེད་དོན་ཅི།
༤༽ རྒྱུན་གཏན་༧གོང་ས་མཆོག་ལ་གཞི་མེད་བསྐུར་འདེབས་དང་ཟུར་ཟ་བྱེད་མཁན་དམ་ཚིག་ཉམས་པའི་ལོག་ལྟ་ཅན་དག་ལ་ཁྱིམ་ཚང་གཅིག་པའི་འདུ་ཤེས་ཀྱི་བརྩེ་བ་ཟབ་ལ། དེ་བས་མཉམ་ཟ་མཉམ་འཐུང་སྤྱོད་པ་མ་ཟད། ནག་ཉེས་འགེབ་སྲུང་གི་༧རྒྱལ་བའི་བཀའ་དྲིན་གཏིང་བརྗེད་དུ་སོང་ཡང་། ༧རྒྱལ་བའི་སྐུ་དཔར་ལ་དམ་འབུལ་བྱེད་དོན་ཅི། དཔལ་ལྡན་དགའ་ལྡན་ཕོ་བྲང་པ་ཆེན་པོར་སྙན་སྒྲོན་ཞུས་ཡོད་དམ།
༥༽ དྲྭ་ལམ་རྒྱུད་བོད་མིའི་དབུ་འཁྲིད་༧གོང་ས་༧སྐྱབས་མགོན་ཆེན་པོ་མཆོག་དབུ་བཞུགས་ཐོག་ཁྲིམས་ཞིབ་པ་རྣམས་ཀྱི་མདུན་དུ། སྲིད་སྐྱོང་གསར་རྙིང་རྩིས་སྤྲོད་དམ་འབུལ་ཁྲིམས་མཐུན་གཟི་བརྗིད་ལྡན་པ་བྱུང་བར་༧གོང་ས་མཆོག་ནས་ཐུགས་དགྱེས་ཚོར་ཆེན་པོས་འཚམས་འདྲི་གནང་བར། ཁྱོད་འདྲ་བའི་ཀླད་རྙིང་མཁྲེགས་ཟུང་ཅན་དག་གི་ཁྲིམས་མཐུན་གུས་བཀུར་མེད་དོན་ཅི་ཡིན།
༦༽ བོད་མིའི་སྤྱི་འཐུས་ཞིག་ཡིན་པའི་ཆ་ནས་བོད་མིའི་བཅའ་ཁྲིམས་རིན་པོ་ཆེར་བརྩི་མི་དགོས་པའི་སྲོལ་ངན་འདི་སྲོལ་གཏོད་དགོས་དོན་ཅི། དམིགས་ཡུལ་ཅི་ཞིག་ཡོད་དམ།
༧༽ དབུས་གཙང་གི་སྤྱི་འཐུས་ཞིག་ཡིན་པའི་ཆ་ནས། དབུས་གཙང་མི་མང་གི་མངོན་འདོད་དོར་ནས། ཆོལ་ཁ་གཞན་གྱི་ལག་གཡོག་བྱེད་དོན་ཅི།
གོང་གི་དྲི་བ་བདུན་ལ་ཁྱེད་ནས་ཁྲིམས་མཐུན་གྱི་གསལ་བཤད་དང་། བཅའ་ཁྲིམས་རིན་པོ་ཆེའི་ཁྲིམས་སྒྲིག་ལ་བརྩི་སྲུང་གི་ལུགས་མཐུན་དམ་འབུལ་མ་བྱས་ཚེ། ཁྱེད་ནི་བོད་ཀྱི་ལོ་རྒྱུས་ནང་བོད་མིའི་སྒྲིག་འཛུགས་གཏོར་མཁན་གྱི་ནག་ཉེས་ནམ་ཡང་ཟུབ་ཐབས་མེད་པས། དབུས་གཙང་གི་སྤྱི་འཐུས་སུ་ངོས་ལེན་ཞུ་ཐབས་བྲལ་བས། རྒྱ་བལ་འབྲུག་གསུམ་གྱི་དབུས་གཙང་མི་མང་གི་འཕྲལ་མར་འོས་བསྡུ་བྱས་ནས་དབུས་གཙང་གི་སྤྱི་འཐུས་ནས་ཕྱིར་འབུད་གཏོང་རྒྱུ་ཡིན།
བལ་ཡུལ་ཀཐཱ་མན་གྲུ་ནས། ཕྱི་ལོ་ 2021 ཕྱི་ཟླ་ 6 ཚེས་ 11 ལ།
25 авг 2024